1 Zã 3:5 - ZE'ELEGO PAALEGA

⁵ Ya mi' ti Kiresta niiɛ na ti a dikɛ la tuure, ti eŋa puan ti tuure ka bɔna.

Farefare Ninkaré

⁵ La yãma mi tɩ Azezi-krisi wa'am tɩ a yese la nẽrba tõon-be'ero basɛ, la a mẽŋa ka tarɩ tõon-be'ero.

1 Zã 3:5 ပူးပေါင်းရင်းမြစ်များ

Amatie 1:21

A wan dɔgɛ la budibela ti fum sigɛ ka yu'urɛ Yezu. Se'ere en sɔi la, eŋa n yeti a faaɛ a nɛreba ba be'em puan bahɛ.”

Aluki 23:41

Tumam namehegɔ wa dela de sore, se'ere en sɔi la, tumam to'ore la tu tuuma yɔɔrɛ en bala, gee buraa kana wa ka tuue se'ere.”

Aluki 23:47

Ti pɛntiira wa en biheri pɛntiireba kɔbega wa la en ze' bini gee nyɛ sɛla woo en iŋɛ se'em la, ti a dikɛ pɛka bo' Yinɛ yeti, “Yelemɛŋerɛ, nɛra wa ka tari tuure.”

Azã 1:29

Yiimbeere ti Yɔn nyɛ ti Yezu kini tɔɔra en na, ti a muulɛ yeti, “Bihɛ ya,Yinɛ Pebila la n ŋwana, se'em n to'e timpaberɛ wa zuo be'em la!

Azã 1:31

Mam mɛŋa ka mi' en, gee mam wa'am na bɔ'ɔra ko'omsua wa la dela, n niiɛ en pa'alɛ Iziraleduma wa.”

Azã 14:30

N kan le ta'am tɔgɛ la ya yuue, se'ere en sɔi la, Be'em daana se'em n pɛregeri timpaberɛ wa zuo kini me na. A me ka tari n paŋa,

Azã 8:46

Ya ani n wan ta'am pa'alɛ mam n tum be'em sebo? Mam han yɛta ya yelemɛŋerɛ, wani ti ya ka nam mam?

2 Korẽntɩ 5:21

Se'ere en sɔi la, tumam zuo ti Yinɛ iŋɛ en ti a ana wuu a dela be'em daana la, eŋa se'em en ka tabelɛ mina be'em, ti doohe eŋa puan tu wan tara Yinɛ tuuntɔɔ vom la.

1 Timoti 1:15

Yetɔge buna wa dela yelemɛŋerɛ, dɛna tu to'e bu nu'uhi siyi, ti Kiresta Yezu wa'am tiŋa wa zuo na ti a faaɛ la be'em duma, sɛba ti mam be'em gana ba za'a.

1 Timoti 3:16

Bu'a ka boi, tumam pu'uhegɔ wa puan yele sɛ'a en gani asaala bɔkerɛ la, dela yele kãra, A daa niiɛ a mɛŋa la inganɛ puan, di buurɔ Sia la puan, suŋereba nyɛ en mɛ, ba muulɛ a yele mɛ sɛba en dagi Yuuduma la puan ti tiŋa wa zuo nam en, a zom la zuin zuin ha la na'ahegɔ.

Taitusi 2:14

Eŋa en kaabɛ a mɛŋa bo' tu, ti a yɔ to'e tu tuure woo puan, gee pee tu bo' a mɛŋa, ti tu dɛna a mɛŋa nɛreba, sɛba en mu'ɛ nini tuna tuunsunɛ.

Hiburuduma 1:3

A dela Yinɛ suŋa niihum paaɛ paaɛ, dɛna Yinɛ vore vore, bahɛ ti sɛla woo bɔna, doohe a yelehum paŋa puan. Eŋa en duuhe saaleba be'em ba'ahɛ la, a zi'ire la Gani za'a Daana la zuɔ nu'o saazuin ha,

Hiburuduma 4:15

Se'ere en sɔi la, tu ka tari la malema kiima sɛka en ka zoti tu tɔregɔ nimbu'ɔ, gee tu tari la se'em en nyɛ mageha sadɔseko woo puan wuu tumam la, gee a ka tum be'em.

