2 Korẽntɩ 3:3 - ZE'ELEGO PAALEGA

³ Ya mɛhi la mɛ pa'alɛ ya ti ya dela Kiresta gɔŋɔ, ti tumam en de sɛba en maahum kɔ. Tu ka dikɛ zigemɔlegɔ gulehɛ, gee tu dikɛ la Yinɛ vua wa Fa'a Sia la gulehɛ ya. Tu ka gulehɛ iŋɛ la kugelama puan, gee tu gulehɛ iŋɛ la saaleba suya puan.

Farefare Ninkaré

³ La de la vẽelga tɩ yãma de la Krisi gõŋɔ tɩ a doose tõma tõoma pʋam gʋlsɛ. La dagɩ gʋlsgɔ ko'om n gʋlsɛ, la de la Nawẽnnɛ n vɔa la Sɩa n gʋlsɛ. La ka gʋlsɛ kug-palagsɩ zuto, la gʋlsɛ la nẽrsaalba sũa pʋam.

2 Korẽntɩ 3:3 ပူးပေါင်းရင်းမြစ်များ

Amatie 16:16

Ti Simɔn Pita lerege yeti, “Fum n de Kiresta la, Yinɛ vua la Dayua.”

1 Korẽntɩ 3:5

Ani en de Apolos? Ti ani dɛna Pɔɔl? Ba za'a dela yamehi se'ehi ti ya doohe ba puan baŋɛ Yinɛ, wuu Daana la en bo' ba ayima ayima se'em la.

2 Korẽntɩ 3:6

Yinɛ en de se'em en iŋɛ tumam ti tu dɛna tuntuneba a nɔpu'ulepaalɛ la puan, dagi la pa'alegɔ yoo puan, gee Sia la puan. Se'ere en sɔi la, pa'alegɔ yoo la kuuri mɛ, gee Sia la bo'ori la vom.

2 Korẽntɩ 3:7

Nananawa, kum tuuma yɛla la ba daa kɔrum a iŋɛ labelɛ kugelama puan la, han daa wa'am na na la niihum en kpigeri Iziraleduma la nini ti ba ka tana bihera Moose nɛŋa, kan daa ba' nyagera la zuo, dɛna niihum sebo en nyaa gbe'e biŋe pooren wa, nyaa bihɛ!

2 Korẽntɩ 6:16

Beni nuurɛ ti Yinɛ pu'uhegɔ yire la wan ku la baga zɔŋɔ? Se'ere en sɔi la, tumam dela Yinɛ vua wa pu'uhegɔ yire la, wuu Yinɛ mɛŋa en yele yeti, “Mam wan bɔna ba puan, kina la ba, n wan dɛna ba Yinɛ, ti ba me dɛna n nɛreba.

1 Tesaloniki 1:9

Se'ere en sɔi la, nɛre sɛba en boi tihi sina puan la, puti tu yele mɛ yan to'e tu se'em, la yan ŋmɛregɛ baga kaabegɔ puan se'em lebe Yinɛ zi'an na, ti ya tuna bɔ'ɔra Yinɛ vua, la yelemɛŋerɛ Yinɛ wa se'em,

Hiburuduma 10:16

“Nɔpu'ulegɔ kuna ti n wan pu'ulɛ la ba, dabeha aŋa la han ta tole. Daana la n yele. N wan dikɛ n nɔze'elego iŋɛ ba suyan, gee gulehɛ a iŋɛ ba puti'ira puan,”

Hiburuduma 8:10

Nɔpu'ulegɔ kuna ti mam wan pu'ulɛ la Iziraleduma wa, dabeha aŋa han ta tole, Daana la en yele, “N wan dikɛ n nɔze'elego la iŋɛ ba puti'ira puan, gee gulehɛ a iŋɛ ba suya puan, dɛna ba Yinɛ, ti ba dɛna mam nɛreba.

Hiburuduma 9:14

Ŋwani ti Kiresta ziim la kan tum gaŋɛ bala zo'e zo'e se'em en doohe Sia sɛka en ka tari ba'ahegɔ la puan, kaabɛ a mɛŋa fa'a kaabegɔ bo' Yinɛ la. Ziim buna wan sirum pee tu puti'ira yehe kum tuuma puan, tari tu lebe ti tu na'aha Yinɛ Vɔa wa!

Lilegere 2:1

“Suŋera se'em en boi Ɛfisu lageŋɔ la puan la ti n guleha bɔ'ɔra. Yetɔgebuna dela se'em daana en zãli ŋmarebibehi siyopɔi a zuɔ nu'o puan la, se'em en eere salema butolehi siyopɔi ze'elehi la tiŋasuka la yetɔgum.

Lilegere 2:12

“Suŋera se'em en boi Pɛgamum tiŋa lageŋɔ la puan la, ti n guleha bɔ'ɔra. Yetɔgebuna dela se'em daana n tari sɔ'ditega en tari nɔya ayi'.

Lilegere 2:18

“Suŋera se'em en boi Taitira lageŋɔ la puan la ti n guleha bɔ'ɔra. Yetɔgebuna dela Yinɛ Dayua la, se'em nini en ani wuu bugum peelum la, la se'em nama en nyagere wuu nyɔgum la dinɛ.

Lilegere 2:8

“N gulehɛ bɔ'ɔra la Suŋera se'em en boi Semirina tiŋa lageŋɔ la puan la. Yetɔgebuna dela se'em en de Pɔhega gee dɛna Ba'ahegɔ, se'em en daa ki gee le vɔna la yelehum.

Lilegere 3:1

“Suŋera se'em en boi Sadise tiŋa lageŋɔ la puan la ti n guleha bɔ'ɔra. Yetɔgebuna ze'eti la se'em n tari Yinɛ Sɛɛhi siyopɔi la, gee zãla ŋmarebibehi siyopɔi la zi'an na. “Mam mi ya tuuma, ya tari la vɔpa yu'urɛ, gee ya ki mɛ.

Lilegere 3:14

“Suŋera se'em en boi Laodisiya tiŋa lageŋɔ la puan la ti n guleha bɔ'ɔra. Yetɔgebuna ze'ele la se'em en de “Amɛn” la zi'an na. Sakerɛ la yelemɛŋerɛ aze'nyɛ Daana la, se'em en de Yinɛ naaŋɔ la za'a pi'ileŋo daana la zi'an na.

Lilegere 3:22

Bahɛ ti se'em woo en tari tuba, a kɛleha Fa'a Sia la en yeti sɛla bɔ'ɔra lageŋɔ la za'a la.”

Lilegere 3:7

“Suŋera se'em en boi Filadelefiya tiŋa lageŋɔ la puan la ti n guleha bɔ'ɔra. Yetɔgebuna ze'ele la Fa'a daana la, se'em en de yelemɛŋerɛ daana la, zi'an na. Se'em en tari Deviti yire kparehega la, Se'em en yu'ɛ ti se'em ka bɔna yu'ura la, Se'em en yu' ti se'em ka bɔna wan yu'ɛ la.