2 Korẽntɩ 12:21 - ZE'ELEGO PAALEGA

²¹ Dabeem n tari mam ti, n han le wa'am na, mam Yinɛ wa wan bahɛ ti nimbu'ɔ nyɔkɛ mam, ti n kele nintama'aha bo' sɛba zo'e zo'e en daa tum be'em gee ka tee ba dɛgerɔ, ba yaalegɔ la ba nyanɛ tuuma la ti ba ni pun tuna la puan la.

Farefare Ninkaré

²¹ Mam zotɩ mɛ tɩ mam sãn wa wa'am yãma zẽ'am, mam dãana Nawẽnnɛ wʋn botɩ yãnnɛ yõkɛ mam yãma ĩyã, tɩ m sũure sã'am la ya nẽr-sɛba n daan tõm tõon-be'ero, dee ka teege yɛm basɛ tõon-dẽgrɔ, la yalsɩ, la tõon-yooro sɛba tɩ ba ẽŋɛ la.

2 Korẽntɩ 12:21 ပူးပေါင်းရင်းမြစ်များ

Aromduma 13:13

Bahɛ ya ti tu vɔni ya na'ahegɔ vom, wuu tumam n de niihum kɔma la, gee dagi tu dɛna sɛba en dole dita dikãreyooro la de'em yooro, bugera, tuna dɛgerɔ tuuma, la yetɔgeyooro, dagi zaba la nintɛrega yɛla.

Aromduma 9:2

Mam tari la susageŋɔ kãtɛ, la daaŋɔ en ka tari ba'ahegɔ n suuren wa.

1 Korẽntɩ 5:1

Ba kɔ'ɔm yele mam mɛ ti galehi en boi ya puan. Galehi sɛ'a taaba en pun ka bɔna sɛba en ka dole Yinɛ puan. Beni zuo, buraa en boi ya puan gã'a la ka sɔ pɔga.

2 Korẽntɩ 10:6

Tu maahum mɛ ti tu namehɛ sɛba woo n ka nane la, yamam han nam ba'ahɛ.

2 Korẽntɩ 12:7

A daana han pun biha mam nyɛ lilegere se'ere en boi deyima la. Bala, sɛla n wan gu' mam ti mam kan ba' zɛkera n mɛŋa la dela, gũ'a n dikɛ lu' mam inganɛ puan, dɛna Sagena la bituneŋa, ti a nameha mam, la a gu' mam ti n da ba' zɛkera n mɛŋa.

2 Korẽntɩ 13:2

N daa pun ka'am sɛba n daa tum be'em la mɛ, la ya za'a la ninmu'urɛ. Gee kelum ka'ana ba la mam n pun ka bɔna la ya wa. Wuu mam daa boi la ya n kinɛ buyi' puan la. N daa yele ya yeti, n han le lebe na, n ka yeti n tara ninkɔrɛ la se'em.

2 Korẽntɩ 8:24

Bala zuo la, ze'ele ya lageŋɔ la nɛŋan la ya pa'alɛ ba ya nɔŋerɛ, la se'ere zuo ti tu tari ya ŋmɛ'ɛra tu nyu'ɔ la.

Galatɩ 5:19

Ingɔŋɔ tuuma la ka sugɛ. Ba dela, yaalegɔ, dɛgerɔ, inganɛ kɔrɛ,

Kolɔsɩ 3:5

Bala zuo, ku ya sɛla woo en boi ya puan dɛna tiŋa dinɛ zuo bunɔ wuu, yaluntuuma, dɛgerɔ tuuma, kunkoma'ahum, be'em kɔrehi, la nyika (en de baga kaabegɔ la).

Hiburuduma 13:4

Bahɛ ya ti pɔgedire la sire-ele tara na'ahegɔ ya za'a zi'an, ti pɔgedire la sire-ele suŋɔ la da galum, se'ere en sɔi la, Yinɛ wan gakɛ yaluntuuma duma, la kabohi duma mɛ.

2 Pita 2:18

Se'ere en sɔi la, ba ta' pageri la page yooro, tara ba yaalegɔ kunkoma'ahum la, pa'ahɛ nɛresɛba en nan kɔ'ɔm piiɛ sɛba en boi be'em puan la.

Azudi 1:23

Faaɛ ya basɛba bahɛ wuu ya tum la bugum puan zɛ ba fooe na la. Gee me tari ya Yinɛ zoolum nimbɔ'zɔrɛ bɔ'ɔra sɛba. Gee kiha ba futo ti ba yaluntuuma la galum la.

Azudi 1:7

Bala mɛa ti Sodom la Gomora, la timbibehi la za'a en kaaɛ ba la me en yuum ani wuu bamam la, kɛ̃ yaluntuuma puan, bɔta buraa en gã' la taaba ti pɔgehi me gã'a la taaba la, dela sɛla en pa'alɛ nɛreba en nyɛ namehegɔ se'em bugum en diti ka kiŋera la puan.

Lilegere 21:8

Gee han dɛna dabɛɛbehi la, la sɛba en ka sakɛ la, sɛba ti ba galum ba la, la nɛrekuureba la, yaluntuuma duma la, sɔ̃niniduma, bage kaabereba, la pumparenduma la za'a, ba bɔŋa zi'an ta bɔna la bugum mɔgerɛ la ti tahi taaɛ bugum dita la puan. Yi'i kum la en bala.”

Lilegere 22:15

Yiŋa la ha, baahi, sɔ̃niniduma, yaluntuuma duma, nɛrekuureba, la bage kaabereba, la sɛba woo en nɔŋɛ gee tuna pumpɔreŋɔ tuuma en boi bilam.

Lilegere 22:20

Se'em daana en nyɛ yele ana wa la yeti, “Yelemɛŋerɛ, n kini la kalam kalam na.” Taari, wa'am na Daana Yezu.