2 Korẽntɩ 11:23 - ZE'ELEGO PAALEGA

²³ Ba dela Kiresta tuntuneba? N nyaa kɔ'ɔm tɔgera mɛ wuu zɔlegɔ la, han dɛna bala mam yi gani ba. Namehɛ gana ba, kɛ̃ paka deto puan gana ba, to'ohe ŋmɛ'ɛrɛ en ka tari kãlɛ gana ba, saŋa zo'e zo'e, pɔ̃hɛ n nyuurɔ gana ba.

Farefare Ninkaré

²³ Ba yetɩ bãma de la Krisi tõntõnɩba, mam wʋn tɔgɛ wʋ mam yɛm n bɔɩ la, mam n de Krisi tõntõnna gãnna ba. Mam tõm nãmsɛ gãnna bãma mɛ. Ba kẽ'esɛ mam yʋ'a deem gãnna bãma mɛ, ba wẽ mam zo'oge gãnna bãma mɛ, nõorɛ zozo'e mam deege la m ki.

2 Korẽntɩ 11:23 ပူးပေါင်းရင်းမြစ်များ

Tõoma 14:19

Gee Yuuduma basɛba n ze'ele Antiyoke la Ikonium tihi puan na, tɔgɛ nyaŋɛ ti nɛrekuuŋɔ la ti ba pa' ba poore. Nyaa lobe Pɔɔl, vuue en yehe tiŋa la yiŋa ha ta bahɛ ti'iha ti a ki mɛ.

Tõoma 20:23

han dagena Fa'a Sia la mɛŋa n yeti mam tiŋa woo ti n paara ka puan yeti, ti paka la mɛlehegɔ en ga' gura mam bini.

Tõoma 21:11

Wa'am tumam zi'an na, paaɛ na dikɛ Pɔɔl sɛganɛ lu' a mɛŋa nama la a nu'uhi, gee yeti, Fa'a Sia la yeti, “Ŋwana ti Yuuduma la n boi Yerusalɛm la wan ta lu' burasɛka n sɔi sɛganɛ wa, dikɛ en bu sɛba n dagi Yuda buuri la.”

Tõoma 25:14

Ban boi bini dabeha kekeko la, ti daarɛ deyima ti Fesetuse dikɛ Pɔɔl yele wa biŋe naba wa nɛŋan yeti, “Buraa kayima n boi ka'lam ti naba Felikise yuum bahɛ ka paka deen.

Tõoma 27:1

Tumam n ku puti'irɛ ti tu yeti tu mɔm uureŋɔ la kiŋɛ la Itali la, ti ba yehe Pɔɔl la sɛba en boi paka deen la basɛba iŋɛ Yuliyuse nu'uhen, se'em en biheri pɛntiireba kɔbega en de tiŋambihega daana Agastus pɛntiireba tansugere la.

Tõoma 28:16

Tumam n wa'am na na kɛ̃ Arome puan la, ba bahɛ Pɔɔl mɛ ti a bɔna a ma'a, la pɛntiira sɛka en guri en la.

Tõoma 28:30

Pɔɔl kɛ̃'ɛ̃ri la bilam yuuma ayi', bihera a mɛŋa, gee tɔ'ɔha sɛba woo en kini a zi'an na la,

Tõoma 9:16

Mam mɛŋa wan pa'alɛ en, en de a namehɛ namehɛ kãra sɛ'a mam yu'urɛ wa muulegɔ zuo.”

Aromduma 8:36

Wuu lan gulehɛ se'em la, “Yamam zuo, ba kuuri tumam la daare woo. Ba bihɛ nyɛ tumam ti tu ana mɛ wuu piihi ti ba tara yɛ'a kɔregerɛ la.”

1 Korẽntɩ 15:10

Gee Yinɛ zu'uhegɔ la zuo, mam dela mam en de se'em la, ti a zu'uhegɔ la ti a dikɛ bo' mam la me ka bahɛ yoo. Gee mam tugum tum mɛ paaɛ paaɛ gaŋɛ ba za'a. La dagi mam mɛŋa paŋa, gee Yinɛ zu'uhegɔ la n boi la mam la.

1 Korẽntɩ 3:5

Ani en de Apolos? Ti ani dɛna Pɔɔl? Ba za'a dela yamehi se'ehi ti ya doohe ba puan baŋɛ Yinɛ, wuu Daana la en bo' ba ayima ayima se'em la.

1 Korẽntɩ 4:1

Bala, yeen dikɛ ya tu ŋwana, ti tu dela Kiresta yamehi, tu dela sɛba en biheri Yinɛ sugelum yɛla la.

1 Korẽntɩ 4:11

Wa'am na paaɛ tumam en kɔ'ɔm zɛ'a wa, kom la ko'nyuurɔ en kuuri tɔ, tu yɛ la lɔge-ãahema, ti ba ŋmɛ'ɛra tɔ, tu ka tari yire wan kɛ̃,

1 Korẽntɩ 4:9

Mam ti'ihɛ ti Yinɛ ka kãalɛ tumam tuntuneba wa pa'ahɛ nɛreba puan, beni zuo, tu ani wuu ba maahum tu yɛ'a la kua la, beni zuo, ba dikɛ tu diilɛ mɛ bo' timpaberɛ wa, la suŋereba, la saaleba.

2 Korẽntɩ 10:7

Biheri ya la sɛla n ze' ya nɛŋa wa, yamam han nam ti ya dela la Kiresta dinɛ, yi tiiheri ya ya mɛhi yeledina wa, ti wuu yan n de Kiresta deni la, tumam me dela bala mɛa.

