1 Zã 5:4 - ZE'ELEGO PAALEGA

⁴ se'ere n sɔi la, se'em woo ti Yinɛ dɔgɛ nyaŋeri tiŋa wa mɛ. Nyaŋerɛ se'ere en nyaŋɛ tiŋa wa zuo n ŋwana, tu sakerɛ.

Farefare Ninkaré

⁴ Nẽr-sɛka woo n de Nawẽnnɛ bia n yãŋrɩ dũnia be'em. Tõma n yãŋɛ dũnia be'em na, de la tõma n bɔ Azezi-krisi sɩra la.

1 Zã 5:4 ပူးပေါင်းရင်းမြစ်များ

Azã 1:13

Bama sɛba dɔgum en yeen dagena ziim en lagum taaba dɔgum, bii inganɛ boolum, bii asaala suboolum puan, gee Yinɛ suboolum puan.

Azã 16:33

N yeti ya dina wa, ti ya tara suma'ahum mam puan. Han dɛna timpaberɛ wa zuo, ya wan nyɛ mɛlehegɔ. Gee da bahɛ ya ti dabeem tara ya, gee mam pun nyaŋɛ timpaberɛ wa mɛ.”

Azã 3:3

Ti Yezu lerege en yeti, “Yelemɛŋerɛ yelemɛŋerɛ ti n yɛta fum wa, nɛra ka boi wan bɔna Yinɛ sɔ'ɔlum la puan han dagena ba dɔgɛ en la saazuo na.”

1 Korẽntɩ 15:57

Gee pɛka dɛna Yinɛ dinɛ, se'em n bo'ori tu nyaŋerɛ doohe tu Daana Yezu Kiresta puan.

1 Zã 2:29

Ya han mina ti Yinɛ dela tuuntɔɔ, ya wan mina ti se'em woo en iti sɛla en de tuuntɔɔ, eŋa en dɔgɛ en.

1 Zã 3:9

Se'em woo ti Yinɛ dɔgɛ en kɔ'ɔm ka bɔna tuure puan, beni zuo, Yinɛ naanɛ en boi a puan, a kan ta'am bɔna tuure, beni zuo, Yinɛ en dɔgɛ en.

1 Zã 4:4

Kɔmbibehi wa, yamam ze'ele la Yinɛ zi'an na, gee nyaŋɛ ba, se'ere en sɔi la, se'em n boi ya puan la gani se'em en boi tiŋa wa zuo la mɛ.

1 Zã 5:1

Se'em woo en nam ti Yezu en de Kiresta la, Yinɛ en dɔgɛ a daana, se'em woo en nɔŋɛ dɔgera la, me nɔŋɛ se'em ti a dɔgɛ la mɛ.

1 Zã 5:18

Tu mi' ti, se'em woo ti Yinɛ dɔgɛ la kɔ'ɔm ka bɔna tuure puan, se'ere en sɔi la, Kiresta se'em ti Yinɛ dɔgɛ la en gu'uri en, ti Sagena la ka kalena ba.

1 Zã 5:5

Bala, Ani en de en nyaŋɛ tiŋa wa zuo, han dagena fum se'em nam ti Yezu dela Yinɛ Dayua?

Lilegere 12:11

Gee ba nyaŋɛ en mɛ la Pebila la ziim la, la ba nuurɛ yetɔgum, se'ere en sɔi la, ba daa ka fabele ba vom yele, la kum nɛŋan me.

Lilegere 15:2

Ti mam nyɛ ti sɛla niiɛ na, ana wuu ateko la, gee dɛna salema nyagera, ti bugum gɛregɛ ko'om la puan. Ti sɛba en nyaŋɛ bunsilemasio la, ka pu'uhɛ a naanɛ la, ka to'e a yu'urɛ la, la a kãlɛ la, nyaa zɛ'a salema ateko wa nuuren, pɛga kɔlɔ ti Yinɛ dikɛ bo' ba.

Lilegere 2:11

Bahɛ ti se'em woo n tari tuba, a kɛleha Fa'a Sia la en yeti se'em bɔ'ɔra lageŋɔ la za'a la. Se'em woo en nyaŋɛ, kum buyi' la kan paaɛ en.

Lilegere 2:17

Bahɛ ti se'em woo en tari tuberɛ, a kɛleha Sia la en yeti se'em bɔ'ɔra lageŋɔ la za'a la. Fum se'em woo en nyaŋɛ, n wan bo' en maana dia la basɛba en dikɛ sugɛ la, gee bo' en maanɛ kugepeele, ti kugere wa zuo, ba gulehɛ la a yu'paalɛ iŋɛ de zuo, yu'se'ere ti se'em ka mina, han dagena fum se'em daana en to'e de la ma'a.

Lilegere 2:26

Se'em woo en nyaŋɛ, gee kelum tuna mam tuuma la ta paaɛ ba'ahegɔ, N wan bo' en paŋa ti a biha tihi.

Lilegere 2:7

Bahɛ ti se'em woo en tari tuba, a kɛleha Fa'a Sia la en yeti se'em bɔ'ɔra lageŋɔ duma la. Se'em woo en nyaŋɛ, N wan bo' en sore ti a di vom tia la wala la en boi Yinɛ vo'ohego zi'an la.

Lilegere 3:12

Ya han nyaŋɛ, n wan iŋɛ ya ti ya dɛna ziirɛ mam Yinɛ pu'uhegɔ yire la puan, kan malum yehe de puan. N wan gulehɛ n Yinɛ la yu'urɛ labelɛ ya, gee gulehɛ n Yinɛ tiŋa la yu'urɛ labelɛ ya, Yerusalɛm paalega la en ze'ele mam Yinɛ la zi'an saazuo ha na la, la mam mɛŋa yu'paalɛ labelɛ ya.

Lilegere 3:21

Se'em daana woo en nyaŋɛ, n wan bo' a daana zi'an ti a bɔna la mam, n na'am kuka la zuo, wuu mam mɛŋa en nyaŋɛ, gee ta zi'a la n Sɔ a na'am kuka la zuo se'em la.

Lilegere 3:5

Ya han nyaŋɛ, ba me wan bagɛ ya la fupɛɛla, ti n kan saalum ya yu'ura vom gɔŋɔ la puan bahɛ. N wan purɛ ya yu'urɛ n Sɔ nɛŋan, la a suŋereba nɛŋan.