1 Zã 5:18 - ZE'ELEGO PAALEGA

¹⁸ Tu mi' ti, se'em woo ti Yinɛ dɔgɛ la kɔ'ɔm ka bɔna tuure puan, se'ere en sɔi la, Kiresta se'em ti Yinɛ dɔgɛ la en gu'uri en, ti Sagena la ka kalena ba.

Farefare Ninkaré

¹⁸ Tõma mi tɩ nẽr-sɛka woo n de Nawẽnnɛ bia ka le tõnna tõon-be'ero. La Nawẽnnɛ Dayʋa la gu'uri ẽ mɛ, tɩ be'em dãana Asũtãana ka tãna wʋn ẽŋɛ ẽ sɛla.

1 Zã 5:18 ပူးပေါင်းရင်းမြစ်များ

Amatie 5:37

Bahɛ ti fum ‘ɛ̃ɛ dɛna ɛ̃ɛ,’ bii fum ‘Aayi dɛna aayi’; sɛla en dagi ŋwana ze'ele la be'em puan na.

Amatie 6:13

Da tari tu kɛ̃ magehegɔ puan gee faaɛ tɔ be'em daana la nu'uhen bahɛ. [Sɔ'ɔlum la dela fum dinɛ, paŋa suŋa, wuuha wuuha, Amɛn. Yia yia gulehɛgɔ la tuseto ka tari ka'lam]

Azã 1:13

Bama sɛba dɔgum en yeen dagena ziim en lagum taaba dɔgum, bii inganɛ boolum, bii asaala suboolum puan, gee Yinɛ suboolum puan.

Azã 14:30

N kan le ta'am tɔgɛ la ya yuue, se'ere en sɔi la, Be'em daana se'em n pɛregeri timpaberɛ wa zuo kini me na. A me ka tari n paŋa,

Azã 15:4

Boi ya la mam, ti mam me bɔna la ya. Wuu yile n kan ta'am wam wala de ma'a se'em, han dagena de naaɛ mɛ la ta'aŋa la, bala mɛa ti yamam me kan ta'am wam, han dagena ya naaɛ mɛ la mam.

Azã 15:7

Ya han bɔna la mam, ti n yelehum la bɔna la ya, soke ya yan boti sɛla, gee la wan tum bo' ya.

Azã 15:9

Wuu Sɔ la n nɔŋɛ mam se'em la, bala mɛa ti mam nɔŋɛ ya. Boni ya n nɔŋerɛ la puan.

Tõoma 11:23

Banabase n wa'am na paaɛ nyɛ Yinɛ zu'uhegɔ la n sige nɛreba la zuo se'em la, a puurɛ n pee, ti a kpemehe ba za'a yeti, ba bɔna ba sakerɛ la puan la Daana la, la ba kaabɛ ba mɛhi bo' en saŋa woo;

Yemesi 1:18

Doohe a mɛŋa puti'irɛ en de se'em la zuo, a dɔgɛ tu mɛ doohe a yelemɛŋerɛ yelehum la puan, ti tu dɛna wala diina a naaŋɔ la puan.

Yemesi 1:27

Pu'uhegɔ seko en de fa'a, ka tara galeŋɔ Yinɛ en de Sɔ la nɛŋan en ŋwana. Tu bihera kiibehi, la pokɔpa ba nimbu'ɔ puan, gee ka galena ya mɛhi la timpaberɛ wa zuo yɛla.

1 Pita 1:23

Ba dɔgɛ ya la dɔgum paalum, dagena la biiliho sebo en pu'uri, gee biiliho sebo en ka pu'uri, ba malum dɔgɛ ya doohe la Yinɛ yelehum vua la en ka malum ba'aha la puan.

1 Zã 2:29

Ya han mina ti Yinɛ dela tuuntɔɔ, ya wan mina ti se'em woo en iti sɛla en de tuuntɔɔ, eŋa en dɔgɛ en.

1 Zã 3:12

Tu da ana wuu Keen se'em en ze'ele Sagena la zi'an na, ku a mɛa suuɔ la. Beni zuo ti a ku en? Se'ere zuo, a mɛŋa tuuma la dela be'em, gee ti a suuɔ la tuuma dɛna tuuntɔɔ.

1 Zã 3:3

Se'em woo en tari putɛ'dina Yezu Kiresta puan, peere la a mɛŋa wuu eŋa Kiresta en de fa'a se'em la.

1 Zã 3:9

Se'em woo ti Yinɛ dɔgɛ en kɔ'ɔm ka bɔna tuure puan, beni zuo, Yinɛ naanɛ en boi a puan, a kan ta'am bɔna tuure, beni zuo, Yinɛ en dɔgɛ en.

1 Zã 4:6

Gee tumam ze'ele la Yinɛ zi'an na, se'em woo en mi' Yinɛ kelehe tumam mɛ, se'em woo n ka ze'ele Yinɛ zi'an na ka kelehe tu. Dina puan ti tu mina yelemɛŋerɛ sia, la pã'ahegɔ sia la.

1 Zã 5:1

Se'em woo en nam ti Yezu en de Kiresta la, Yinɛ en dɔgɛ a daana, se'em woo en nɔŋɛ dɔgera la, me nɔŋɛ se'em ti a dɔgɛ la mɛ.

1 Zã 5:15

Ti tu han mina ti a wum sɛla woo ti tu soke, tu mi' ti, tu to'e sɛla ti tu soke en la.

1 Zã 5:19

Tumam mi' ti tu dela Yinɛ kɔma, gee be'em en ba' zo'e tiŋa wa zuo za'a.

1 Zã 5:20

Tu me mi' ti, Yinɛ Dayua la wa'am na bo' tu la bɔkerɛ, ti tu mina eŋa se'em en de yelemɛŋerɛ la, tu me boi la eŋa se'em en de yelemɛŋerɛ la puan, Yelemɛŋerɛ dina wa dela Yinɛ Dayua Yezu Kiresta. Eŋa en de Yinɛ de mɛŋa mɛŋa, la Yinɛ vomsumɔ kamba'ahɛ.

1 Zã 5:21

Lan de ŋwana la, N kɔmbibehi wa, gu' ya mɛhi suŋa suŋa baga puan.

1 Zã 5:4

se'ere n sɔi la, se'em woo ti Yinɛ dɔgɛ nyaŋeri tiŋa wa mɛ. Nyaŋerɛ se'ere en nyaŋɛ tiŋa wa zuo n ŋwana, tu sakerɛ.

Azudi 1:21

Dikɛ ya mɛhi iŋɛ Yinɛ nɔŋerɛ la puan, gee la ya biha tu Daana Yezu Kiresta nimbɔ'zɔrɛ la en dole yɛ'a vom kamba'ahɛ puan la.

Azudi 1:24

Nananawa, se'em Daana en wan ta'am tara ya ti ya kan lu la, gee me iŋɛ ya ti ya zɛ'a filam ti dɛkɔ ka lama ya ya Daana la suŋa la nɛŋan, la nyɛɛma.

Lilegere 2:13

“N mi' ya bɔŋa zi'an, la dela zi'an ti Sagena la na'am kuka la bɔna. Gee la bala za'a ya kɔ'ɔm gurɛ mam yu'urɛ la mɛ kankaŋi, gee ka zagehɛ ya sakerɛ la mam, pun ta paaɛ zahera Antipas se'em en daa de mam aze'nyɛ daana, tara sakerɛ la mam, ti ba daa ku en ya tiŋasuka, Sagena la bɔŋa zi'an la.