2 Korẽntɩ 4:15 - ZE'ELEGO PAALEGA

¹⁵ Yelemɛŋerɛ, sɛla woo dela yamam zuo, ti zu'uhegɔ la, n pa'aherɛ se'em la paaɛ nɛreba zo'e zo'e, ti pɛka malum zo'e pa'ahɛ ti Yinɛ yu'urɛ nyɛ pɛka.

Farefare Ninkaré

¹⁵ Bõn-bãma wuu n ɩtɩ la de la yãma ĩyã. Bɛla tɩ Nawẽnnɛ yel-sõnnɛ wʋn paara nẽrba zozo'e, tɩ nẽrba wʋn pʋ'ʋsra Nawẽnnɛ a yel-sõnnɛ zɔ'ɔra pa'asra, tɩ la dɛna a nã'asgɔ.

2 Korẽntɩ 4:15 ပူးပေါင်းရင်းမြစ်များ

Aromduma 8:28

Tu mi ti sɛla woo tuni naara taaba tara la sum bɔ'ɔra la sɛba en nɔŋɛ Yinɛ, sɛba ti Yinɛ yi' doohe a puti'iren la.

1 Korẽntɩ 9:19

La mam pun bɔna fai la, mam na'ahera nɛra woo mɛ, dikɛ n mɛŋa lebege da'aberɛ bo' nɛra woo, ti n ta'am nyaŋɛ ba zo'e zo'e.

2 Korẽntɩ 1:11

yamam en naaɛ la tɔ, suŋera tɔ la nupu'uŋmɛ'a la, bala zuo ti a bu tu sum doohe nɛreba zo'e zo'e nupu'ɔ ŋmɛ'a la puan. La bahɛ ti nɛreba zo'e zo'e bo' Yinɛ fara bo' tu.

2 Korẽntɩ 8:19

Gee dagi bala ma'a, gee lageŋɔ la looe en mɛ ti a lagum ɛɛra la tɔ, tumam en dole ka'ahera nɔŋerɛ bo'olum tuuma wa, ti la dɛna na'ahegɔ bɔ'ɔra tu Daana la mɛŋa, gee me pa'alɛ tu susunɛ wa.

Galatɩ 1:24

Ti ba pɛgɛ Yinɛ mam zuo.

Kolɔsɩ 1:24

Nananawa, mam nyɛɛni mɛ n namehegɔ la puan yamam zuo, mam inganɛ wa puan, bahɛ ya ti n yele de ŋwana yeti, mam ba'aheri la namehegɔ seko en gee Kiresta namehegɔ la puan, a iŋa la en de lageŋɔ la zuo.

1 Timoti 1:14

Daana zu'uhegɔ la ɔkɛ mam mɛ, la sakerɛ la nɔŋerɛ se'ere en boi Kiresta Yezu puan la.

2 Timoti 2:10

Bala zuo, mam ŋmiberi mɛ sɛla woo puan, sɛba ti ba looe la zuo, ti ba me nyɛ faarɛ se'ere en boi Kiresta Yezu puan, la na'ahegɔ seko en ka tari ba'ahegɔ la.

1 Pita 2:9

Gee yamam dela buuri se'ere ti Yinɛ looe, ya dela malemaduma nabiihi, dɛna tuulum timpaberɛ, Yinɛ mɛŋa nɛreba, ti ya muulɛ tuunkãra sɛ'a en de se'em daana en yi' ya lika puan yehe niihum kãtɛ puan na la dinɛ.

1 Pita 4:11

Fum se'em en tɔgeri, dela a tɔgera wuu Yinɛ mɛŋa en tɔgeri la. Fum se'em en tuni bɔ'ɔra, dela a tuna la pansɛka za'a ti Yinɛ bo' en la, bala ti Yinɛ wan nyɛ na'ahegɔ sɛla woo puan, doohe Yezu Kiresta puan. Eŋa en sɔi na'ahegɔ la paŋa, wuuha wuuha. Taari.