2 Korẽntɩ 1:12 - ZE'ELEGO PAALEGA

¹² Yelemɛŋerɛ, tumam ŋmɛ'ɛri tu nyu'urɔ mɛ, gee me tara yelemɛŋerɛ tu puti'ira puan ti Tumam tum timpaberɛ wa zuo mɛ la yelemɛŋerɛ, la Yinɛ zoolum, gee dagena tiŋa wa zuo yɛm, gee Yinɛ zu'uhegɔ la, ti ŋwana wa dɛna la yamam wa zuo.

Farefare Ninkaré

¹² Sɛla n bɔ'ɔrɩ tõma sũ-yẽlga de la tõma mi tɩ sũa pʋam tɩ tõma yel-ɩrɛ n ãn se'em dũnia wã pʋam, la, lan gãnnɩ wuu yãma zẽ'am, de la pʋpeelem, la sɩra n ze'ele Nawẽnnɛ zẽ'am. La dagɩ la nẽrsaala yɛm tɩ tõma ɩtɩ bɛla, la de la Nawẽnnɛ yel-sõnnɛ ĩyã.

2 Korẽntɩ 1:12 ပူးပေါင်းရင်းမြစ်များ

Tõoma 23:1

Pɔɔl n ze' biha kiinduma zii la, a ta yeti, “N suurɔ, wa'am na paaɛ zina, mam vɔi n vom mɛ tuuntɔɔ Yinɛ nɛŋan.”

Tõoma 24:16

Ŋwana zuo la, mam kpeŋere la n mɛŋa saŋawoo ti n tara putɛ'sunɛ bo' Yinɛ, la nɛreba za'a.

Aromduma 9:1

Mam tɔgeri la yelemɛŋerɛ Kiresta puan, Mam ka pareni. Fa'a Sia la yele mam puti'irɛ puan ti la dela bala.

1 Korẽntɩ 1:17

Se'ere en sɔi la, Kiresta ka tum mam ti n sɔɔra nɛreba ko'om, gee n muula Yinɛ faarɛ yelehum la, dagi asaala yɛm kirega puan, ti Kiresta pumpuuredɔɔ paŋa la da bahɛ yoo.

1 Korẽntɩ 12:8

Ayima, Sia la bo' en la yɛm tugum puan, ti ayima me, Sɛkaŋa mɛa n bo' en mi'ilum tugum puan,

1 Korẽntɩ 15:10

Gee Yinɛ zu'uhegɔ la zuo, mam dela mam en de se'em la, ti a zu'uhegɔ la ti a dikɛ bo' mam la me ka bahɛ yoo. Gee mam tugum tum mɛ paaɛ paaɛ gaŋɛ ba za'a. La dagi mam mɛŋa paŋa, gee Yinɛ zu'uhegɔ la n boi la mam la.

1 Korẽntɩ 2:13

Ti tumam tɔgera yele ana wa mɛ dagi la asaala pa'alegɔ yɛm puan, gee Sia la pa'alegɔ. Lɛregera Sia puan yɛla pa'ala sɛba en tari Sia la.

1 Korẽntɩ 4:4

Mam ka nyɛ se'ere ti mam tuue n mɛŋa, gee la bala za'a, mam ka piiɛ. La dela Daana la ma'a en gakeri mam.

1 Korẽntɩ 5:8

Bala zuo, bahɛ ya ti tu de'em ya de'eŋo wa, dagi la dabelɛ kɛka la en de pa'ahegɔ, la be'em dabelɛ la, gee tu de'em ku la boroboro zaŋa la en de sira, la susunɛ.

2 Korẽntɩ 1:17

N daa yeen yɛta mɛ, mam daa yeti ya dina wa la mɛ bii? Mam maaheni n maaheŋɔ dɔla la asaala yoi? Ti n yeen yeti “Ɛ̃ɛ ɛ̃ɛ” ŋmɛregɛ bilam yeti “Aayi aayi?” Ze'yiŋa?

