1 Zã 4:7 - ZE'ELEGO PAALEGA

⁷ N Sunɔŋerɛ duma wa, bahɛ ya ti tu nɔŋɛ ya taaba, se'ere en sɔi la, nɔŋerɛ ze'eti la Yinɛ zi'an na. Se'em woo en tari nɔŋerɛ, Yinɛ en dɔgɛ en, ti a mina Yinɛ.

Farefare Ninkaré

⁷ M sɩr-nõŋrɩsɩ, tɩ nõŋɛ-ya taaba, se'ere n soe la, nõŋlʋm ze'ele la Nawẽnnɛ zẽ'am. Nẽr-sɛka n tarɩ nõŋlʋm de la Nawẽnnɛ bia, la a mi Nawẽnnɛ mɛ.

1 Zã 4:7 ပူးပေါင်းရင်းမြစ်များ

Azã 13:34

N bo'ori ya la ze'elego paalega ti, ya nɔŋɛ taaba. Wuu mam nɔŋɛ ya se'em la, me nɔŋɛ taaba bala.

Azã 17:3

Ŋwana n de vomkanba'ahɛ la, ti saaleba baŋɛ fum, fum se'em n de yelemɛŋerɛ Yinɛ wa ma'a, gee me baŋɛ Yezu Kiresta, se'em ti fum tum na la.

1 Korẽntɩ 8:3

Gee se'em en nɔŋɛ Yinɛ, Yinɛ mi' en mɛ.

2 Korẽntɩ 4:6

Se'ere en sɔi la, la dela Yinse'ere n daa yeti, “Bahɛ ti niihum ze'ele lika puan niiɛ na la,” Yinɛ dinɛ mɛa n niiɛ tumam suya puan, ti a bo' tu a mi'ilum niihum la, n de Yinɛ suŋa niira Yezu Kiresta nɛŋa puan la.

Galatɩ 4:9

Gee Nananawa, ti ya nyaa wa'am na baŋɛ Yinɛ la, bii n yeti, Yinɛ n baŋɛ ya la, ŋwani ti yamam wan le ŋmɛregɛ dɔla tɔregɔ la, nɔŋɔ sɛɛhi se'ehi en sɔi timpaberɛ wa zuo wa? Ŋwani ti ya le bɔta ti ya dɛna da'aba bo' ba le yɛ'ɛha?

Galatɩ 5:22

Gee Sia la walɛ dela, nɔŋerɛ, nyɛɛma, suma'ahum, ŋmibega, pupɛɛla itesuŋɔ, la sakerɛ,

2 Timoti 1:7

se'ere en sɔi la, Yinɛ ka bo' tu la dabeem Sia, gee a tugum bo' tu la Sia en tari paŋa, la nɔŋerɛ, la fum mɛŋa tarega.

1 Pita 1:22

Nananawa ti ya pee ya sɛɛhi doohe yan nam yelemɛŋerɛ la, nyaa tara yelemɛŋerɛ nɔŋerɛ la, nɔŋɛ ya taaba paaɛ paaɛ ya suya puan ha.

1 Zã 2:10

Se'em woo en nɔŋɛ a suuɔ, boi la niihum la puan, ti nɛre-ina daana, sɛla ka boi wan bahɛ ti a gɛ̃ta.

1 Zã 2:29

Ya han mina ti Yinɛ dela tuuntɔɔ, ya wan mina ti se'em woo en iti sɛla en de tuuntɔɔ, eŋa en dɔgɛ en.

1 Zã 2:3

Nananawa, yele dina wa zuo ti tu wan baŋɛ ti tu mi' en paaɛ paaɛ, tu han nana a nɔze'elego la.

1 Zã 2:4

Se'em woo en yeti, “Mam mi' en”, gee ka nana a nɔze'elego la, dela pumparema, ti nɛre-ina daana, yelemɛŋerɛ ka boi a puan.

1 Zã 2:7

N sunɔŋerɛ duma wa, n ka guleheri nɔze'elego paalega bɔ'ɔra ya, gee nɔze'elego kɛka la ti ya pun tara de pi'ileŋen na la. Nɔze'elego kɛka la dela, yelehum la ti ya pun wum la.

1 Zã 3:9

Se'em woo ti Yinɛ dɔgɛ en kɔ'ɔm ka bɔna tuure puan, beni zuo, Yinɛ naanɛ en boi a puan, a kan ta'am bɔna tuure, beni zuo, Yinɛ en dɔgɛ en.

1 Zã 4:11

N Sunɔŋerɛ duma wa, Yinɛ en ba' nɔŋɛ tumam ŋwana wa la, tumam me dela tu nɔŋɛ taaba.

1 Zã 4:12

Se'em nan ka tabelɛ nyɛ Yinɛ. Gee tu han nɔŋɛ taaba, Yinɛ boi tu puan mɛ, ti a nɔŋerɛ la niiri mɛ suŋa tu puan.

1 Zã 4:16

Bala tumam mi' gee me nam nɔŋerɛ se'ere ti Yinɛ tara bɔ'ɔra tu la mɛ. Yinɛ dela nɔŋerɛ, se'em woo en boi nɔŋerɛ puan, boi la Yinɛ puan, ti Yinɛ me bɔna a daana puan.

1 Zã 4:20

Se'em han yeti, “Mam nɔŋɛ Yinɛ” gee yaaɛ a suuɔ, dela pumparema. Se'ere en sɔi la, ŋwani ti eŋa ka nɔŋɛ a suuɔ ti a nyɛta la nini, gee wan ta'am nɔŋɛ Yinɛ se'em ti a ka nyɛta?

1 Zã 4:8

Se'em woo en ka tari nɔŋerɛ ka mi' Yinɛ, se'ere en sɔi la, Yinɛ dela nɔŋerɛ.

1 Zã 5:1

Se'em woo en nam ti Yezu en de Kiresta la, Yinɛ en dɔgɛ a daana, se'em woo en nɔŋɛ dɔgera la, me nɔŋɛ se'em ti a dɔgɛ la mɛ.

2 Zã 1:5

Gee nananawa, pɔge mɛnka wa, mam yeen suhera fum mɛ gee dagi la n gulehɛ la nɔze'elego paalega bɔ'ɔra hɔ, gee se'ere ti tu tara pi'ileŋo na la yeti, bahɛ ya ti tu nɔŋɛ taaba.