2 Korẽntɩ 10:5 - ZE'ELEGO PAALEGA

⁵ Tu sageni nɔkpɛ'ɛma mɛ la pirega lɔgeseko woo n zaberɛ la Yinɛ mi'ilum la, gee nyɔgera putɛ'sɛ'a woo n boi ti ba nana Kiresta.

Farefare Ninkaré

⁵ la bõn-sɛba wuu n zẽkrɩ ba mẽŋa botɩ nẽrba ka bãŋra Nawẽnnɛ pãŋa. Dee yãŋra tẽ'esgɔ buuri wuu botɩ ba sakra Krisi.

2 Korẽntɩ 10:5 ပူးပေါင်းရင်းမြစ်များ

Amatie 15:19

Se'ere en sɔi la, suure la puan ti be'em ti'ihegɔ, nɛrekua, kabohi, yaluntuuma, nageyigum, aze' nyɛ daana pumparema, nɛreba tua zɛ'ɛta na.

Aluki 1:51

A pa'alɛ la a paŋa la a nu'o. A yiregɛ pa'ali mɛŋa duma suya ti'ihegɔ la za'a bahɛ mɛ.

Aromduma 1:21

Se'ere en sɔi la, la ban pun mina Yinɛ wa la, ba ka na'aheri en wuu a dela Yinɛ, bii ba bɔ'ɔra en fara fara, gee ba tugum lebege la nɛrefɔgerɔ ba ti'ihegɔ puan. Ti ba putɛ'vɔya la en ti'ihɛ yele yaalehi la pirɛ la lika.

Aromduma 1:5

Se'em puan ti tumam to'e zu'uhegɔ, la tuntuneba yɔ'ɔ, ti tu bahɛ ti timpaberɛ wa nɛreba za'a me nam, gee tara sakerɛ a yu'urɛ la puan.

Aromduma 16:26

gee nananawa, de nyaa niiɛ na, doohe nɔtɔgeheba en gulehɛ se'em la, de niiɛ bo' sɛba woo en dagi Yuda buuri la, Yinɛ en boi wuuha wa n bo' a nuurɛ se'em, ti a bahɛ ti nɛra woo nam gee sakɛ la.

Aromduma 7:23

gee mam nyɛti la ze'elego kuyima n inganɛ wa puan en zaberɛ la ze'elego seko en boi mam puti'irɛ puan la, bahɛ ti mam dɛna da'aberɛ bo' be'em ze'elego la en boi mam iŋa wa puan la.

1 Korẽntɩ 1:19

Se'ere en sɔi la, la gulehɛ yeti, “Mam wan sagum yɛm duma yɛm, gee burum baŋereba baŋerɛ.”

1 Korẽntɩ 3:19

Se'ere en sɔi la, tiŋa wa zuo yɛm dela gɔɔnɛ Yinɛ zi'an. Beni zuo, la gulehɛ yeti, “Yinɛ nyɔgere yɛm duma mɛ ba mɛhi nyaleŋɔ puan,”

2 Korẽntɩ 11:20

Ya ŋmiberi mɛ la se'em woo en dikɛ ya lɛbegera a da'aberɛ, bii se'em n yeti a obe ya, bii a bihɛ ya yoo, bii zɛkera a mɛŋa, bii lɔbera ya pɛgehi.

2 Korẽntɩ 9:13

Doohe la tumam en makɛ ya bihɛ la tuun-dina wa taaba la, ya bo' Yinɛ yu'urɛ pɛka mɛ la yan nam gee sakɛ bo' Yezu faarɛ yelehum la se'em la, la ya pupeelum tɔrega la ti ya tɔrɛ la ba, la basɛba me se'em la.

Filipi 4:7

Ti Yinɛ suma'ahum la n gani bɔkerɛ za'a la, gu'ura ya suya la ya ti'ihegɔ sɛ ti zɛ'a kankaŋi Yezu Kiresta puan.

2 Tesaloniki 2:4

A ka sakɛ bo' se'em, gee zɛkɛ a mɛŋa gana sɛla woo ti ba yi'ira yinɛ bii na'ahegɔ daana woo, la a nyaa ta'am tara a kuka Yinɛ pu'uhegɔ yire puan, dikɛ a mɛŋa lebege Yinɛ.

2 Tesaloniki 2:8

Bala ma'a ti se'em daana en ka kihi yele wa nyaa wan niiɛ a mɛŋa na, se'em ti Daana Yezu wan sagum en la a nuurɛ sabeeo, diihe en vi doohe a lɛbega la puan na.

Hiburuduma 4:12

Yelemɛŋerɛ, Yinɛ yelehum la vɔi mɛ gee tuna, dita gana su'a en tari nɔya ayi' la, ni ŋmaaɛ vo'ohum la ta paaɛ sia la, la inganɛ zi'an woo, ta ta' la kɔba, la a tomehego zi'ihi woo la sɛla en boi kuba la puan ha za'a. Yelehum la mi' suure puan ti'ihegɔ woo mɛ la de maaheŋɔ woo.

Hiburuduma 5:9

Ti en doohe ŋwana woo puan tole la, a nyaa bi'ɛ kahegɛ mɛ, a nyaa dela se'em puan ti vomkan ba'ahɛ faarɛ bɔna bo' sɛba woo en nane en la.

1 Pita 1:2

Sɛba ti Yinɛ en de Sɔ la daa pun te'ele looe ba, maahum ba, gee duuhe ba la a Fa'a Sia la, ti ba nana Yezu Kiresta, gee ti a miihi ba la Yezu ziim la. Zu'uhegɔ la suma'ahum zo'e zo'e dɛna ya dinɛ.

1 Pita 1:22

Nananawa ti ya pee ya sɛɛhi doohe yan nam yelemɛŋerɛ la, nyaa tara yelemɛŋerɛ nɔŋerɛ la, nɔŋɛ ya taaba paaɛ paaɛ ya suya puan ha.