2 Korẽntɩ 11:3

Gee dabeem n tari mam. Wuu kampia la n yuum pa'ahɛ Eva la a wikerɛ la, bala mɛa ti yamam me puti'ira wan yehe, ti ya kan le tara ninmu'urɛ la susunɛ pu'uha Kiresta.

2 Korẽntɩ 2:17

Se'ere en sɔi la, tumam ka bureni Yinɛ yelehum la, wuu sɛba zo'e zo'e en iti se'em la. Gee Kiresta puan, tumam tɔgeri mɛ yelemɛŋerɛ, wuu nɛreba ti Yinɛ tum tɔ, gee ti tu me zɛ'a a nɛŋan saŋa woo la.

2 Korẽntɩ 4:2

Tumam zagehɛ nyanɛ tuunsɛ'a ti se'em sugera la mɛ. Tumam zagehɛ mɛ ti tu kan tuna pã'ahegɔ tuuma bii tu burum Yinɛ yelehum la. Gee tumam kɔ'ɔm tɔgera la yelehum la yelemɛŋerɛ, nɛrawoo nɛŋan la Yinɛ nɛŋan.

2 Korẽntɩ 8:8

Mam ka yeti dina ti la dɛna la n bo' ya la nuurɛ, gee n boti n dikɛ la ya yelemɛŋerɛ nɔŋerɛ la makɛ la basɛba ninmu'urɛ.

Galatɩ 6:4

Nɛra woo makɛ a mɛŋa tuuma bihɛ, gee dagi ayima tuuma. Bala en wan bahɛ ti fum ŋmɛ'ɛra nyu'ɔ.

Efɛɛzɩ 6:14

Bala zuo, sɛ ya ze'ele kankaŋɛ. Gee bahɛ ti yelemɛŋerɛ ana wuu sɛganɛ la lu' ya sɛɛhi la, gee me bahɛ ti tuntɔɔnɛ dɛna ya nyu'ɔ tɛ'ɛlega.

Filipi 1:10

ti la suŋɛ ya, ti ya zamehɛ mina sɛla en ani suŋa gana za'a, bala ti Kiresta lɛbega dabeherɛ na la, ya wan dɛna Yinɛ tuulum nɛreba, ka tara dɛkɔ.

1 Tesaloniki 2:10

Yamam dela aze'nyɛduma, la Yinɛ me, tumam en de tuulum, la tuuntɔɔ, ka tara tuure tu itegɔ puan se'em bɔ'ɔra yamam sɛba en nam la.

1 Timoti 1:5

Gee pa'alegɔ kuna wa tuunɛ dela, la bahɛ ti ba tara nɔŋerɛ se'ere en ze'ele susunɛ puan na, putɛ'sunɛ, la yelemɛŋerɛ sakerɛ.

Taitusi 2:7

Bahɛ ti naŋa bɔna fum puan zi'an woo, ti fum dɛna tuunsuma daana ti ba wan tɔgehɛ, fum pa'alegɔ puan, pa'ala la yɛm la paŋa,

Hiburuduma 13:18

Pu'uhi ya bɔ'ɔra tɔ, gee tumam mi' ti tumam tari la putɛ'sunɛ, ti tu suure bɔta ti tu tuna la yelemɛŋerɛ sɛla woo puan.

Yemesi 4:6

Gee a malum bɔ'ɔra nɛra woo la zu'uhegɔ zo'e zo'e. Ŋwana zuo ti la gulehɛ yeti, “Yinɛ zagehɛ pa'alɛ n mɛŋa duma mɛ, gee bɔ'ɔra la sigehe n mɛŋa duma zu'uhegɔ.”

1 Pita 3:16

Tari ya susunɛ, ti ba han pun yi'ira ya yu'yooro, sɛba en keheri ya itesuŋɔ Kiresta puan la, vi wan di ba.

1 Pita 3:21

Ko'om sua wa ti yele dina wa yuum ze'ele bo' la, en faaɛ ya bahɛ nananawa. Dagi la bu yehe la dɛgerɔ ya iŋa puan, gee bu dela Ko'om sua sɛka ti tu suhera Yinɛ ti a bo' tu putɛ'sunɛ doohe Yezu Kiresta vo'ore la puan.