2 Korẽntɩ 4:6 - ZE'ELEGO PAALEGA

⁶ Se'ere en sɔi la, la dela Yinse'ere n daa yeti, “Bahɛ ti niihum ze'ele lika puan niiɛ na la,” Yinɛ dinɛ mɛa n niiɛ tumam suya puan, ti a bo' tu a mi'ilum niihum la, n de Yinɛ suŋa niira Yezu Kiresta nɛŋa puan la.

Farefare Ninkaré

⁶ Nawẽnnɛ n yʋʋn yetɩ: «Peelem nẽegɛ lika pʋam» na, la de la ẽŋa n botɩ peelem nẽegɛ tõma sũa pʋam, botɩ tõma bãŋɛ Nawẽnnɛ na'am pãŋa n nẽegɛ Krisi nẽŋa zuo.

2 Korẽntɩ 4:6 ပူးပေါင်းရင်းမြစ်များ

Aluki 10:22

Mam Sɔ dikɛ sɛla woo iŋɛ la mam nu'uhen. Se'em ka mi' Dayua la en de se'em han dagena Sɔ la ma'a, bii se'em mina Sɔ la en de se'em, han dagena Dayua la ma'a, la sɛba ti Dayua la mɛŋa looe ba ti a niiɛ Sɔ la pa'alɛ ba la.”

Azã 1:14

Ti se'em ti ba yi'ira Yelehum wa, ta lebege asaala, bɔna la tɔ, ti tu nyɛ a suŋa, sunsɛka en pa'ali ti a dela Sɔ dayɔba'arɛ, pirɛ la zu'uhegɔ, la yelemɛŋerɛ.

Azã 11:40

Ti Yezu yele en yeti, “Mam ka yele fum ti fum han nam, fum wan nyɛ Yinɛ paŋa n ani se'em?”

Azã 12:41

Azaaya n yele dina wa la dela a yuum nyɛ la na'ahegɔ seko n de Yezu dinɛ, bala ti a tɔgɛ a yele la.

Tõoma 26:18

ti fum pikɛ ba nini ti ba ta'am ŋmɛregɛ lika la puan lebe niihum la puan na, ba yehe Sagena la bobere la puan wa'am Yinɛ ze'a na, la ba to'e ba be'em sugeri, gee me lagum pa'ahɛ sɛba n pee ba mɛhi doohe ban tari sakerɛ bo' mam se'em la.’

1 Korẽntɩ 12:8

Ayima, Sia la bo' en la yɛm tugum puan, ti ayima me, Sɛkaŋa mɛa n bo' en mi'ilum tugum puan,

2 Korẽntɩ 2:10

Se'em woo ti ya di sugeri bo' en, mam me di sugeri bo' en mɛ. Mam n di sugeri bo' sɛla la, wuu n han sirum tari se'em yele n suure wa puan gee di sugeri bo' en, la dela yamam sum zuo, Kiresta nɛŋan.

2 Korẽntɩ 3:18

Gee tumam za'a pilehe tu nɛhi bahɛ mɛ, gee biha Daana la suŋa la, wuu biheŋa puan la, ti la tee tu, ti tu tara Yezu naanɛ, zɛ'ɛta suŋa puan malum paara suŋa puan. Yele dina wa ze'eti la Daana la n de Fa'a Sia la zi'an.

2 Korẽntɩ 4:4

Ba yele la dela, tiŋa wa zuo yinɛ la n pi' sɛba n ka nam Yezu la puti'ira, ti a gu ba ti ba da nyɛta faarɛ yelehum niihum la n de Kiresta suŋa la. Kiresta se'em n de Yinɛ mɛŋa naanɛ la.

Efɛɛzɩ 1:17

N pu'uheri mɛ ti tu Daana Yezu Kiresta Yinɛ la, se'em en de zu'uhegɔ za'a Sɔ la, wan bo' ya a yɛm, la lilegere Sia, yan wa'am na ti ya baŋɛ en wa.

Efɛɛzɩ 1:18

Bala ti ya suure wan yu'ɛ, ti ya nyɛ niihum la, la ya baŋɛ beere puti'irɛ se'ere zuo ti a yi' ya na la, la tarega sɛka en boi suŋa tarega la puan bɔ'ɔra nɛresunduma la,

Efɛɛzɩ 5:8

Se'ere en sɔi la, ya daa nan boi la lika puan, gee nananawa Daana la puan, ya dela la niihum. Bala Vɔni ya wuu kɔmsɛba n boi niihum puan la.

Filipi 2:6

Eŋa se'em, en daa pun dɛna Yinɛ mɛŋa naanɛ la, a daa ka bihɛ eŋa en zuni la Yinɛ la, ti la dɛna sɛla bo' en. Dɛna sɛla ti a gurɛ kankaŋi,

Kolɔsɩ 1:15

Kiresta dela Yinɛ se'ere ti tu ka nyɛta wa naanɛ, kiima naaŋɔ wa woo puan.

1 Tesaloniki 2:12

ka'ana, gee kpɛmeha ya, gee me bɛlena ya ti ya vɔna vom sebo taaba n nari bɔ'ɔra Yinɛ, se'em en yi' ya ki'ihɛ a mɛŋa sɔ'ɔlum, la a suŋa puan la.

Hiburuduma 1:3

A dela Yinɛ suŋa niihum paaɛ paaɛ, dɛna Yinɛ vore vore, bahɛ ti sɛla woo bɔna, doohe a yelehum paŋa puan. Eŋa en duuhe saaleba be'em ba'ahɛ la, a zi'ire la Gani za'a Daana la zuɔ nu'o saazuin ha,

Hiburuduma 6:4

Se'ere en sɔi la, la kpe'em mɛ ti ba le maahum nɛrebana wa ti ba le tee. Bama sɛba en tabelɛ nyɛ niihum, tabelɛ lem saazuo bo'olum la, tabelɛ tɔrɛ Fa'a Sia la.

1 Pita 1:12

La yuum niiɛ pa'alɛ ba yeti, ba ka tuni bɔ'ɔra la ba mɛhi, gee tumam, doohe yelesɛ'a en nyaa muulɛ bo' ya nananawa, doohe sɛba en tari faarɛ yelehum wa na bo' ya la, doohe Fa'a Sia la ti Yinɛ tum en saazuo ha bahɛ na la.Yele sɛ'a ti suŋereba mu'ɛ nini ti ba nyɛ la.

1 Pita 2:9

Gee yamam dela buuri se'ere ti Yinɛ looe, ya dela malemaduma nabiihi, dɛna tuulum timpaberɛ, Yinɛ mɛŋa nɛreba, ti ya muulɛ tuunkãra sɛ'a en de se'em daana en yi' ya lika puan yehe niihum kãtɛ puan na la dinɛ.

2 Pita 1:19

Bala, tumam en tari purega yelehum la yelemɛŋerɛ. La wan ana ya suŋa, ya han kpeŋe ya mɛhi kɛleha yelehum wa en de butolela niira lika puan wa, gura ti beere ta yilegɛ, ti bulika belum ŋma'arɛ niira ya suya puan.