1 Zã 5:14 - ZE'ELEGO PAALEGA

¹⁴ Buraanɛ se'ere ti tu tara a puan dela, ti tu han soke en sɛla doohe a suboolum la, a kelehe tu mɛ.

Farefare Ninkaré

¹⁴ Tõma sũure ãn ke'eŋo mɛ la Nawẽnnɛ, tɩ tõma mina tɩ tõma sãn sose sɛla tɩ la masɛ wʋ ẽn boorɩ se'em, a selsrɩ tõma mɛ.

1 Zã 5:14 ပူးပေါင်းရင်းမြစ်များ

Amatie 21:22

Sɛla woo ti ya soke pu'uhegɔ puan nam, ya wan to'e.”

Azã 11:42

Mam mi' ti saŋa woo, fum kelehe mam mɛ, gee n yeti ŋwana wa la nɛrekuuŋɔ wa n ze' ka'lam wa zuo, ti ba ta'am nam ti fum n tum mam na.”

Azã 14:13

N wan iŋɛ sɛla woo ti ya soke bɔta mam yu'urɛ puan, ti Sɔ la nyɛ pɛka dayua la puan.

Azã 15:7

Ya han bɔna la mam, ti n yelehum la bɔna la ya, soke ya yan boti sɛla, gee la wan tum bo' ya.

Azã 16:24

Wa'am na na paaɛ zina, ya ka soke en sɛla mam yu'urɛ wa puan. Soke ya gee ya wan to'e, ti ya nyɛɛma la pirɛ paaɛ paaɛ.

Azã 9:31

Tumam mi' ti Yinɛ ka kelehe be'em duma pu'uhegɔ, gee a kelehe la se'em n na'ahɛ en, gee nana a suboolum.

Efɛɛzɩ 3:12

se'em puan ti tu wan paaɛ Yinɛ nɛŋan la sukpe'ene ti dabeem ka bɔna, doohe tumam n sakɛ bo' en se'em.

Hiburuduma 10:35

Bala zuo, da bahɛ ya puti'irɛ dinɛ taaba, de tari la yɔɔrɛ kãtɛ kina na.

Hiburuduma 3:14

Se'ere en sɔi la, tumam nyaa dela taaba la Kiresta, tu han gurɛ tu yia sakerɛ la kankaŋi ta paaɛ ba'ahegɔ.

Hiburuduma 3:6

Gee Kiresta en de se'em la, yuum tari la sakerɛ la Yinɛ lageŋɔ la, dɛna dayua, ti tumam dɛna yire la, tu han gurɛ tu inkpeŋere wa la tu nyu'ɔ ŋma'a sɛka en de tu beere puti'irɛ zuo wa kankaŋi.

Yemesi 4:3

Ya soke ya gee ka to'e, beni zuo, ya ni soke tuue mɛ, ti ya ta'am di ya ma'a nyɛlum.

Yemesi 5:16

Ŋwana zuo, puti ya ya be'em bɔ'ɔra taaba, gee pu'uha bɔ'ɔra taaba bala ti ya wan nyɛ ya tibegɔ. Tuntɔɔ daana pu'uhegɔ tari la paŋa, gee tuna.

1 Zã 2:28

Gee Nananawa n kɔmbibehi wa, boni ya a puan, ti a han ta niiɛ na, tu wan tara inkpeŋere ti vi ka tara tɔ a nɛŋan, a han ta wa'am na.