1 Zã 5:6 - ZE'ELEGO PAALEGA

⁶ Yezu Kiresta kana en bala doohe ko'om la ziim puan wa'am na na la. Dagi la a doohe la ko'om la ma'a puan wa'am na, gee ko'om la la ziim. Fa'a Sia la en de aze' nyɛ daana, se'ere en sɔi la, Sia la dela yelemɛŋerɛ.

Farefare Ninkaré

⁶ Azezi-krisi n wa'am dũnia zuo la, la doose la ko'om, la zɩɩm. La dagɩ ko'om misga la mã'a, la ken dɛna la ẽn ki tɩ a zɩɩm yese la. La de la Nawẽnnɛ Sɩa n bɔ'ɔrɩ a kaseto, Nawẽnnɛ Sɩa n de sɩra dãana la ĩyã.

1 Zã 5:6 ပူးပေါင်းရင်းမြစ်များ

Amatie 26:28

Mam nɔpu'ulegɔ ziim n bala, wan ka'ɛ bo' nɛreba zo'e zo'e yelebe'ero sugeri dia.

Amatie 3:16

Ti en sɔ Yezu ko'om ba'ahɛ la, ti a ze'ele ko'om la puan kɔ'ɔm dɔɔra na la, a yeti a bihɛ ti saazuo en yu'ɛ bo' en, ti a nyɛ ti Yinɛ Sia sigera a zuo na ana wuu dayene la, wa'am na yagelɛ a zuo.

Amarkɩ 14:24

A yele ba yeti, “Mam nɔpu'ulegɔ ziim n ŋwana, wan ka'ɛ faaɛ nɛreba zo'e zo'e bahɛ.

Aluki 22:20

A iŋɛ daam la wula la me la bala mɛa ban di ba'ahɛ la, a yeti, “Wula wa en ka'ari bɔ'ɔra ya wa dela mam nɔpu'ulepaalɛ ti n pu'ula la ya, la n ziim.

Azã 14:17

Eŋa en de Fa'a Sia la n de yelemɛŋerɛ la, se'em ti Timpaberɛ wa zuo kan to'e en, Se'ere n sɔi la, timpaberɛ wa zuo nɛreba ka nyɛti en, bii ba mina en. Gee yamam mi' en se'ere n sɔi la, a boi mɛ la ya, gee wan kelum bɔna la ya.

Azã 14:6

Ti Yezu yele en yeti, “Mam n de sore la, la yelemɛŋerɛ la, la nyɔvore la. Se'em kan ta'am paaɛ Sɔ la zi'an, han dagena a doohe la mam puan.

Azã 15:26

“Gee Tɛ'ɛla la han wa'am na, se'em ti mam wan tum en ti a ze'ele Sɔ la zi'an na la, se'em n de Fa'a Sia la en de yelemɛŋerɛ, ze'ele mam Sɔ la zi'an na la, a wan tɔgera la mam yele bɔ'ɔra ya.

Azã 16:13

Gee se'em en de Sia yelemɛŋerɛ la han ta wa'am na, a wan gu'ura ya ti ya mina yelemɛŋerɛ la za'a. Se'ere n sɔi la, a ka yeti a tɔgera la a mɛŋa yetɔgum, gee a wan tɔgɛ la sɛla woo ti a wum Yinɛ zi'an, ti a wan muulɛ bo' ya yele sɛ'a n wan wa'am na.

Azã 3:5

Ti Yezu lebehe en yeti, “Yelemɛŋerɛ yelemɛŋerɛ ti n yɛta hɔ wa, ti nɛra ka boi wan kɛ̃ Yinɛ sɔ'ɔlum la puan, han dagena ba malum dɔgɛ en mɛ doohe ko'om, la Sia la puan.

Azã 4:10

Ti Yezu lerege en yeti. “Fum han mi' ni Yinɛ bo'olum la n de sebo, la se'em n de' en yɛta hɔ ti, ‘Bu' mam ko'om ti n nyu wa,’ fum wan zuhɛ ni en, ti a bo' ni fum vomko'om.”

Azã 4:14

Gee sɛba woo n nyu ko'sebo ti mam wan bo' ba la, ko'nyuuro kan le malum tara bamam duma. Gee ko'sebo ti mam wan bo' ba la, wan lebege la bulega ba puan bula vom ko'om yɛ'ɛha vom en kamba'ahɛ puan.”

Azã 6:55

Mam inganɛ wa dela dia yelemɛŋerɛ, ti mam ziim wa dɛna sɛla en nyuuri yelemɛŋerɛ.

Tõoma 8:36

Ti ban boi sore zuo yɛ'a la, ti Bulɛ wa ta yeti, “Bihɛ, ko'om n ŋwana ha. Beni n wan gu' mam ti n kan to'e ko'om sua?”

Aromduma 3:25

se'em ti Yinɛ dikɛ en diilɛ ti a dɛna kaabegɔ seko en lilege Yinɛ nimbɔ'zɔrɛ doohe a ziim la, en tuni dɔla sakerɛ puan la. Yinɛ iŋɛ ŋwana pa'alɛ la a tuntɔɔnɛ, se'ere en sɔi la, a sugeri la puan ti a bahɛ saaleba be'em sebo ti ba tabelɛ tum.

