2 Korẽntɩ 4:4 - ZE'ELEGO PAALEGA

⁴ Ba yele la dela, tiŋa wa zuo yinɛ la n pi' sɛba n ka nam Yezu la puti'ira, ti a gu ba ti ba da nyɛta faarɛ yelehum niihum la n de Kiresta suŋa la. Kiresta se'em n de Yinɛ mɛŋa naanɛ la.

Farefare Ninkaré

⁴ La de la sɛba n ka bɔ Nawẽnnɛ sɩra la. Asũtãana n de dũnia wã naba la n pĩ ba yɛm tɩ ba da bãŋɛ Krisi n de Nawẽnnɛ wõnnɛ na kõ-yẽlga na'am pãŋa.

2 Korẽntɩ 4:4 ပူးပေါင်းရင်းမြစ်များ

Amatie 13:22

Han dɛna sɛba en zɔgɛ gu'uhi puan la, eŋa dela se'em en wum yelefum la, gee ti tiŋa wa zuo yɛla nyɛlum la tarega pa'ahɛ la ni gu' yelefum la ti bu ka ta'am wam sɛla.

Azã 1:14

Ti se'em ti ba yi'ira Yelehum wa, ta lebege asaala, bɔna la tɔ, ti tu nyɛ a suŋa, sunsɛka en pa'ali ti a dela Sɔ dayɔba'arɛ, pirɛ la zu'uhegɔ, la yelemɛŋerɛ.

Azã 1:18

Nɛra nɛra ka tabelɛ nyɛ Yinɛ. Gee la dela Yinɛ biba'arɛ la, en de Yinɛ la bɔna a Sɔ la suure la en dikɛ en pa'alɛ.

Azã 12:31

Tiŋa la gakerɛ paaɛ ya, se'em n sɔi timpaberɛ wa bihera la dika saŋa paaɛ ya.

Azã 12:35

Ti Yezu yele ba yeti, “Niihum la wan bɔna la ya la dabeha fii wa, bala biheri ya kina ti niihum la nan boi wa, ti lika la da ta wa'am na pi' ya. Ya han kina lika puan, ya ka mi' yan ye' zi'an.

Azã 12:40

“Yinɛ mɛŋa n pi' ba nini, gee kãbɛ ba suya, ti ba nini da nyɛta, ti ba suya me da bɔkera yɛla, ti ba da tee ba puti'ira lebena ti n tibɛ ba.”

Azã 12:45

Se'em woo me n nyɛ mam, a nyɛ se'em daana n tum mam na la mɛ.

Azã 14:30

N kan le ta'am tɔgɛ la ya yuue, se'ere en sɔi la, Be'em daana se'em n pɛregeri timpaberɛ wa zuo kini me na. A me ka tari n paŋa,

Azã 15:24

Mam han ka ze'ele ni ba nɛŋan tum daalehum sebo taaba ti nɛra kan ta'am tum wa, ba ka tari ni tuure. Gee nananawa, ba pun nyɛ mɛ, gee ti ba sina gee yaaɛ mam la n Sɔ la.

Azã 16:11

Ba me ka mi' gakerɛ n de sɛla, beni zuo, ba pun gakɛ be'em daana la en boi timpaberɛ wa zuo la mɛ.

Azã 8:12

Ti Yezu le tɔgɛ bo' ba yeti, “Mam n de niihum bo' timpaberɛ wa. Se'em woo n dole mam kan malum kina lika puan, gee a wan tara vom niihum la.”

Tõoma 26:18

ti fum pikɛ ba nini ti ba ta'am ŋmɛregɛ lika la puan lebe niihum la puan na, ba yehe Sagena la bobere la puan wa'am Yinɛ ze'a na, la ba to'e ba be'em sugeri, gee me lagum pa'ahɛ sɛba n pee ba mɛhi doohe ban tari sakerɛ bo' mam se'em la.’

Tõoma 26:23

Ba yuum purɛ ti Kiresta wan nyɛ mɛlehegɔ, gee dɛna yia daana ti a ihege a kum puan, la a muulɛ niihum yele wa bo' tumam nɛreba, tumam nɛreba wa yia gee nyaa bo' sɛba n dagi Yuuduma la.”

1 Korẽntɩ 10:20

Aayi, mam yeti sɛla wa dela, sɛla ti bage kaabereba la ni kaabɛ bo' la, ba ni kaabɛ bo' la kulekpa'bɛ'ɛhi gee dagi Yinɛ. Mam ka boti ya dikɛ ya mɛhi naaɛ la kulekpa'bɛ'ɛhi.

2 Korẽntɩ 2:11

Tu iti dina wa ti Sagena la n da nyaŋɛ tɔ. Se'ere en sɔi la, tu ka bu'uri a nyaleŋɔ la.

2 Korẽntɩ 2:12

Mam n paaɛ Torowase tiŋa ti n muulɛ Kiresta faarɛ yelehum la, kuleŋa n yu'ɛ bo' mam Daana la puan,

2 Korẽntɩ 3:11

Se'ere en sɔi la, sɛla en kan bɔna wuuha daa han tara niihum buna taaba, sɛla n wan bɔna wuuha la niihum wan gana bala mɛ.

