1 Zã 2:27 - ZE'ELEGO PAALEGA

²⁷ Han dɛna yamam, bi'ihegɔ seko ti ya to'e a zi'an la, boi ya puan mɛ, bala, ya ka eere nɛra ti a pa'alɛ ya. Gee a bi'ihegɔ la en pa'ali ya sɛla woo la, ti la me dɛna sira gee dagena pumpɔreŋɔ, wuu a bi'ihegɔ la en pun pa'alɛ ya se'em la, boni ya a puan.

Farefare Ninkaré

²⁷ La sãn dɛna yãma, Nawẽnnɛ Sɩa la tɩ ya to'oge Krisi zẽ'am na, boe la ya lɛ mɛ, yãma ka le ɛɛra tɩ ba zãsʋm ya. Nawẽnnɛ Sɩa la n boe la ya lɛ la, zãsnɩ ya sɛla woo mɛ, la de la sɩra, a ka parnɩ. Bɔna-ya la Krisi wʋ ẽn zãsnɩ ya se'em na.

1 Zã 2:27 ပူးပေါင်းရင်းမြစ်များ

Amatie 13:11

Ti a lerege ba yeti, “Han dɛna yamam, ba bo' yamam mɛ ti ya bɔkera saazuo sɔ'ɔlum la yele sɛ'a en sugɛ, gee ba ka bo' bamam bala.

Azã 14:16

Bala ti n wan soke n Sɔ la, ti a wan bo' ya Nu'pu'ŋmɛ'ɛra ayima en kpe'em paaɛ paaɛ ti a bɔna la ya wuuha.

Azã 14:17

Eŋa en de Fa'a Sia la n de yelemɛŋerɛ la, se'em ti Timpaberɛ wa zuo kan to'e en, Se'ere n sɔi la, timpaberɛ wa zuo nɛreba ka nyɛti en, bii ba mina en. Gee yamam mi' en se'ere n sɔi la, a boi mɛ la ya, gee wan kelum bɔna la ya.

Azã 14:26

Gee Tɛ'ɛla la kini na, Fa'a Sia la. Se'em ti Sɔ la wan tum en na mam yu'urɛ puan la. Eŋa wan pa'alɛ ya sɛla woo, gee tiiha ya sɛla woo ti mam yele ya la.

Azã 16:13

Gee se'em en de Sia yelemɛŋerɛ la han ta wa'am na, a wan gu'ura ya ti ya mina yelemɛŋerɛ la za'a. Se'ere n sɔi la, a ka yeti a tɔgera la a mɛŋa yetɔgum, gee a wan tɔgɛ la sɛla woo ti a wum Yinɛ zi'an, ti a wan muulɛ bo' ya yele sɛ'a n wan wa'am na.

Azã 4:14

Gee sɛba woo n nyu ko'sebo ti mam wan bo' ba la, ko'nyuuro kan le malum tara bamam duma. Gee ko'sebo ti mam wan bo' ba la, wan lebege la bulega ba puan bula vom ko'om yɛ'ɛha vom en kamba'ahɛ puan.”

Azã 6:45

La gulehɛ bɔna nɔtɔgeheba gɔŋɔ puan yeti, ‘Yinɛ mɛŋa wan pa'alɛ ba za'a.’ Se'em woo n wum Sɔ la kua, gee zamehɛ Sɔ la zi'an n ye' mam zi'an na.

1 Korẽntɩ 2:12

Nananawa, han dɛna tumam, tumam ka to'e la tiŋa wa zuo sia la, gee Sɛsɛka en ze'ele Yinɛ zi'an na, ti tu ta'am bɔkera bo'olum sebo ti Yinɛ ka'ɛ bahɛ tu zuo la.

1 Korẽntɩ 2:13

Ti tumam tɔgera yele ana wa mɛ dagi la asaala pa'alegɔ yɛm puan, gee Sia la pa'alegɔ. Lɛregera Sia puan yɛla pa'ala sɛba en tari Sia la.

2 Korẽntɩ 1:21

Gee la dela Yinɛ n sɛ' tumam la yamam Kiresta puan, gee bi'ihɛ tu,

Efɛɛzɩ 4:21

La de asira ti ya wum a yele, gee ti ba me pa'alɛ ya a yele ti yelemɛŋerɛ boi la Yezu puan.

Kolɔsɩ 2:6

Wuu yan to'e Kiresta Yezu en de Daana la, kelum vɔni ya ya vom la a puan,

1 Tesaloniki 2:13

Tu me kelum bɔ'ɔra Yinɛ fara mɛ saŋa woo yele dina wa zuo. Ti yan to'e Yinɛ yelehum la ti ya wum tu zi'an la, ya nam bu mɛ, ti bu dagi asaala yelehum, gee bu sirum dela Yinɛ yelehum sebo en tuni la yamam sɛba en nam la suŋa suŋa.

1 Tesaloniki 4:9

Nananawa, han dɛna suurɔ nɔŋerɛ yele, ya ka eere se'em gulehɛ bo' ya na. Se'ere en sɔi la, Yinɛ en pun pa'alɛ yamam ti ya nɔŋɛ taaba mɛ.

1 Timoti 2:7

Dina zuo ti a looe mam ti n muula, gee dɛna tuntuna (mam tɔgeri la yelemɛŋerɛ, n ka pareni), mam dela sɛba en dagi Yuuduma la pa'ala, sakerɛ la yelemɛŋerɛ puan.

1 Pita 1:23

Ba dɔgɛ ya la dɔgum paalum, dagena la biiliho sebo en pu'uri, gee biiliho sebo en ka pu'uri, ba malum dɔgɛ ya doohe la Yinɛ yelehum vua la en ka malum ba'aha la puan.

1 Zã 2:28

Gee Nananawa n kɔmbibehi wa, boni ya a puan, ti a han ta niiɛ na, tu wan tara inkpeŋere ti vi ka tara tɔ a nɛŋan, a han ta wa'am na.

1 Zã 3:24

Se'em woo en nane a nɔze'elego la boi la a puan, ti eŋa me bɔna a puan. Dina puan ti tu mina ti a boi la tu mɛ, doohe la a Fa'a Sia la ti a bo' tu la.

2 Zã 1:2

Yelemɛŋerɛ la en boi tu puan la zuo, gee wan bɔna la tu wuuha la zuo.