1 Zã 2:17 - ZE'ELEGO PAALEGA

¹⁷ Tiŋa wa zuo la ka kɔrehi la ye' tɔla mɛ, gee sɛba en tuni Yinɛ suboolum wan bɔna wuuha.

Farefare Ninkaré

¹⁷ Dũnia, la bõn-sɛba wuu tɩ nẽrba yɛmleego boorɩ la tollɩ mɛ. La nẽr-sɛka n ɩtɩ Nawẽnnɛ n boorɩ se'em n wʋn bɔna wakatɛ n ka ba'asrɩ.

1 Zã 2:17 ပူးပေါင်းရင်းမြစ်များ

Amatie 21:31

Kɔma bayi' wa puan, ba ani n tum ba sɔ la puti'irɛ?” Ti ba yeti, “Yia daana la.” Ti Yezu yele ba yeti, “Yelemɛŋerɛ ti en yɛta ya wa, ti kubetɔ'ɔhereba la yalunduma la pun diŋɛ ya nɛŋa mɛ kɛ̃'ɛ̃ra Yinɛ sɔ'ɔlum la puan.

Amatie 24:35

Saazuo la tiŋa wa wan tole, gee mam yelefum wa kan malum tole.

Amatie 7:21

“Dagi se'em woo en yeen yi'ira mam ‘N Daana, N Daana,’ n wan kɛ̃ saazuo sɔ'ɔlum la puan, gee se'em n tuni mam Sɔ n boi saazuo ha la sumboolum.

Amarkɩ 3:35

Se'em woo n tuni Yinɛ sumboolum la, eŋa daana en de mam suuɔ, la mam ma.

Azã 4:14

Gee sɛba woo n nyu ko'sebo ti mam wan bo' ba la, ko'nyuuro kan le malum tara bamam duma. Gee ko'sebo ti mam wan bo' ba la, wan lebege la bulega ba puan bula vom ko'om yɛ'ɛha vom en kamba'ahɛ puan.”

Azã 6:58

Boroboro dina n ze'ele saazuo sige na, de ka ani wuu ya yaabeduma n yuum di boroboro gee kelum ki la. Gee fum se'em en boroboro dina wan vɔna wuuha.”

Azã 7:17

Se'em woo n maahum ti a tum Yinɛ sumboolum, wan baŋɛ nyaa pa'alegɔ kuna wa ze'ele la Yinɛ zi'an na bii, mam tɔgeri la n mɛŋa puti'irɛ.

Aromduma 12:2

Da dikɛ ya mɛhi naaɛ la tiŋa wa zuo yɛla, gee tugum malum sɛ ya mɛhi, ya puti'ira teere puan, la ya viihɛ baŋɛ sɛla en de Yinɛ sumboolum, la sɛla en ani suŋa, nara gee ba'ahɛ za'a.

1 Korẽntɩ 7:31

ti sɛba en tuni tiŋa wa zuo ana wuu ba ka tuni mɛ la. Se'ere en sɔi la, tinkana wa ba'aheri mɛ n bala.

Kolɔsɩ 1:9

Dina wa zuo, daan se'ere daarɛ ti tu wum dɛna wa la, tu ka go'e tu pu'uha bɔ'ɔra ya, gee suhera ti ya pirɛ la Yinɛ suboolum mi'ilum, la Sia puan yɛm woo, la bɔkerɛ woo,

Kolɔsɩ 4:12

Epafaras, en de ya ayima la, dɛna Kiresta [Yezu] da'aberɛ pu'uhi ya na. A mɛɛrɛ saŋa woo pu'uhegɔ puan ya zuo, ti ya wan ze'ele bi'ɛ suŋa, gee ka bu'ura ya suure puan la Yinɛ sumboolum en de se'em.

1 Tesaloniki 4:3

Ŋwana en de Yinɛ sumboolum, ti ya sukɛ ya mɛhi. Ya ayima ayima yehe ya mɛhi yaluntuuma puan.

1 Tesaloniki 5:18

bo'ori ya Yinɛ fara yelese'ere woo puan. Se'ere en sɔi la, Yinɛ sumboolum n bala bo' ya Yezu Kiresta puan.

Hiburuduma 10:36

Bala zuo, ya boti la ŋmibega, ti ya han ta tum Yinɛ sumboolum la ba'ahɛ, ya wan to'e nɔbiŋere la.

Yemesi 4:14

Gee ya pun ka mina sɛla ti beere wan tari na. Ya vom dela bem? Se'ere en sɔi la, ya dela mɛgelum en lu yee fii wa, gee mɛlum.

1 Pita 1:5

Yamam sɛba ti Yinɛ paŋa gu'ura ya doohe ya sakerɛ puan la, ya faarɛ la wan niiɛ ba'ahegɔ saŋa la na.

1 Pita 4:2

Bala yan vɔi vom dabeha sɛ'a en gee timpaberɛ wa zuo wa, da voni ya bu la asaala kunkɔma'ahum, gee Yinɛ suboolum vom.