2 Korẽntɩ 3:14

Gee ba suya yuum ba' kãbɛ mɛ. Yelemɛŋerɛ, wa'am na paaɛ zina, ba han wum nɔpu'ulegɔ kɛka la kãalegɔ, sɛla n daa pi' ba nini la kelum pi' ba mɛ, se'ere en sɔi la, Kiresta ma'a puan ti sɛla n pi' ba la wan pilege bahɛ.

2 Korẽntɩ 3:18

Gee tumam za'a pilehe tu nɛhi bahɛ mɛ, gee biha Daana la suŋa la, wuu biheŋa puan la, ti la tee tu, ti tu tara Yezu naanɛ, zɛ'ɛta suŋa puan malum paara suŋa puan. Yele dina wa ze'eti la Daana la n de Fa'a Sia la zi'an.

2 Korẽntɩ 4:6

Se'ere en sɔi la, la dela Yinse'ere n daa yeti, “Bahɛ ti niihum ze'ele lika puan niiɛ na la,” Yinɛ dinɛ mɛa n niiɛ tumam suya puan, ti a bo' tu a mi'ilum niihum la, n de Yinɛ suŋa niira Yezu Kiresta nɛŋa puan la.

Galatɩ 1:4

eŋa se'em en dikɛ a mɛŋa bo' tumam be'em zuo, ti a faaɛ tɔ be'em buuri sankana wa puan bahɛ, doohe tu Yinɛ n de tu Sɔ la sumboolum en de se'em la,

Efɛɛzɩ 2:2

ti ya yuum bɔna bu puan, dɔla timpaberɛ wa zuo yɛla la, dɔla se'em daana paŋa n boi kusebego wa puan la. Sɛsɛka n boi nananawa tuna la sɛba n ka nane Yinɛ nuurɛ la.

Efɛɛzɩ 6:12

Se'ere en sɔi la, tu ka zaberɛ mɛ la dima en tari ziim la kuba, gee tu zaberɛ mɛ la bumbɛ'ɛhi en sɔi zi'ihi biha, tu zaberɛ mɛ la pahi, la kpe'eŋo en boi sabeeo puan, buuri sankana wa en boi lika puan wa. Tu zaberɛ mɛ la sia puan pambɛ'ɛhi en boi zi'ihi se'ehi saazuo ha.

Filipi 2:6

Eŋa se'em, en daa pun dɛna Yinɛ mɛŋa naanɛ la, a daa ka bihɛ eŋa en zuni la Yinɛ la, ti la dɛna sɛla bo' en. Dɛna sɛla ti a gurɛ kankaŋi,

Kolɔsɩ 1:15

Kiresta dela Yinɛ se'ere ti tu ka nyɛta wa naanɛ, kiima naaŋɔ wa woo puan.

Kolɔsɩ 1:27

Bama ti Yinɛ looe ti a doohe ba puan bahɛ ti ba baŋɛ Yinɛ suŋa en zo'e se'em yele se'ere en sugɛ wa puan bo' sɛba en dagi Yuuduma la, yele wa dela Kiresta n boi ya puan, en de ya beere puti'irɛ la suŋa.

1 Timoti 1:11

en dole faarɛ yelehum la suŋa en de sum Yinɛ wa dinɛ, ti a dikɛ bo' mam la.

Taitusi 2:13

tumam n guri beere putɛ'sunɛ wa, la Yinɛ kãtɛ wa, la tu Faara Yezu Kiresta niirɛ na la na'ahegɔ la.

Hiburuduma 1:3

A dela Yinɛ suŋa niihum paaɛ paaɛ, dɛna Yinɛ vore vore, bahɛ ti sɛla woo bɔna, doohe a yelehum paŋa puan. Eŋa en duuhe saaleba be'em ba'ahɛ la, a zi'ire la Gani za'a Daana la zuɔ nu'o saazuin ha,

Hiburuduma 6:4

Se'ere en sɔi la, la kpe'em mɛ ti ba le maahum nɛrebana wa ti ba le tee. Bama sɛba en tabelɛ nyɛ niihum, tabelɛ lem saazuo bo'olum la, tabelɛ tɔrɛ Fa'a Sia la.

2 Pita 1:19

Bala, tumam en tari purega yelehum la yelemɛŋerɛ. La wan ana ya suŋa, ya han kpeŋe ya mɛhi kɛleha yelehum wa en de butolela niira lika puan wa, gura ti beere ta yilegɛ, ti bulika belum ŋma'arɛ niira ya suya puan.

1 Zã 2:11

Gee se'em woo en yaaɛ a suuɔ boi la lika la puan, kina lika la puan, gee ka mina sose'ere ti a wan doohe, beni zuo, lika la tari la fɔɔnɛ na ki'iha a ninin.

1 Zã 2:8

Gee n kelum guleha la nɔze'elepaalega bɔ'ɔra ya, en de yelemɛŋerɛ a puan, la yamam me puan, beni zuo, lika la ye' tɔla mɛ, gee ti yelemɛŋerɛ niihum la pun niira na.

1 Zã 5:19

Tumam mi' ti tu dela Yinɛ kɔma, gee be'em en ba' zo'e tiŋa wa zuo za'a.