Efɛɛzɩ 1:7

Eŋa puan ti Yinɛ yɔ to'e tu a ziim la puan, gee di sugeri bo' tu tuure, doohe a zu'uhegɔ la en seke paaɛ paaɛ la,

Kolɔsɩ 1:4

se'ere en sɔi la, tumam wum ya sakerɛ en ani se'em Kiresta Yezu puan, la nɔŋerɛ se'ere ti ya tara bɔ'ɔra nɛresunduma la za'a la,

1 Timoti 3:16

Bu'a ka boi, tumam pu'uhegɔ wa puan yele sɛ'a en gani asaala bɔkerɛ la, dela yele kãra, A daa niiɛ a mɛŋa la inganɛ puan, di buurɔ Sia la puan, suŋereba nyɛ en mɛ, ba muulɛ a yele mɛ sɛba en dagi Yuuduma la puan ti tiŋa wa zuo nam en, a zom la zuin zuin ha la na'ahegɔ.

Taitusi 3:5

a faaɛ tu mɛ, dagi la tu tuntɔɔnɛ tuuma ti tu tum zuo, gee a nimbɔ'zɔrɛ la, doohe ko'om dɔgum paalemɔ la, la teere se'ere ti Fa'a Sia la tee tu la.

Hiburuduma 10:29

Bala, namehɛ kãtɛ deni taaba ti yamam ti'iha ti ba en wan dikɛ bo' sɛba en ka dikɛ Yinɛ Dayua la yi' sɛla, tuura nɔpu'ulegɔ ziim la n dikɛ pee ba la, gee nyiiha zu'uhegɔ Sia la?

Hiburuduma 12:24

Ya wa'am la Yezu en de nupu'ŋmɛ'ɛra nɔpu'ule paalega la puan la zi'an na, la ziim sebo en dikɛ miihi, gee tɔgera yelesuma gana Abɛl ziim la zi'an na.

Hiburuduma 13:20

Nananawa, Yinɛ se'em en de suma'ahum daana la, se'em daana en tari a piihi dunkiin kãtɛ wa ze'ele kum puan lebe na la, tu Daana Yezu Kiresta doohe a ziim la nɔpu'ulegɔ la en ka tari ba'ahegɔ la puan,

Hiburuduma 9:14

Ŋwani ti Kiresta ziim la kan tum gaŋɛ bala zo'e zo'e se'em en doohe Sia sɛka en ka tari ba'ahegɔ la puan, kaabɛ a mɛŋa fa'a kaabegɔ bo' Yinɛ la. Ziim buna wan sirum pee tu puti'ira yehe kum tuuma puan, tari tu lebe ti tu na'aha Yinɛ Vɔa wa!

Hiburuduma 9:7

gee malema kiima la ma'a en ki'ire saraa la puan gee buyina yuunɛ woo puan, tara ziim ti a kaabɛ bo' a mɛŋa, la nɛreba la be'em sebo ti ba tum gee ka mina la.

1 Pita 1:2

Sɛba ti Yinɛ en de Sɔ la daa pun te'ele looe ba, maahum ba, gee duuhe ba la a Fa'a Sia la, ti ba nana Yezu Kiresta, gee ti a miihi ba la Yezu ziim la. Zu'uhegɔ la suma'ahum zo'e zo'e dɛna ya dinɛ.

1 Pita 3:21

Ko'om sua wa ti yele dina wa yuum ze'ele bo' la, en faaɛ ya bahɛ nananawa. Dagi la bu yehe la dɛgerɔ ya iŋa puan, gee bu dela Ko'om sua sɛka ti tu suhera Yinɛ ti a bo' tu putɛ'sunɛ doohe Yezu Kiresta vo'ore la puan.

1 Zã 1:7

Gee tu han vɔna niihum la kankaŋi, wuu eŋa mɛŋa en boi niihum puan se'em la, tu wan bɔna taaba kankaŋi, ti a Dayua Yezu ziim la pɛɛra tɔ, tuure woo puan bahera.

1 Zã 4:10

Dina wa puan ti nɔŋerɛ bɔna, dagi ti tumam en nɔŋɛ Yinɛ, gee eŋa en nɔŋɛ tɔ, gee tum a Dayua ti a wa'am na dɛna akaabɛ to'e kaabegɔ bo' tumam tuure.

Lilegere 1:5

la Yezu Kiresta en de yelemɛŋerɛ aze'nyɛ daana la, dɛna ki'induma bikiima la, dɛna timpaberɛ wa zuo naduma naba la. Eŋa se'em en nɔŋɛ tɔ, gee faaɛ tɔ tu be'em puan bahɛ, la a mɛŋa ziim la,

Lilegere 5:9

Ti ba za'a yuum yuumpaalɛ yeti, “Fum nari mɛ ti fum to'e gɔŋɔ la la fum lorege daalehum se'ere en sɔi la, ba yuum kɔregɛ fum mɛ, ti fum dikɛ fum ziim yɔ to'e nɛre sunduma, buuri woo, tugum woo, nɛreba woo la tihi woo puan bo' Yinɛ.

Lilegere 7:14

Ti mam yele en yeti, “Naa, fum en de se'em en mi'.” Ti a nyaa yele mam yeti, “Bana dela sɛba en ze'ele namehegɔ kãtɛ puan yehe na. Ba pee ba futo mɛ, ti tu pelege kirikiri Pebila la ziim la puan.