1 Zã 2:18 - ZE'ELEGO PAALEGA

¹⁸ N kɔma wa, la dela ba'ahegɔ saŋa. Yan pun wum ti Kiresta dima daana la kini na la, bala mɛa ti nananawa, Kiresta dima duma zo'e zo'e wa'am na. Ŋwana puan ti tu baŋɛ ti la dela ba'ahegɔ saŋa la.

Farefare Ninkaré

¹⁸ M kɔma, lɛɛlɛ wã la de la dũnia ba'asgɔ wakatɛ. Yãma wõm tɩ ba yetɩ Krisi sɩ'ɩsra n sẽm. La lɛɛlɛ wã, Krisi sɩ'ɩsrɩba zo'oge mɛ bɔna, bɛla tõma mi mɛ tɩ la de la dũnia ba'asgɔ wakatɛ.

1 Zã 2:18 ပူးပေါင်းရင်းမြစ်များ

Amatie 24:11

Ti nɔtɔgeheba pumparenduma zo'e zo'e wan wa'am na pa'ahɛ nɛreba zo'e zo'e ti ba.

Amatie 24:24

Se'ere en sɔi la, Kiresta pumparenduma la nɔtɔgehe pumparenduma wan wa'am na tuna daalehum kãra, nyalema ti ba pã'ahɛ nɛreba zo'e zo'e ti ba bɔregɛ. La han wan ta'am iŋɛ ni, ba wan lagum pã'ahɛ sɛba ti Yinɛ mɛŋa looe la.

Amatie 24:5

Se'ere en sɔi la, nɛreba zo'e zo'e wan wa'am na dikɛ mam yu'urɛ yɛta ti, ‘Mam n de Kiresta la.’ Ba wan bahɛ ti nɛrekuuŋɔ bɔregɛ.

Amarkɩ 13:6

Nɛreba zo'e zo'e wan ta wa'am na dikɛ mam yu'urɛ tɔgera yɛta ti, ‘Mam en de Kiresta la!’ Ba wan pa'ahɛ nɛreba zo'e zo'e ti ba bɔregɛ.

Azã 21:5

Ti Yezu yi' ba na soke yeti, “N kɔma wa, ya ka nyɔkɛ sɛla, bii ya nyɔkɛ ya?” Ti ba lerege en yeti. “Aayi.”

Aromduma 13:11

Dina pooren, ya mi' sansɛka puan ti tu bɔna nananawa, la nyaa paaɛ sansɛka en de ya niiɛ ya guum la puan. Se'ere en sɔi la, faarɛ nyaa lɛm tu nananawa gana tumam n daa nan nam Yezu la.

Aromduma 13:12

Yu'uŋɔ la pun tole mɛ, ti beyiine pɔra. Bala, bahɛ ya ti tu biŋe lika puan yɛla kinkɛleŋa, gee dikɛ niihum zaberɛ lɔgerɔ la yɛ.

Hiburuduma 1:2

gee ba'ahegɔ dabeha wa puan, a tɔgɛ bo' tu doohe la a dayua puan, sɛka ti a looe ti ka sooe sɔna sɛla woo, se'em puan ti Yinɛ doohe naam sɛla woo en boi wa.

1 Pita 1:20

Yinɛ yuum pun maahum en mɛ gee ti timpaberɛ wa baŋɛ pi'ilum, gee ta niiɛ en ba'ahegɔ saŋa wa puan, yamam zuo.

1 Pita 1:5

Yamam sɛba ti Yinɛ paŋa gu'ura ya doohe ya sakerɛ puan la, ya faarɛ la wan niiɛ ba'ahegɔ saŋa la na.

1 Pita 4:7

Sɛla woo ba'ahegɔ pɔri mɛ. Bala, mu'ɛ ya nini, gee ta'na ya mɛhi tara suŋa, ya pu'uhegɔ zuo.

2 Pita 2:1

Gee nɔtɔgeheba pumparenduma en yuum ihege na bɔna nɛreba la puan, wuu pumparenduma pa'aleba en wan bɔna ya puan se'em la, sɛba en wan li'ihɛ tari sageŋɔ puti'ira wa'am ya puan na. Ba wan pun ta zagehɛ ba Daana se'em en da' ba la, tari sageŋɔ wa'am ba mɛhi zuo na kalam.

2 Pita 3:3

Yia, ya za'a dela ya bɔkɛ ti, ba'ahegɔ dabeha la puan, sinsɛhi wan wa'am na, sɛna la ba mɛhi kunkoma'ahum,

1 Zã 2:22

Ani en de pumparema la? Han dagena se'em en zagehɛ ti Yezu dagi Kiresta la. Ena daana en de Kiresta dima la, se'em en zagehɛ Yinɛ en de Sɔ, la Dayua la.

1 Zã 4:1

Sunɔŋerɛ duma wa, da nam ya sia woo, gee magehɛ sɛɛhi la bihera nyaa, ba ze'ele Yinɛ zi'an na, se'ere en sɔi la, nɔtɔgehe pumparenduma zo'e zo'e en kɛ̃ tiŋa wa zuo.

1 Zã 4:3

gee sɛsɛka woo en ka purɛ ti Yezu [Kiresta wa'am me na la ingɔŋɔ] ka ze'ele Yinɛ zi'an na, sɛkana en de Kiresta dima la sia la ti ya wum ti ka kini na la, ka pun diŋɛ bɔna tiŋa wa zuo mɛ.

2 Zã 1:7

Pumpã'ahum duma zo'e zo'e en wa'am tiŋa wa zuo na, sɛba en ka sakɛ ti Yezu Kiresta wa'am inganɛ puan na. Nɛre-ina daana dela pumpã'aha, la Kiresta dindaana la.

Azudi 1:18

Ba daa yele ya yeti, “Ba'ahegɔ saŋa, nɛre kɛhereba wan bɔna, dɔla ba mɛhi en ka zoti Yinɛ la kunkoma'ahum.”