1 Zã 2:15 - ZE'ELEGO PAALEGA

¹⁵ Da nɔŋɛ ya tiŋa wa zuo, bii yelesɛ'a en boi ka puan wa. Se'em han nɔŋɛ tiŋa wa zuo, Sɔ la nɔŋerɛ ka boi eŋa daana puan.

Farefare Ninkaré

¹⁵ Da nõŋɛ-ya dũnia, la bõn-sɛba n boe a pʋam na. Nẽra sãn nõŋɛ dũnia wã, Nawẽnnɛ n de tɩ Sɔ la nõŋlʋm ka boe la a dãana lɛ.

1 Zã 2:15 ပူးပေါင်းရင်းမြစ်များ

Amatie 4:8

Le yɛ'ɛha ti Sagena la tari Yezu ta zom zoore en wugɛ paaɛ paaɛ zuo, pa'alɛ en sɔ'ɔlum duma woo en boi timpaberɛ wa zuo, la ba suhɛ;

Amatie 6:24

“Nɛra kan ta'am tuna bɔ'ɔra kpɛ'ɛnduma bayi', se'ere en sɔi la, a wan ba'afum yaaɛ ayima gee nɔŋɛ ayima, bii a ba' tuna bɔ'ɔra ayima gee bahera ayima. Ya kan ta'am dɛna yameŋa bo' Yinɛ la lɔgerɔ buyina.

Aluki 16:13

Yameŋa ka boi wan ta'am tuna bɔ'ɔra kpɛ'ɛnduma bayi'. Yameŋa la wan ba'ahum yaaɛ ayima, gee nɔŋɛ ayima, bii a kaabɛ a mɛŋa bo' ayima, gee bahɛ ayima. Fum kan ta'am tuna bɔ'ɔra Yinɛ, gee tuna bɔ'ɔra ligeri.”

Azã 15:19

Ya han deni timpaberɛ wa zuo dinɛ, timpaberɛ wa zuo wan nɔŋɛ ya wuu a dinɛ la. Gee yan dagi timpaberɛ wa zuo dinɛ la, gee mam n looe ya yehe timpaberɛ wa puan la, bala zuo ti timpaberɛ wa zuo yaaɛ ya la.

Aromduma 12:2

Da dikɛ ya mɛhi naaɛ la tiŋa wa zuo yɛla, gee tugum malum sɛ ya mɛhi, ya puti'ira teere puan, la ya viihɛ baŋɛ sɛla en de Yinɛ sumboolum, la sɛla en ani suŋa, nara gee ba'ahɛ za'a.

Galatɩ 1:10

Nananawa, mam nyaa eere la saaleba sakɛ bo' mam yoi? Bii n eere la Yinɛ sakɛ bo' mam? Bii n tugum nyaa zigera ti n pee la saaleba puya? Mam han kelum dole ni la n pɛɛra saaleba puya, mam kan deni Kiresta yameŋa.

Efɛɛzɩ 2:2

ti ya yuum bɔna bu puan, dɔla timpaberɛ wa zuo yɛla la, dɔla se'em daana paŋa n boi kusebego wa puan la. Sɛsɛka n boi nananawa tuna la sɛba n ka nane Yinɛ nuurɛ la.

1 Timoti 6:10

Se'ere en sɔi la, ligeri nɔŋerɛ en de be'em woo nyɛgerɛ, ti ban mu'ɛ nini ti ba tara la zuo, basɛba zagehɛ sakerɛ la mɛ, lu' ba mɛhi la wuŋerɛ zo'e zo'e.

Yemesi 1:27

Pu'uhegɔ seko en de fa'a, ka tara galeŋɔ Yinɛ en de Sɔ la nɛŋan en ŋwana. Tu bihera kiibehi, la pokɔpa ba nimbu'ɔ puan, gee ka galena ya mɛhi la timpaberɛ wa zuo yɛla.

Yemesi 4:4

Bunyaalehi wa! Ya ka mi' ti ya nyɔgɛ zɔtɔ la timpaberɛ wa, dela ya dɛna dinduma la Yinɛ? Ŋwana zuo, fum se'em woo en boti fum dɛna timpaberɛ wa zuo zɔ, lebege la Yinɛ dima.

1 Zã 3:17

Yinɛ nɔŋerɛ boi se'em daana en tari tiŋa wa lɔgerɔ la ŋwani gee nyɛ a suuɔ en boti suŋɛ, gee kɔ'ɔm kãbɛ suure zagehɛ ti a suŋɛ en.

1 Zã 4:5

Ba ze'ele la tiŋa wa zuo na, bala la, ban yeti sɛla dela tiŋa wa zuo yɛla, ti tiŋa wa zuo me kɛleha ba.

1 Zã 5:10

Se'em woo en nam Yinɛ Dayua la dela aze' nyɛ daana a mɛŋa suure puan. Se'em woo en ka nam bo' Yinɛ, iŋɛ Yinɛ ti a dɛna la pumparema, la ban ka nam yelesɛ'a ti Yinɛ tɔgɛ doohe a Dayua la.