2 Korẽntɩ 3:5 - ZE'ELEGO PAALEGA

⁵ Dagi la tumam mɛhi en ta' sɛla ita, wan ta'am yeti ŋwana la ŋwana tumam mɛhi zi'an na; tumam tã'alum ze'eti la Yinɛ zi'an na.

Farefare Ninkaré

⁵ La ka boorɩ tɩ la yetɩ tõma tã wʋn tõm tõon-ẽŋa la tõma mẽŋa pãŋa, tõma pãŋa ze'ele la Nawẽnnɛ zẽ'am.

2 Korẽntɩ 3:5 ပူးပေါင်းရင်းမြစ်များ

Aluki 21:15

se'ere en sɔi la, mam mɛŋa wan ta bo' ya yelesɛ'a la yɛm sebo ti ya dinduma la kan ta'am ze'ele la ya bii tɔgɛ nyaŋɛ ya.

Aluki 24:49

Nyaa bihɛ ya, n yeti n tum la mam Sɔ la n biŋe nuurɛ ti a iŋɛ se'em la. Bala, boni ya tinkana wa puan gura ti ba ta pirɛ ya la saazuo paŋa.”

Azã 15:5

Mam n de ta'aŋa la, ti yamam dɛna yila. Sɛba n naaɛ la mam, ti mam me naaɛ la ba la wani zɔ'ɔra mɛ, se'ere zuo, la han dagena la mam puan, ya kan ta'am iŋɛ sɛla.

Aromduma 15:18

Se'ere en sɔi la, mam kan makɛ ti n tɔgɛ sɛla, han dagena Kiresta en ba'ahɛ tuunsɛ'a doohe mam puan, nyaŋɛ sɛba en dagi Yuda buuri ti ba nam Yinɛ, doohe mam tugum bii tuunse'ere woo puan,

1 Korẽntɩ 15:10

Gee Yinɛ zu'uhegɔ la zuo, mam dela mam en de se'em la, ti a zu'uhegɔ la ti a dikɛ bo' mam la me ka bahɛ yoo. Gee mam tugum tum mɛ paaɛ paaɛ gaŋɛ ba za'a. La dagi mam mɛŋa paŋa, gee Yinɛ zu'uhegɔ la n boi la mam la.

1 Korẽntɩ 3:10

Doohe la Yinɛ zu'uhegɔ ti a zu'uhɛ mam la, mam ani mɛ wuu se'em en mi' mɛa, iibɛ ɛ̃berɛ la biŋe, ti ayima me wa'am na mɛ dɔgelɛ. Mɛta wuu dela a bihɛ suŋa en wan mɛ se'em dɔgelɛ de zuo.

1 Korẽntɩ 3:6

Mam burɛ mɛ, ti Apolos bahɛ ko'om. Gee Yinɛ en bahɛ ti la yehe na.

2 Korẽntɩ 12:9

gee Daana la yele mam yeti, “Mam zu'uhegɔ la seke bo' fum, se'ere en sɔi la, paŋa niiri ka mɛŋa la tɔregɔ puan.” Bala, mam wan tum ŋmɛ'ɛra nyu'ɔ mɛ la nyɛɛma n tɔregɔ la puan, bala ti Kiresta paŋa la wan bɔna n puan.

2 Korẽntɩ 2:16

Sɛba n bɔregɛ la, nyuuŋo suŋɔ la han ŋmɛ'ɛra bamam, ba malum kiira mɛ. Sɛba n nyɛ faarɛ la me, nyuuŋo suŋɔ la han ŋmɛ'ɛra bamam, ba malum vɔna mɛ. Ani n seke wan ta'am tum tuunɛ wa?

2 Korẽntɩ 4:7

Gee tumam tari tuulum lɔgerɔ tuna wa la yɔgerɔ kaleŋa puan, ti la niiɛ kpaii ti pankãtɛ kana wa n gani za'a wa dela Yinɛ paŋa gee dagi tumam paŋa.

Filipi 2:13

Se'ere en sɔi la, la dela Yinɛ en boi ya puan tuna la ninmu'urɛ, bɔ'ɔra ya paŋa ti ya tana sakera gee tuna bɔ'ɔra a yu'urɛ la.

Filipi 4:13

Mam ta'am iŋɛ sɛla woo se'em daana en bo'ori mam paŋa la puan.

2 Timoti 2:2

la sɛla ti fum wum mam zi'an nɛreba zo'e zo'e nɛŋan la. Dikɛ bo' yelemɛŋerɛ duma sɛba en wan ta'am pa'alɛ basɛba me.

Yemesi 1:17

Beni zuo, abo'yabiyabi woo, la bo'olum sumɔ woo ze'eti la saazuo, Sɔ la en de niihum daana la zi'an sigera na. Se'em puan ti ŋmɛlema la lika ka bɔna doohe teere se'ere puan.