2 Korẽntɩ 1:18 - ZE'ELEGO PAALEGA

¹⁸ Wuu Yinɛ n kɔ'ɔm dɛna yelemɛŋerɛ daana wa la, tumam en yeti sɛla bɔ'ɔra ya ka tabelɛ dɛna “Ɛ̃ɛ la Aayi.”

Farefare Ninkaré

¹⁸ Nawẽnnɛ n de mam sɩra dãana, tɩ mam n tɔgɛ se'em bɔ yãma la dagɩ «ẽe», la «ayɛɩ».

2 Korẽntɩ 1:18 ပူးပေါင်းရင်းမြစ်များ

Azã 7:28

Ti Yezu kaahɛ bahɛ na en boi bini pa'ala pu'uhegɔ yire la puan la yeti, “Yamam mi' mam, la mam yehe zi'an na? Mam ka wa'an la n mɛŋa na. Gee se'em n tum mam na la dela yelemɛŋerɛ daana, ya me ka mi' en.

Azã 8:26

Gee mam tari ya yɛla zo'e zo'e wan yele ni ya, gee gakɛ ya. Gee Se'em daana n tum mam na la dela yelemɛŋerɛ, ti mam muula bɔ'ɔra timpaberɛ wa la mam wum sɛla a zi'an la.”

1 Korẽntɩ 1:9

Yinɛ dela yelemɛŋerɛ daana. Eŋa puan ti ba yi' ya ti ya tara Lageŋɔ la a Dayua Yezu Kiresta en de tu Daana la.

2 Korẽntɩ 1:23

Gee mam yi' la Yinɛ ti a dɛna mam aze'nyɛ daana, ti ya da nyɛ susageŋɔ zuo, ti n daa ka le wa'am Korinti na la.

2 Korẽntɩ 11:31

Se'em en de Yinɛ, la Daana Yezu Sɔ la, (ti sum dɛna a dinɛ wuuha wuuha) la, mi ti mam ka pareni.

2 Korẽntɩ 2:17

Se'ere en sɔi la, tumam ka bureni Yinɛ yelehum la, wuu sɛba zo'e zo'e en iti se'em la. Gee Kiresta puan, tumam tɔgeri mɛ yelemɛŋerɛ, wuu nɛreba ti Yinɛ tum tɔ, gee ti tu me zɛ'a a nɛŋan saŋa woo la.

2 Korẽntɩ 6:8

na'ahegɔ la fakerɛ yɛla, bã'ahi, imma'ahum puan. Ba ita tu wuu tu dela pumpã'ahum duma, gee ti tu dɛna yelemɛŋerɛ duma,

1 Zã 5:20

Tu me mi' ti, Yinɛ Dayua la wa'am na bo' tu la bɔkerɛ, ti tu mina eŋa se'em en de yelemɛŋerɛ la, tu me boi la eŋa se'em en de yelemɛŋerɛ la puan, Yelemɛŋerɛ dina wa dela Yinɛ Dayua Yezu Kiresta. Eŋa en de Yinɛ de mɛŋa mɛŋa, la Yinɛ vomsumɔ kamba'ahɛ.

Lilegere 3:14

“Suŋera se'em en boi Laodisiya tiŋa lageŋɔ la puan la ti n guleha bɔ'ɔra. Yetɔgebuna ze'ele la se'em en de “Amɛn” la zi'an na. Sakerɛ la yelemɛŋerɛ aze'nyɛ Daana la, se'em en de Yinɛ naaŋɔ la za'a pi'ileŋo daana la zi'an na.

Lilegere 3:7

“Suŋera se'em en boi Filadelefiya tiŋa lageŋɔ la puan la ti n guleha bɔ'ɔra. Yetɔgebuna ze'ele la Fa'a daana la, se'em en de yelemɛŋerɛ daana la, zi'an na. Se'em en tari Deviti yire kparehega la, Se'em en yu'ɛ ti se'em ka bɔna yu'ura la, Se'em en yu' ti se'em ka bɔna wan yu'ɛ la.