1 Zã 5:10 - ZE'ELEGO PAALEGA

¹⁰ Se'em woo en nam Yinɛ Dayua la dela aze' nyɛ daana a mɛŋa suure puan. Se'em woo en ka nam bo' Yinɛ, iŋɛ Yinɛ ti a dɛna la pumparema, la ban ka nam yelesɛ'a ti Yinɛ tɔgɛ doohe a Dayua la.

Farefare Ninkaré

¹⁰ Bɛla, nẽr-sɛka n bɔ Nawẽnnɛ Dayʋa la sɩra, tarɩ kaseto ẽŋa mɛ a sũure pʋam. La nẽr-sɛka n ka bɔ Nawẽnnɛ sɩra, basɛ tɩ a ãna wʋ põmpɔrma la, ẽŋa n ka sakɛ Nawẽnnɛ n bɔ a Dayʋa la kaseto la ĩyã.

1 Zã 5:10 ပူးပေါင်းရင်းမြစ်များ

Azã 3:16

“Yinɛ nɔŋɛ timpaberɛ wa mɛ paaɛ paaɛ zuo, ti a dikɛ a dayua kayima wa bo' na, ti se'em woo n nam en, kan bahɛ yoo, gee a wan tara vom kamba'ahɛ.

Azã 3:18

Sɛba en nam en kan nyɛ sageŋɔ, gee sɛba en ka nam en la, pun diŋɛ bɔna la sageŋɔ puan, se'ere en sɔi la, ba ka nam Yinɛ dayua kayima wa yu'urɛ la.

Azã 3:33

Gee se'em woo n nam bo' a yelehum la nam la yele dina wa, ti Yinɛ dela yelemɛŋerɛ.

Azã 5:38

ya me ka tari a yelehum la ya puan se'ere n sɔi la, ya ka nam se'em ti a tum na la.

Tõoma 8:37

[Ti Filipi yele en yeti, fum han nam la fum suure za'a, fum wan sɔ. Ti a lerege yeti mam nam ya ti Yezu Kiresta dela Yinɛ Dayua.]

Aromduma 8:16

Fa'a Sia kana mɛa en de tu aze'nyɛdaana la tumam sia la, ti tu dela Yinɛ kɔma,

Galatɩ 4:1

Mam n yeti se'ere n ŋwana, asooe sɔna duma la han nan dɛna kɔma, ba ka nyanɛ yamehi, la bamam pun sɔna lɔgerɔ la za'a la.

Galatɩ 4:6

Tumam en de a kɔma la zuo, ti Yinɛ tum a Dayua Sia la tu suya puan na, ti tu tana kaahɛ yeti, “Aba! N Sɔ!”

Kolɔsɩ 3:3

se'ere en sɔi la, ya ki mɛ, ti ya vom la sugɛ la Kiresta puan, Yinɛ puan.

Hiburuduma 3:12

Tara ya mɛhi suŋa n suurɔ, ti ya se'em da tara be'em suure, suse'ere en ka nane, gee ŋmɛregera de mɛŋa yɛha Yinɛ vua wa zi'an.

2 Pita 1:19

Bala, tumam en tari purega yelehum la yelemɛŋerɛ. La wan ana ya suŋa, ya han kpeŋe ya mɛhi kɛleha yelehum wa en de butolela niira lika puan wa, gura ti beere ta yilegɛ, ti bulika belum ŋma'arɛ niira ya suya puan.

1 Zã 1:10

Tu han yeti tumam ka tari tuure, tu iŋɛ en la pumparuma, ti a yelehum la ka bɔna tu puan.

1 Zã 5:1

Se'em woo en nam ti Yezu en de Kiresta la, Yinɛ en dɔgɛ a daana, se'em woo en nɔŋɛ dɔgera la, me nɔŋɛ se'em ti a dɔgɛ la mɛ.

Lilegere 12:17

Ti bunsɛla la suure nyiie la pɔka la, ti a lebe, ta kɔ' zaberɛ la pɔka la kɔma basɛba la, sɛba en dole Yinɛ nuurɛ, gee tari Yezu yɛla la.

Lilegere 2:17

Bahɛ ti se'em woo en tari tuberɛ, a kɛleha Sia la en yeti se'em bɔ'ɔra lageŋɔ la za'a la. Fum se'em woo en nyaŋɛ, n wan bo' en maana dia la basɛba en dikɛ sugɛ la, gee bo' en maanɛ kugepeele, ti kugere wa zuo, ba gulehɛ la a yu'paalɛ iŋɛ de zuo, yu'se'ere ti se'em ka mina, han dagena fum se'em daana en to'e de la ma'a.

Lilegere 2:28

Wuu mam en to'e paŋa se'em n Sɔ zi'an la, bala mɛa ti se'em daana woo n nyaŋɛ, n wan bo' a daana bulika beŋma'arɛ.