2 Korẽntɩ 1:22 - ZE'ELEGO PAALEGA

²² doohe la en dikɛ a daalehum la daalɛ tɔ, gee bo' tu a Fa'a Sia tu suya puan ti la dɛna a yia lɔkɔ en sɛ tɔ ze'ele.

Farefare Ninkaré

²² Ẽŋa n dãalɛ tõma pa'alɩ tɩ ẽŋa n soe to, bɔ tõma a Sɩa n de sɛla n pa'alɩ tɩ tɩ wʋn yẽ sɛla wuu tɩ a bĩŋe tɩ a bɔ tɩ la.

2 Korẽntɩ 1:22 ပူးပေါင်းရင်းမြစ်များ

Azã 3:33

Gee se'em woo n nam bo' a yelehum la nam la yele dina wa, ti Yinɛ dela yelemɛŋerɛ.

Azã 6:27

Da tuni ya ɛɛra disɛka n wan ba'ahɛ, gee tuni ya ɛɛra disɛka n wan bɔna wuuha, bo' ya vom kamba'ahɛ, sebo ti mam Asaala Dayua wa wan bo' ya la. Se'ere en sɔi la, mam ma'a ti Yinɛ n de Sɔ la daalehum bɔna a puan.”

Aromduma 4:11

Aberaham daa to'e ŋmaa daalehum la mɛ ti la dɛna sɛla n pa'alɛ a tuntɔɔnɛ la ti a to'e la sakerɛ la, ti a nan ka ŋma. Iti kuna wa dela, la iŋɛ ti a dɛna yaaba bo' sɛba woo en nam gee ka ŋma la, n yeti la sɛba ti Yinɛ bihɛ nyɛ ba ti ba dɛna tuuntɔɔ duma la.

Aromduma 8:23

Dagi la timpaberɛ wa ma'a, gee tumam mɛhi en tari Fa'a Sia didiina tu puan la me uheri mɛ puan ha, gee gura ti Yinɛ to'e tu bihera, gee bo' tu inganɛ wa faarɛ.

Aromduma 8:9

Gee yamam wa la ka boi inganɛ puan. Ya boi la Fa'a Sia la puan, Yinɛ Sia la han sirum bɔna la ya. Gee se'em woo en ka tari Kiresta Sia la a puan, dagi Kiresta dinɛ.

2 Korẽntɩ 5:5

5 Se'em n maahum tɔ gura yele dina wa dela Yinɛ, se'em en bo' tu a Sia la ti la dɛna daalehum ti a wan tum la.

Efɛɛzɩ 4:30

Me da dɛgɛ ya Yinɛ Fa'a Sia la suure, sɛ sɛka ti Yinɛ di'e ya, daalɛ ya a mɛŋa daalehum gura faarɛ daarɛ la.

1 Tesaloniki 4:8

Ŋwana zuo, se'em woo en zagehɛ yele ana wa, ka zagehɛ la asaala kpe'eŋo gee Yinɛ, se'em me en bo'ori tu a Fa'a Sia la.

2 Timoti 2:19

Gee Yinɛ ɛ̃berɛ la kɔ'ɔm zɛ'a la kankaŋi, tara daalehum buna wa: “Daana la mi' sɛba en de a dinɛ.” Bala la, bahɛ ti “Sɛba woo en yi'iri Daana la yu'urɛ la yehe ba mɛhi be'em puan.”

Lilegere 2:17

Bahɛ ti se'em woo en tari tuberɛ, a kɛleha Sia la en yeti se'em bɔ'ɔra lageŋɔ la za'a la. Fum se'em woo en nyaŋɛ, n wan bo' en maana dia la basɛba en dikɛ sugɛ la, gee bo' en maanɛ kugepeele, ti kugere wa zuo, ba gulehɛ la a yu'paalɛ iŋɛ de zuo, yu'se'ere ti se'em ka mina, han dagena fum se'em daana en to'e de la ma'a.

Lilegere 7:3

A yele ba yeti, “Da sagum ya timpaberɛ la, bii ateko la, bii tiihi la, gura ti tu daalɛ tu Yinɛ yamehi la daalehum busebo ba gbɛ'ɛra ba'ahɛ.”

Lilegere 9:4

Ti ba yele ba yeti, ba da sagum timpaberɛ wa muɔ, bii bumbula, bii tiihi, gee ba sagum nɛre sɛba woo en ka tari Yinɛ daalehum la ba gbɛ'ɛran.