1 Zã 3:23 - ZE'ELEGO PAALEGA

²³ A nɔze'elego la n ŋwana, ti tu nam a Dayua Yezu Kiresta yu'urɛ la, gee nɔŋɛ taaba, wuu eŋa en bo' tu nuurɛ se'em la.

Farefare Ninkaré

²³ Ẽŋa n bɔ a nõorɛ se'em n wãna: La de la tɩ bɔ a Dayʋa Azezi-krisi sɩra, dee nõŋɛ taaba wʋ ẽŋa n bɔ tɩ a nõorɛ se'em na.

1 Zã 3:23 ပူးပေါင်းရင်းမြစ်များ

Amatie 22:39

Se'ere en tagelɛ la me kɔ'ɔm ana mɛ wuu yia dinɛ la. ‘Fum nɔŋɛ hɔ mabia wuu fum nɔŋɛ fum mɛa se'em la.’

Amarkɩ 9:7

Ti sagbanɛ zibege na pi' ba, ti kua ze'ele sagbanɛ la puan tɔgɛ bahɛ na yeti, “Mam mɛŋa Dayua n ŋwana, se'em ti mam nɔŋɛ, kelehe ya en!”

Azã 1:12

Gee sɛba woo en to'e en la, sɛba en sakɛ bo' a yu'urɛ la, bamam ti a bo' ba paŋa ti ba dɛna Yinɛ kɔma.

Azã 13:34

N bo'ori ya la ze'elego paalega ti, ya nɔŋɛ taaba. Wuu mam nɔŋɛ ya se'em la, me nɔŋɛ taaba bala.

Azã 14:1

“Da bahɛ ya ti ya suya daana, nam ya Yinɛ, gee nam mam me.

Azã 15:12

“Mam Pa'alegɔ n ŋwana. Ti ya nɔŋɛ taaba, wuu mam n nɔŋɛ ya se'em la.

Azã 17:3

Ŋwana n de vomkanba'ahɛ la, ti saaleba baŋɛ fum, fum se'em n de yelemɛŋerɛ Yinɛ wa ma'a, gee me baŋɛ Yezu Kiresta, se'em ti fum tum na la.

Azã 2:23

Yezu en daa ta bɔna Yerusalɛm azɔɛtole de'eŋo saŋa la, nɛreba zo'e zo'e en daa nam bo' a yu'urɛ la, doohe la daalehum sɛ'a ti a tuna la.

Azã 3:18

Sɛba en nam en kan nyɛ sageŋɔ, gee sɛba en ka nam en la, pun diŋɛ bɔna la sageŋɔ puan, se'ere en sɔi la, ba ka nam Yinɛ dayua kayima wa yu'urɛ la.

Azã 6:29

Ti Yezu lerege ba yeti, “Yinɛ en boti ya tuna se'ere dela, ya nam mam se'em ti a tum na wa.”

Tõoma 16:31

Ti ba lerege en yeti, “Nam Daana Yezu, gee fum wan nyɛ faarɛ, fum la fum yire za'a.”

Efɛɛzɩ 5:2

gee vɔni ya la nɔŋerɛ wuu Kiresta n nɔŋɛ tɔ se'em, dikɛ a mɛŋa bo' tu se'em, lebege nyuuŋo suŋɔ kaabegɔ bo'olum ti ba kaabɛ bo' Yinɛ la.

1 Tesaloniki 4:9

Nananawa, han dɛna suurɔ nɔŋerɛ yele, ya ka eere se'em gulehɛ bo' ya na. Se'ere en sɔi la, Yinɛ en pun pa'alɛ yamam ti ya nɔŋɛ taaba mɛ.

1 Timoti 1:15

Yetɔge buna wa dela yelemɛŋerɛ, dɛna tu to'e bu nu'uhi siyi, ti Kiresta Yezu wa'am tiŋa wa zuo na ti a faaɛ la be'em duma, sɛba ti mam be'em gana ba za'a.

1 Pita 1:22

Nananawa ti ya pee ya sɛɛhi doohe yan nam yelemɛŋerɛ la, nyaa tara yelemɛŋerɛ nɔŋerɛ la, nɔŋɛ ya taaba paaɛ paaɛ ya suya puan ha.

1 Pita 4:8

Sɛla en gani bala, tari ya nɔŋerɛ saŋa woo bɔ'ɔra taaba, se'ere en sɔi la, nɔŋerɛ pi'ire la be'em zo'e zo'e.

1 Zã 2:7

N sunɔŋerɛ duma wa, n ka guleheri nɔze'elego paalega bɔ'ɔra ya, gee nɔze'elego kɛka la ti ya pun tara de pi'ileŋen na la. Nɔze'elego kɛka la dela, yelehum la ti ya pun wum la.

1 Zã 3:11

Bala, yelehum la n ŋwana ti ya wum pi'ileŋo na la, ti tu nɔŋɛ taaba.

1 Zã 4:15

Yinɛ boi mɛ la se'em woo en purɛ ti Yezu dela Yinɛ Dayua, gee ti a daana me bɔna Yinɛ puan kankaŋi.

1 Zã 4:21

Nɔze'elego la ti tu to'e a zi'an la dela dina wa. Ti se'em en nɔŋɛ Yinɛ, dela a nɔŋɛ a suuɔ me.

1 Zã 5:13

Mam gulehɛ yele ana wa bɔ'ɔra la yamam sɛba en nam Yinɛ Dayua la yu'urɛ la, ti ya mina ti ya tari Yinɛ vom sumɔ en kamba'ahɛ la.