1 Zã 3:8 - ZE'ELEGO PAALEGA

⁸ Se'em woo en tari tuure dela Sagena la bia, se'ere en sɔi la, Sagena la pun tuura mɛ la bala pi'ileŋen na. Yinɛ Dayua la niiɛ na la yele dina zuo, ti a lorege Sagena la tuuma za'a za'a.

Farefare Ninkaré

⁸ Sɛka n tõnnɩ tõon-be'ero de la Asũtãana nẽra, se'ere n soe la, Asũtãana tõnnɩ tõon-be'ero la halɩ pĩ'iluŋo. Tɩ Nawẽnnɛ Dayʋa la wa'am tɩ a sã'am Asũtãana tõoma.

1 Zã 3:8 ပူးပေါင်းရင်းမြစ်များ

Amatie 12:28

Gee la han dɛna la Yinɛ Sia la ti mam tara sa'aha kulekpa'bɛ'ɛhi, Yinɛ sɔ'ɔlum la yi paaɛ ya mɛ me na n bala.

Amatie 13:38

Va'am la dela timpaberɛ wa, ti bumbuulesuma la dɛna sɔ'ɔlum la kɔma, ti mɔyileŋo la dɛna Sagena la kɔma,

Amatie 4:3

Ti pumpã'afum daana la wa'am a zi'an na yele en yeti, “Fum han dɛna la Yinɛ bia, bo' kuga wa nuurɛ ti ba lebege boroboro.”

Amarkɩ 1:24

kaahɛ bahena yeti, “Fum tari la bem la tu, Yezu en yehe Nazareti na wa? Fum wa'am na ti fum sagum tu mɛ? Mam mi' fum n de se'em mɛ. Fum dela Fa'a Daana, ze'ele Yinɛ zi'an na.”

Aluki 10:18

Ti a yele ba yeti, “Mam nyɛ Sagena la en ze'ele saazuo ha luta na wuu bugum pãrehi la.

Azã 12:31

Tiŋa la gakerɛ paaɛ ya, se'em n sɔi timpaberɛ wa bihera la dika saŋa paaɛ ya.

Azã 16:11

Ba me ka mi' gakerɛ n de sɛla, beni zuo, ba pun gakɛ be'em daana la en boi timpaberɛ wa zuo la mɛ.

Azã 8:44

Ya kɔ'ɔm ze'ele la ya sɔ Sagena la zi'an na, gee me looe ti ya tum ya sɔ tuunfi'iha sumboolum la. A dela nɛre kuura pi'ileŋo puan na, ka bɔta yelemɛŋerɛ, se'ere n sɔi la, yelemɛŋerɛ ka boi a puan. A han parum, a tɔgeri dɔla la a naanɛ n bala, se'ere n sɔi la, a dela pumparema, gee dɛna pumpɔreŋɔ woo sɔ.

Aromduma 16:20

La kan yuue la Suma'ahum Yinɛ la en wɔ̃regɛ Sagena la biŋe ya nama tiŋa. Tu Daana Yezu Kiresta zu'uhegɔ bɔna la ya.

Efɛɛzɩ 2:2

ti ya yuum bɔna bu puan, dɔla timpaberɛ wa zuo yɛla la, dɔla se'em daana paŋa n boi kusebego wa puan la. Sɛsɛka n boi nananawa tuna la sɛba n ka nane Yinɛ nuurɛ la.

Kolɔsɩ 2:15

A yɛɛhɛ pahi duma la kpe'eŋo mɛ, gee diihe ba nyanɛ peelumen, nyaŋɛ ba za'a za'a pumpuuredɔɔ la zuo.

1 Timoti 3:16

Bu'a ka boi, tumam pu'uhegɔ wa puan yele sɛ'a en gani asaala bɔkerɛ la, dela yele kãra, A daa niiɛ a mɛŋa la inganɛ puan, di buurɔ Sia la puan, suŋereba nyɛ en mɛ, ba muulɛ a yele mɛ sɛba en dagi Yuuduma la puan ti tiŋa wa zuo nam en, a zom la zuin zuin ha la na'ahegɔ.

Hiburuduma 2:14

Lan yi de ti, kɔma la za'a dela inganɛ la ziim la, eŋa Yezu mɛŋa me wa'am na ana mɛ wuu bamam la, ti a ta'am doohe kum puan sagum se'em en tari kum paŋa la. Sagena la en bala,

Hiburuduma 9:26

la ha deni bala, a ye wan nameheri mɛ tulena, pɔhera tiŋa wa pi'ileŋo puan na la. Gee lan de se'em la, a wa'am la buyina za'a za'a ba'ahegɔ saŋa buuri wa puan, ti a fooe be'em bahɛ, doohe a dikɛ a mɛŋa kaabɛ.

2 Pita 2:4

Se'ere en sɔi la, Yinɛ yuum han ka bahɛ suŋereba, ban yuum tum be'em la, gee lobe ba bahɛ bugum timpaberɛ, ba' ba la bahɛ lika puan ha, ti ba bɔna bilam gura gakerɛ,

1 Zã 1:2

Vom buna wa, Yinɛ daa niiɛ bu mɛ na, ti tumam nyɛ bɔ, dɛna bu aze'nyɛduma, muula bu bɔ'ɔra ya, Yinɛ vom sumɔ en kan ba'ahɛ wa en daa boi la Yinɛ en de Sɔ la nyaa niiɛ bɔ bo' tu.

1 Zã 3:10

Yinɛ kɔma, la Sagena la kɔma en niiɛ ba mɛhi se'em en ŋwana. Se'em woo en ka tuni sɛla en de tuuntɔɔ ka ze'ele Yinɛ zi'an na, bii fum se'em woo en ka nɔŋɛ fum suurɔ.

1 Zã 3:5

Ya mi' ti Kiresta niiɛ na ti a dikɛ la tuure, ti eŋa puan ti tuure ka bɔna.

1 Zã 5:19

Tumam mi' ti tu dela Yinɛ kɔma, gee be'em en ba' zo'e tiŋa wa zuo za'a.

Azudi 1:6

Gee ti suŋereba sɛba me en yuum ka ze' ba zɛ'a zi'an, gee yuum bahɛ ba zɛ'a zi'an la, a bobe ba mɛ la bãhi dikɛ ba bahɛ lika kãtɛ puan gura gakerɛ dabehekãtɛ daarɛ la.

Lilegere 20:10

Ti Sagena se'em en pã'ahɛ ba la, ba lobe eŋa bahɛ la bugum mɔgerɛ la en diti la tahi bugum la puan, zi'an ti bunsilemasio la, la a pumpã'ahum nɔtɔgeha la bɔna la, ti ba bɔna mɛlehegɔ puan bulika la yu'uŋɔ za'a, ka malum tara ba'ahegɔ.

Lilegere 20:15

ti se'em woo yu'urɛ ti ba ka nyɛ ti de gulehɛ bɔna vom gɔŋɔ la puan la, ba lobe a daana bahɛ la bugum mɔgerɛ la puan.