1 Zã 1:3 - ZE'ELEGO PAALEGA

³ Le yɛ'ɛha tumam muuli la sɛla ti tu nyɛ gee wum bɔ'ɔra ya, ti yamam me bɔna la tɔ kankaŋi, gee yelemɛŋerɛ, tu boi mɛ la Yinɛ en de Sɔ la, la a Dayua Yezu Kiresta la kankaŋi.

Farefare Ninkaré

³ Sɛla tɩ tõma yẽ dee wõm na, tõma tɔgrɩ la ẽŋa bɔ'ɔra yãma, tɩ yãma wʋn lagɩm na tõma, mẽ naagɛ la tõma tara lagɩmtaarɛ la tɩ Sɔ Nawẽnnɛ, la a Dayʋa Azezi-krisi.

1 Zã 1:3 ပူးပေါင်းရင်းမြစ်များ

Azã 17:11

Nananawa, mam kan le bɔna timpaberɛ wa zuo, gee bamam kelum bɔna la ka puan. Gee ti mam yɛ'ɛha fum zi'an na. N Sɔ Fa'a daana, gura ba fum yu'urɛ se'ere ti fum dikɛ bo' mam la puan, ti ba dɛna buyina wuu tumam n de buyina se'em la.

Azã 17:21

Ba za'a me dɛna buyina, wuu fum Sɔ wa n boi la mam se'em la, ti mam me bɔna la fum se'em la, bamam me bɔna la tu bala mɛa, ti timpaberɛ wa zuo nɛreba nam ti fum n tum mam na.

Azã 17:25

“N Sɔ tuntɔɔdaana, timpaberɛ wa zuo nɛreba ka mi' hɔ, gee mam mi' hɔ. Bana me mi' ti fum n tum mam na.

Azã 17:3

Ŋwana n de vomkanba'ahɛ la, ti saaleba baŋɛ fum, fum se'em n de yelemɛŋerɛ Yinɛ wa ma'a, gee me baŋɛ Yezu Kiresta, se'em ti fum tum na la.

Azã 19:35

Se'em daana n daa ze' bini gee nyɛ ti yele ana wa iŋɛ la n bala n yeti hɔ, ti fum nam. En yeti se'ere la dela asira. A mi' ti a yeti la yelemɛŋerɛ.

Tõoma 13:32

Tumam tari la yelesuma la wa'am na, ti sɛla ti Yinɛ yuum biŋe a nuurɛ la tu yaabeduma la,

Tõoma 13:41

‘Bihɛ ya, Yamam sɛba duma n ka dikɛ Yinɛ yelehum yi' sɛla wa, Bahɛ ti la iŋɛ ya pakerɛ ti ya bahɛ yoo, se'ere n sɔi la, mam tuni mɛ ya vom dabeha wa puan. N tuni la tuunsɛ'a ti ya kan malum sakɛ, nɛra han pun yele ya.’ ”

Tõoma 2:42

Ti nɛrebana wa kaabɛ ba mɛhi bo' tuntuneba pa'alegɔ la, la lageŋɔ la taaba, lagum ɔbera boroboro, la pu'uhegɔ.

Tõoma 20:27

se'ere n sɔi la, mam daa ka zagehɛ ti n yele la ninmu'urɛ, Yinɛ puti'irɛ za'a n de se'ere.

Tõoma 4:20

Se'ere n sɔi la, tumam kan nyaŋɛ mum tu nɔya kan tɔgɛ sɛla ti tu nini nyɛ, ti tu tuba wum.”

Aromduma 15:27

Ba puurɛ pee mɛ ti ba tum dina wa. Yelemɛŋerɛ bamam mɛhi la tari la ba sanɛ. Se'ere en sɔi la, Yuuduma la han tɔrɛ ba sia puan maalegɔ bo' sɛba en dagi Yuda buuri la, bamam me dela ba tum inganɛ puan lɔgerɔ maalegɔ tuunɛ me bo' ba.

1 Korẽntɩ 1:30

Yinɛ en de ya vom nyɛgerɛ, Kiresta Yezu puan, se'em en de tu yɛm, ze'ele Yinɛ zi'an na, dɛna tuuntɔɔ la, se'em en sokere la, la ayɔto'e daana la,

1 Korẽntɩ 1:9

Yinɛ dela yelemɛŋerɛ daana. Eŋa puan ti ba yi' ya ti ya tara Lageŋɔ la a Dayua Yezu Kiresta en de tu Daana la.

1 Korẽntɩ 15:1

Nananawa n wan tiɛ ya n suurɔ, faarɛ yelehum la ti n muulɛ bo' ya la, sɛ'a ti ya to'e, gee sɛ zɛ'a a puan la,

2 Korẽntɩ 13:14

Tu Daana Yezu Kiresta zu'uhegɔ, Yinɛ nɔŋelum, Fa'a Sia suunuurɛ bɔna la ya za'a.

