1 Zã 4:9 - ZE'ELEGO PAALEGA

⁹ Yinɛ niiɛ a nɔŋerɛ pa'alɛ tɔ la sadɔɔ kuna puan. Yinɛ tum la a mɛŋa dayua ba'arɛ bahɛ tiŋa wa zuo na, ti tu wan vɔna vom sumɔ en de Yinɛ vom, dɔla a puan.

Farefare Ninkaré

⁹ Nawẽnnɛ n pa'alɛ ẽŋa n nõŋɛ tõma se'em n wãna: A tõm na a Dayɔ-yẽŋa dũnia zuo, tɩ tɩ tara vɔm ẽŋa ĩyã.

1 Zã 4:9 ပူးပေါင်းရင်းမြစ်များ

Amarkɩ 12:6

Gee va'am daana wa kelum tara la nɛra yima en de a mɛŋa dayɔba'arɛ. Ba'ahegɔ za'a a tum la kaŋa gee yeti, ‘Ena en de mam dayua la, ba wan na'ahɛ en.’

Aluki 4:18

“Daana Sia la en boi la mam, Se'ere en sɔi la, a sɔ mam mɛ ti n tari faarɛ yelehum wa na bo' naheduma. A tum mam na ti n wa'am na muulɛ fai yɛla bo' sɛba en boi bobere puan, gee bihɛ ti fɔɔhi nini pigehɛ gee bahɛ ti sɛba n boi mugehego puan kiŋɛ fai.

Azã 10:10

Nageyiga ye' na yoo gee a ye' na ti a zu mɛ, gee ku, gee sagum. Gee han dɛna mam, mam wa'am na ti ba nyɛ la vom, vom sebo en seke yabera .

Azã 14:6

Ti Yezu yele en yeti, “Mam n de sore la, la yelemɛŋerɛ la, la nyɔvore la. Se'em kan ta'am paaɛ Sɔ la zi'an, han dagena a doohe la mam puan.

Azã 3:16

“Yinɛ nɔŋɛ timpaberɛ wa mɛ paaɛ paaɛ zuo, ti a dikɛ a dayua kayima wa bo' na, ti se'em woo n nam en, kan bahɛ yoo, gee a wan tara vom kamba'ahɛ.

Azã 3:18

Sɛba en nam en kan nyɛ sageŋɔ, gee sɛba en ka nam en la, pun diŋɛ bɔna la sageŋɔ puan, se'ere en sɔi la, ba ka nam Yinɛ dayua kayima wa yu'urɛ la.

Azã 5:23

ti bala ti nɛra woo wan na'aha dayua la wuu ban na'ahɛ Sɔ la se'em la. Fum se'em woo n ka na'ahɛ Dayua la, ka na'ahɛ sɔ se'em n tum en na la.

Azã 6:29

Ti Yezu lerege ba yeti, “Yinɛ en boti ya tuna se'ere dela, ya nam mam se'em ti a tum na wa.”

Azã 6:51

Mam n de vom boroboro la, ze'ele saazuo sige na la. Se'em woo en obe boroboro dina wa wan vɔna wuuha. Boroboro se'ere ti mam yeti n dikɛ bo' timpaberɛ wa ti ba tara vom la dela mam inganɛ wa.”

Azã 6:57

Wuu Sɔ la n de vom daana tum mam na ti mam vɔna Sɔ la zuo la, bala mɛa ti se'em woo n obe mam wan vɔna mam zuo.

Azã 8:29

Se'em daana n tum mam na la, boi mɛ la mam. A ka bahɛ mam n ma'a, se'ere n sɔi la, mam tuni pɛɛra la a puurɛ paaɛ paaɛ saŋa woo.”

Azã 8:42

Ti Yezu yele ba yeti, “Yinɛ han sirum dɛna yamam Sɔ, ya wan nɔŋɛ ni mam, se'ere n sɔi la, mam ze'ele la a zi'an na bɔna ka'lam wa. Dagi mam mɛŋa n wa'am na, eŋa n tum mam na.

Azã 9:3

Ti Yezu lerege ba yeti, “La dagi buraa wa, bii ka dɔgereba be'em zuo, gee ka de fua ti Yinɛ tuuma n niiɛ ka puan na.

Aromduma 8:32

Yinɛ se'ere en daa ka bahɛ a mɛŋa dayua, gee dikɛ ka tihɛ tumam za'a zuo la, a kan doohe a dayua mɛa puan bo' tu sɛla woo ti tu bɔta me yoi?

Hiburuduma 1:5

Suŋera kani ti Yinɛ tabelɛ yele en yeti, “Fum dela mam Dayua, zina, mam dɔgɛ hɔ”? Bii a tabelɛ yeti, “N wan dɛna a sɔ, ti a dɛna n Dayua”?

1 Zã 3:16

Tu mi' nɔŋerɛ la dina wa puan ti, a dikɛ la a vom biŋe bo' tumam, ti tumam me dɛna la tu dikɛ tu vom biŋe bo' tu taaba.

1 Zã 4:10

Dina wa puan ti nɔŋerɛ bɔna, dagi ti tumam en nɔŋɛ Yinɛ, gee eŋa en nɔŋɛ tɔ, gee tum a Dayua ti a wa'am na dɛna akaabɛ to'e kaabegɔ bo' tumam tuure.

1 Zã 4:16

Bala tumam mi' gee me nam nɔŋerɛ se'ere ti Yinɛ tara bɔ'ɔra tu la mɛ. Yinɛ dela nɔŋerɛ, se'em woo en boi nɔŋerɛ puan, boi la Yinɛ puan, ti Yinɛ me bɔna a daana puan.

1 Zã 5:11

Yinɛ en iŋɛ sɛla la yele en ŋwana. Yinɛ bo' tu la vom sumɔ en kamba'ahɛ, ti vom buna wa boi la a Dayua la puan.

1 Zã 5:13

Mam gulehɛ yele ana wa bɔ'ɔra la yamam sɛba en nam Yinɛ Dayua la yu'urɛ la, ti ya mina ti ya tari Yinɛ vom sumɔ en kamba'ahɛ la.