2 Korẽntɩ 11:5

Mam ti'ihɛ ti mam dagi bia tuntuneba sɛba n iŋɛ ba mɛhi ami' za'a duma wa nɛŋan.

2 Korẽntɩ 3:6

Yinɛ en de se'em en iŋɛ tumam ti tu dɛna tuntuneba a nɔpu'ulepaalɛ la puan, dagi la pa'alegɔ yoo puan, gee Sia la puan. Se'ere en sɔi la, pa'alegɔ yoo la kuuri mɛ, gee Sia la bo'ori la vom.

2 Korẽntɩ 4:11

Se'ere en sɔi la, tumam n vɔ wa, saŋa woo tumam ka gagɛ kum Yezu zuo, ti Yezu vom la wan ta'am niiɛ tu ihe wa puan.

2 Korẽntɩ 6:9

tu ani wuu nɛra n ka mi' tu la, gee nɛreba mi tɔ mɛ. Tu ani wuu tu kiiri mɛ la gee bihɛ, tɔ vɔ mɛ. Tu ani wuu ba namehɛ tu mɛ la gee ba ka ku tɔ.

Galatɩ 6:17

Yehe zina yɛ'ɛha, se'em da ɛ daaŋɔ bo' mam. Se'ere en sɔi la,Yezu yiha en bala to'e mam iŋa wa za'a wa.

Efɛɛzɩ 3:1

Ŋwana wa zuo ti mam Pɔɔl bɔna paka deen bo' Kiresta Yezu, yamam sɛba n dagi Yuuduma wa zuo.

Efɛɛzɩ 4:1

Dinɛ zuo, mam en boi paka deen Daana la tuuma zuo beleni ya mɛ, ti ya vɔna vom sebo en nari la yi'sɛka ti ba yi' ya kɛ̃' ka puan la.

Efɛɛzɩ 6:20

sebo zuo ti mam sooe Kiresta na'arɛ ti ba ba' mam la bãhi. Pu'uheri ya Yinɛ bɔ'ɔra mam ti n ta'am muulɛ dɛ la sukpe'ene, wuu lan de n tɔgɛ se'em la.

Filipi 1:13

ti la niiɛ bo' gureba la za'a, la nɛra woo en boi bilam, ti ba baŋɛ yeti, mam en boi pakadeen wa dela Kiresta zuo.

Filipi 2:17

Gee ba han pun ka'ɛ mam wuu buum kaabegɔ la bahɛ kaabegɔ bo'olum la zuo, yamam sakerɛ zuo, la de mam la pupeelum, ti n nyɛɛni la yamam za'a.

Kolɔsɩ 1:24

Nananawa, mam nyɛɛni mɛ n namehegɔ la puan yamam zuo, mam inganɛ wa puan, bahɛ ya ti n yele de ŋwana yeti, mam ba'aheri la namehegɔ seko en gee Kiresta namehegɔ la puan, a iŋa la en de lageŋɔ la zuo.

Kolɔsɩ 1:29

Dina zuo ti mam zigera la pansɛka woo ti a dikɛ iŋɛ mam puan la paŋa la inkpeŋere la.

1 Tesaloniki 3:2

gee tum Timoti tu suuɔ, la tu tuntuna tadaana Yinɛ puan, se'em en muuli Kiresta faarɛ yelehum la, ti a wa'am na bo' ya paŋa, gee kpemehe ya ya sakerɛ la zuo,

1 Timoti 4:6

Fum han dikɛ pa'ali kuna biŋe suurɔ la nɛŋan, fum wan dɛna Kiresta Yezu tuntuna suŋa, se'em n tigehɛ a mɛŋa la yelehum sebo en bo'ori sakerɛ la, la pa'ali suŋɔ seko ti fum dɔla wa la.

2 Timoti 1:16

Daana la wan zɔ Onesiforuse yire duma za'a nimbu'ɔ, beni zuo, a dela se'em en baheri ti mam puti'irɛ gã'a tiŋa, ti vi ka tara en la mam bãhi wa.

2 Timoti 1:8

Bala zuo da tara valum la tu Daana yɛla la muulegɔ, bii mam se'em en boi paka deen a zuo la, gee naaɛ la mam, namehɛ faarɛ yelehum wa zuo, dɛla Yinɛ paŋa la,

2 Timoti 2:9

Dina zuo ti mam nyɛ namehegɔ too, pun ta paaɛ ba ba' mam wuu tuunfi'iha daana la. Gee Yinɛ yelehum ka ba'ari.

2 Timoti 3:11

n mɛlehegɔ la n namehegɔ, la yelesɛ'a en paaɛ mam Antiyoke, Ikonium la Lisitera tihi, namehegɔ seko ti n ŋmibera ku puan! Gee la bala za'a, Daana la faaɛ mam ba za'a puan bahɛ mɛ.

Afilmõ 1:9

gee mam wan tugum suhɛ fum la nɔŋerɛ puan, se'ere en sɔi la mam Pɔɔl nyaa kuregɛ mɛ, gee me le bɔna paka deen Kiresta Yezu zuo.

Hiburuduma 10:34

Se'ere en sɔi la, ya tari nimbu'ɔ mɛ bɔ'ɔra sɛba en boi paka deto puan, gee sakɛ la nyɛɛma ba han fãara ya lɔgerɔ, gee mina ti yamam mɛhi tari la sɛla en ani suŋa gee bɔna wuuha gana bala.