Efɛɛzɩ 3:6

De vuurɛ dela, sɛba n dagi Yuuduma wa nyaa lagum dɛna la sɛba en tari tɔtɛ, lagum dɛna iŋa kayima la nɛresɛba n wan lagum to'e nɔbiŋere lɔkɔ la Kiresta Yezu puan, faarɛ yelehum la zuo.

Filipi 1:7

La dela ma'a bo' mam ti n ti'iha ya za'a yele ŋwana, beni zuo, ya tari mam mɛ ya suya puan, la yamam za'a en lagum tɔrɛ Yinɛ zu'uhegɔ la mɛ la mam, n paka wa puan, la mam en ka sakerɛ faarɛ yelehum wa zuo, gee sɛɛra bɔ zɛ'ɛta se'em la.

Filipi 2:1

Han dɛna ti kpemehego seko boi Kiresta puan, ti subugehum en ze'eti nɔŋerɛ puan na bɔna, han dɛna ti Fa'a Sia la puan lageŋɔ boi, han dɛna ti nimbɔ'zɔrɛ la taaba boi, ti taaba giile tarega bɔna,

Filipi 3:10

Mam boti n baŋɛ Kiresta mɛ, la a vo'ore paŋa la, la n lagum namehɛ a namehegɔ la, doohe la n ana wuu en, a kum la puan,

Kolɔsɩ 1:13

Yinɛ faaɛ tu mɛ yehe lika paŋa puan bahɛ, gee tee dikɛ tu ki'ihɛ a Dayɔba'arɛ sɔ'ɔlum la puan,

1 Tesaloniki 1:10

gee gura a Dayua la en wan ze'ele saazuo na la, se'em ti a ihege en kum puan la. Yezu, se'em en faaɛ tɔ Yinɛ sunsunyiim sebo en kini na la.

1 Timoti 6:2

Sɛba kpɛ'ɛnduma en de sakereba la, ba da zɛɛna ba, se'ere zuo, ba dela lageŋɔ la puan nɛreba. Gee ba tugum tuna suŋa suŋa bɔ'ɔra ba, se'ere en sɔi la, sɛba en diti ba tuuma la nyuurɔ dela sakereba, en de ba suurɔ ti ba nɔŋɛ. Pa'ala gee ka'ana ba yele ana wa la ninmu'urɛ.

Hiburuduma 2:12

bala ti a yeti, “Mam wan muulɛ fum yu'urɛ bo' n suurɔ la, “Lageŋɔ la puan, mam wan pɛgɛ hɔ.”

Hiburuduma 3:1

Bala zuo n suurɔ, n tuulum nɛre tadaanduma Yinɛ saazuo yi'a wa puan wa, bihɛ ya suŋa suŋa Yezu en de tuntuna, gee dɛna malema kiima bo' tumam sakerɛ yelehum la wa la,

Hiburuduma 3:14

Se'ere en sɔi la, tumam nyaa dela taaba la Kiresta, tu han gurɛ tu yia sakerɛ la kankaŋi ta paaɛ ba'ahegɔ.

1 Pita 5:1

Nananawa, mam mɛŋa en de kiima, gee dɛna aze'nyɛ daana bo' Kiresta namehegɔ la, gee me dɛna se'em en wan ta nyɛ tɔtɛ suŋa la en wan ta niiɛ na la puan. Mam kpemehe kiinduma en boi ya puan la

2 Pita 1:16

Tumam ka yeen kɔ'ɔm dɔla la pumpɔreŋɔ kãra sɔlema, tumam en bahɛ ti ya baŋɛ tu Daana Yezu Kiresta paŋa, la a lɛbega na la, gee tumam dela aze'nyɛduma bo' a pankãtɛ la.

1 Zã 1:1

Tumam muuli la se'em en daa pun bɔna pi'ileŋen ha yele, se'em yele ti tumam wum, se'em ti tumam nyɛ la tu nini, se'em ti tu bihɛ, gee gurɛ en la tu nu'uhi. Yelemɛŋerɛ, eŋa en de vom yelehum la.

1 Zã 1:5

Sɔɔleŋa sɛka ti tumam wum a zi'an n ŋwana ti tu muula bɔ'ɔra ya wa ti, Yinɛ dela niihum, ti a puan, lika ka boi la fii wa me.

1 Zã 1:7

Gee tu han vɔna niihum la kankaŋi, wuu eŋa mɛŋa en boi niihum puan se'em la, tu wan bɔna taaba kankaŋi, ti a Dayua Yezu ziim la pɛɛra tɔ, tuure woo puan bahera.