1 Zã 3:12 - ZE'ELEGO PAALEGA

¹² Tu da ana wuu Keen se'em en ze'ele Sagena la zi'an na, ku a mɛa suuɔ la. Beni zuo ti a ku en? Se'ere zuo, a mɛŋa tuuma la dela be'em, gee ti a suuɔ la tuuma dɛna tuuntɔɔ.

Farefare Ninkaré

¹² La ka de tɩ ãna wʋ Akãɩ la, ẽŋa de la Asũtãana nẽra, yʋʋn kʋ a yɩbga. La bẽm n soe tɩ a yʋʋn kʋ ẽ? La de la a tõoma n yʋʋn de tõon-be'ero, dee tɩ a yɩbga tõoma masɛ la ĩyã.

1 Zã 3:12 ပူးပေါင်းရင်းမြစ်များ

Amatie 13:19

Se'em woo en ni wum sɔ'ɔlum la yɛla gee ka bɔkɛ a, Sagena la ni wa'am mɛ na zɛ sɛla ti ba burɛ a suuren la. Bana en de bumbuura sɛ'a en zɔgɛ sore zuo la.

Amatie 13:38

Va'am la dela timpaberɛ wa, ti bumbuulesuma la dɛna sɔ'ɔlum la kɔma, ti mɔyileŋo la dɛna Sagena la kɔma,

Amatie 23:35

Bala zuo ti tuntɔɔduma la woo ziim la ti ba ka'ahɛ timpaberɛ wa zuo la taala wan dɔla ya . Ze'ele tuuntɔɔ daana Ebɛl, ta paaɛ Barakaya dayua Zekariya se'em ti ya ku biŋe tuulum saraa la la kaabegɔ bimbeni la tiŋasuka la.

Amatie 27:23

Ti a soke ba yeti, “Ŋwani, Beni be'em ti a tum?” Gee nɛreba la malum voole gaŋɛ la bala yeti, “Bahɛ ti ba kpa' en!”

Amatie 5:37

Bahɛ ti fum ‘ɛ̃ɛ dɛna ɛ̃ɛ,’ bii fum ‘Aayi dɛna aayi’; sɛla en dagi ŋwana ze'ele la be'em puan na.

Aluki 11:51

Ze'ele Abɛl ziim ka'arɛ, ta paaɛ nɔtɔgeha Zekariya ziim ka'arɛ la, se'em ti ba wa ku' en biŋe kaabegɔ daka la, la tuulum saraa la tiŋasuka la. Ɛ̃ɛ, bu taala wan dɔla la yamam zina beere nɛreba wa.

Azã 10:32

Ti Yezu yele ba yeti, “Mam tum la tuunkãra zo'e zo'e ya ninin n Sɔ la yu'urɛ puan. Yele ana wa dinɛ zuo ti ya yeti ya lobe mam wa?”

Azã 8:40

gee nananawa, ya zigera mɛ ti ya ku mam, mam se'em n yele ya yelemɛŋerɛ se'ere ti n wum Yinɛ zi'an. Dagi bala ti Aberaham iŋɛ.

Azã 8:41

Yamam kɔ'ɔm sirum ita la tuunsɛ'a ti ya sɔ la ita la.” Ti ba yele en yeti, “Tumam dagi kɔm-yooro, Tumam sɔ dela ayima, Yinɛ wa.”

Tõoma 7:52

Nɔtɔgeha kani ti ya yaabeduma ka mɛlehɛ? Ba yuum ku sɛba woo en yuum puti Fa'a Daana wa kinɛ yele la mɛ, ti nananawa, yamam nyaa lebege ŋma'areba la kuureba.

1 Tesaloniki 2:14

Gee yamam n suurɔ wa, ya dela sɛba en tɔgehi Yinɛ lageŋɔ la en boi Kiresta Yezu puan bɔna Yudiya la. Se'ere en sɔi la, ya namehɛ la bala mɛa ya mɛhi nɛreba zi'an, wuu ban yuum iŋɛ Yuuduma puan se'em la.

Hiburuduma 11:4

Sakerɛ zuo ti Abɛl bo' Yinɛ bo'olum sebo en tigɛ nini gana Keen bo'olum la. Doohe ŋwana zuo, ti ba tɔgera a yele ti a dela tuuntɔɔ nɛra. Yinɛ mɛŋa en de aze'nyɛ daana bo' a bo'olum la. La en pun ki la, gee la bala za'a, a sakerɛ la zuo, a kelum tɔgera mɛ.

Hiburuduma 12:24

Ya wa'am la Yezu en de nupu'ŋmɛ'ɛra nɔpu'ule paalega la puan la zi'an na, la ziim sebo en dikɛ miihi, gee tɔgera yelesuma gana Abɛl ziim la zi'an na.

1 Pita 4:4

La iŋɛ nɛreba la pakerɛ ti yan ka le lagena la ba tuna tuunyooro tunɔ taaba la, bala ti ba yaala ya la.

1 Zã 3:8

Se'em woo en tari tuure dela Sagena la bia, se'ere en sɔi la, Sagena la pun tuura mɛ la bala pi'ileŋen na. Yinɛ Dayua la niiɛ na la yele dina zuo, ti a lorege Sagena la tuuma za'a za'a.

Azudi 1:11

Yele boi ba zuo. Se'ere en sɔi la, ba dikɛ la Keen sore la, gee dikɛ ba mɛhi luhɛ Balaam tuure la en yuum de ligeri zuo la puan, ba bahɛ la yoo wuu Kuura pobiriga la en yuum iŋɛ en se'em la.

Lilegere 17:6

Ti mam nyɛ ti pɔka wa buge mɛ la en nyu Yinɛ nɛresunduma ziim, la sɛba en muuli Yezu yele la sukpe'ene la ziim la. Mam en nyɛ ka la, la ba' iŋɛ mam la pakerɛ.