2 Korẽntɩ 3:18 - ZE'ELEGO PAALEGA

¹⁸ Gee tumam za'a pilehe tu nɛhi bahɛ mɛ, gee biha Daana la suŋa la, wuu biheŋa puan la, ti la tee tu, ti tu tara Yezu naanɛ, zɛ'ɛta suŋa puan malum paara suŋa puan. Yele dina wa ze'eti la Daana la n de Fa'a Sia la zi'an.

Farefare Ninkaré

¹⁸ Tõma wuu n dolɩ Zuudãana Azezi la, tãnnɛ na pilge mɛ, tɩ tõma nẽnsɩ yẽgra la Zuudãana na'am pãŋa. Tɩ Zuudãana Sɩa tɛɛra tõma, tɩ tõma ãna wʋ ẽŋa n ãn se'em na, tɩ na'am pãŋa la pa'asra zɔ'ɔra.

2 Korẽntɩ 3:18 ပူးပေါင်းရင်းမြစ်များ

Azã 1:14

Ti se'em ti ba yi'ira Yelehum wa, ta lebege asaala, bɔna la tɔ, ti tu nyɛ a suŋa, sunsɛka en pa'ali ti a dela Sɔ dayɔba'arɛ, pirɛ la zu'uhegɔ, la yelemɛŋerɛ.

Azã 12:41

Azaaya n yele dina wa la dela a yuum nyɛ la na'ahegɔ seko n de Yezu dinɛ, bala ti a tɔgɛ a yele la.

Azã 17:22

Pɛka sɛka ti fum dikɛ bo' mam la, kaŋa mɛa ti mam dikɛ bo' ba, ti ba dɛna buyina wuu tumam n de buyina se'em la.

Azã 17:24

N Sɔ, mam le bɔta ti, nɛresɛba ti fum dikɛ bo' mam wa ta lagum bɔna la mam n bɔŋa zi'an la puan, la ba nyɛ na'ahegɔ seko ti fum mɛŋa dikɛ bo' mam, doohe la fum nɔŋɛ mam se'em gee ti timpaberɛ wa baŋɛ naam la zuo.

Aromduma 12:2

Da dikɛ ya mɛhi naaɛ la tiŋa wa zuo yɛla, gee tugum malum sɛ ya mɛhi, ya puti'ira teere puan, la ya viihɛ baŋɛ sɛla en de Yinɛ sumboolum, la sɛla en ani suŋa, nara gee ba'ahɛ za'a.

Aromduma 13:14

Gee tugum dikɛ ya Daana Yezu Kiresta yɛ wuu fuo la gee da bo' ya inganɛ wa sore ti de dikɛ tu doohe tu kunkoma'ahum la yɛla la.

Aromduma 8:29

Se'ere en sɔi la, sɛba ti a pun mina la, a pun maahum ba ze'ele mɛ, ti ba tara a dayua la naanɛ, ti a dayua la ta'am dɛna zuodaana suurɔ kekeko puan.

Aromduma 8:4

ti ze'elego la en boti yelemɛŋerɛ se'ere la tum tu puan suŋa suŋa, tumam sɛba en ka vɔi wuu tu inganɛ la en boti se'em, gee Fa'a Sia la en boti se'em la.

Aromduma 8:7

Ŋwana zuo, puti'irɛ se'ere woo en dele inganɛ wa, zaberɛ mɛ la Yinɛ. De ka sigehe de mɛŋa la Yinɛ ze'elego la. Yelemɛŋerɛ, de pun kan nyaŋɛ sigehe de mɛŋa la Yinɛ .

1 Korẽntɩ 13:12

Nananawa, tu biheri la biheŋa puan ti la ka niiɛ suŋa, gee la kini na, ti tu wan ta nyɛta kpaii. Nananawa, tu nan mi' la fii, gee la kini na, ti tu wan ta mina za'a, wuu mam ti ba mina mam za'a za'a se'em la.

1 Korẽntɩ 15:49

Wuu tumam n tari tintɔnɔ nɛra la naanɛ se'em la, bala mɛa ti tu wan tara saazuo nɛra la me naanɛ.

2 Korẽntɩ 3:17

Lan de se'em dela, Daana la n de Fa'a Sia la, ti zi'an ti Daana la Sia bɔna, fai n boi bini.

2 Korẽntɩ 4:4

Ba yele la dela, tiŋa wa zuo yinɛ la n pi' sɛba n ka nam Yezu la puti'ira, ti a gu ba ti ba da nyɛta faarɛ yelehum niihum la n de Kiresta suŋa la. Kiresta se'em n de Yinɛ mɛŋa naanɛ la.

2 Korẽntɩ 4:6

Se'ere en sɔi la, la dela Yinse'ere n daa yeti, “Bahɛ ti niihum ze'ele lika puan niiɛ na la,” Yinɛ dinɛ mɛa n niiɛ tumam suya puan, ti a bo' tu a mi'ilum niihum la, n de Yinɛ suŋa niira Yezu Kiresta nɛŋa puan la.

2 Korẽntɩ 5:17

Bala, se'em han bɔna Kiresta puan, a dela naanɛpaalega, sɛla woo n de kɛka tole ya, bihɛ, sɛla woo nyaa lebege la paalega.

Galatɩ 6:15

Se'ere en sɔi la, ŋmaa, la a ka ŋma, dagi sɛsɛla, gee dɔgum paalemɔ en de sɛla woo!

Kolɔsɩ 3:10

gee yɛ ya naanɛ paalega la pi' ya mɛhi, naanɛ se'ere en teere de mɛŋa saŋa woo ti de baŋɛ de Naana la mi'ilum la paaɛ paaɛ.

1 Timoti 1:11

en dole faarɛ yelehum la suŋa en de sum Yinɛ wa dinɛ, ti a dikɛ bo' mam la.

Taitusi 3:5

a faaɛ tu mɛ, dagi la tu tuntɔɔnɛ tuuma ti tu tum zuo, gee a nimbɔ'zɔrɛ la, doohe ko'om dɔgum paalemɔ la, la teere se'ere ti Fa'a Sia la tee tu la.

Yemesi 1:23

Se'ere en sɔi la, sɛba han yeen kɛleha yelehum la ma'a, gee ka tari bu tuna, ba ani mɛ wuu sɛba en ni bihɛ ba mɛhi biheŋa puan,

1 Zã 3:2

N sunɔŋerɛ duma wa, tu dela Yinɛ kɔma nananawa. Tumam n wan ta ana se'em nan ka niiɛ. Tumam n mi' sɛla dela dina wa, Kiresta han ta niiɛ na, tu wan ana wuu en la, tu wan nyɛ en wuu en ani se'em la.