Hiburuduma 7:26

La dela ma'a ti tu tara malema kiima kana taaba, en de fa'a, ka tara gbelegere, ka galum, ti ba yehe en ze'ele a ma'a ti a ka pa'ahɛ be'em duma puan, ti ba zɛkɛ en zom zuin zuin ha gaŋɛ saazuo wa.

Hiburuduma 9:26

la ha deni bala, a ye wan nameheri mɛ tulena, pɔhera tiŋa wa pi'ileŋo puan na la. Gee lan de se'em la, a wa'am la buyina za'a za'a ba'ahegɔ saŋa buuri wa puan, ti a fooe be'em bahɛ, doohe a dikɛ a mɛŋa kaabɛ.

Hiburuduma 9:28

bala mɛa ti Kiresta, en kaabɛ a mɛŋa buyina bo' nɛreba zo'e zo'e be'em la ba'ahɛ, a wan le niiɛ na buyi' puan na, dagi a le zabɛ la be'em, gee a faaɛ sɛba en ani kɛli gura en la.

1 Pita 1:18

Ya mi ti Yinɛ yɔ mɛ to'e ya yehe vom yoo sebo ti ya to'e ya yaabeduma zi'an la. A ka yɔ mɛ la lɔgeseto en sageni, ana wuu salempɛɛla bii salema,

1 Pita 1:20

Yinɛ yuum pun maahum en mɛ gee ti timpaberɛ wa baŋɛ pi'ilum, gee ta niiɛ en ba'ahegɔ saŋa wa puan, yamam zuo.

1 Pita 2:22

“A ka tari be'em, pã'ahegɔ ka tabelɛ ze'ele a nuuren na.”

1 Pita 2:24

Eŋa mɛŋa en zi' tu be'em a iŋa puan pumpuuredɔɔ la zuo. Be'em la en ki tumam puan la, tu nyaa wan vɔna tuuntɔɔ vom. A pɔgeleŋɔ la puan, ti ya nyɛ tibegɔ.

1 Pita 3:18

Kiresta me wa namehɛ mɛ buyina, tumam za'a be'em zuo. Tuntɔɔ daana en namehɛ bo' sɛba en dagi tuuntɔɔ duma, ti a tari ya na bo' Yinɛ. Ba ku en mɛ ingɔŋɔ wa puan, gee ba vo'e en mɛ Sia puan,

1 Zã 1:2

Vom buna wa, Yinɛ daa niiɛ bu mɛ na, ti tumam nyɛ bɔ, dɛna bu aze'nyɛduma, muula bu bɔ'ɔra ya, Yinɛ vom sumɔ en kan ba'ahɛ wa en daa boi la Yinɛ en de Sɔ la nyaa niiɛ bɔ bo' tu.

1 Zã 1:7

Gee tu han vɔna niihum la kankaŋi, wuu eŋa mɛŋa en boi niihum puan se'em la, tu wan bɔna taaba kankaŋi, ti a Dayua Yezu ziim la pɛɛra tɔ, tuure woo puan bahera.

1 Zã 2:1

N kɔmbibehi wa, n gulehɛ yele ana wa bɔ'ɔra ya ti, la bahɛ ti ya da tara tuure. Gee se'em han tuue, tu tari nupu'ŋmɛ'ɛra mɛ en boi la Sɔ la, Yezu Kiresta, tuuntɔɔ daana la.

1 Zã 2:2

Eŋa en de akaabɛ to'e kaabegɔ bo' tumam tuure la, dagi tumam ma'a tuure la, gee tiŋa wa zuo za'a tuure.

1 Zã 2:29

Ya han mina ti Yinɛ dela tuuntɔɔ, ya wan mina ti se'em woo en iti sɛla en de tuuntɔɔ, eŋa en dɔgɛ en.

1 Zã 3:8

Se'em woo en tari tuure dela Sagena la bia, se'ere en sɔi la, Sagena la pun tuura mɛ la bala pi'ileŋen na. Yinɛ Dayua la niiɛ na la yele dina zuo, ti a lorege Sagena la tuuma za'a za'a.

Lilegere 1:5

la Yezu Kiresta en de yelemɛŋerɛ aze'nyɛ daana la, dɛna ki'induma bikiima la, dɛna timpaberɛ wa zuo naduma naba la. Eŋa se'em en nɔŋɛ tɔ, gee faaɛ tɔ tu be'em puan bahɛ, la a mɛŋa ziim la,