1 Timoti 6:14 - ZE'ELEGO PAALEGA

¹⁴ ti fum tara ze'elego la, ti dɛkɔ bii zɛregerɛ da bɔna bini ta paaɛ Yezu Kiresta lɛbega na,

Farefare Ninkaré

¹⁴ yetɩ fʋ sakɛ pa'algɔ tɩ fʋ to'oge la, gʋrɛ ba sõŋa la pʋpeelem, tɩ dõrga kana, halɩ ka paagɛ tɩ Zuudãana Azezi-krisi lemŋo.

1 Timoti 6:14 ပူးပေါင်းရင်းမြစ်များ

1 Korẽntɩ 1:8

A me wan sɛ ya ze'ele suŋa suŋa ta paaɛ ba'ahegɔ, ti ya kan tara gbelegere, tu Daana Yezu Kiresta dabeherɛ la puan.

Efɛɛzɩ 5:27

wuu n boti a dikɛ lageŋɔ la, la ku suŋa la bo' a mɛŋa, ti sɛla da ti'ɛ, bii lirum, bii sɛla kalum kɔ la. Ɛ̃ɛ, ŋwana ti lageŋɔ la wan dɛna tuulum lɔkɔ ka tara dɛkɔ.

Filipi 1:10

ti la suŋɛ ya, ti ya zamehɛ mina sɛla en ani suŋa gana za'a, bala ti Kiresta lɛbega dabeherɛ na la, ya wan dɛna Yinɛ tuulum nɛreba, ka tara dɛkɔ.

Filipi 1:6

Bala, mam tari sakerɛ la yele dina wa puan yeti, se'em daana en pi'ilum tunsunɛ dina wa ya puan la, wan tari dɛ bala ta ba'ahɛ, Yezu Kiresta lɛbega dabeherɛ la puan.

Filipi 2:15

bala ti ya kan tari gbelegere la taalɛ, ya wan dɛna Yinɛ kɔma en ka tari dɛkɔ nɛre ŋmɛlema, la fãareba buuri saŋa nɛreba wa tiŋasuka. Niiri ya ba puan timpaberɛ wa zuo wuu ya dela bugum la.

Kolɔsɩ 1:22

e a nyaa dikɛ ya naaɛ mɛ, doohe amɛŋa saala ingɔŋɔ kum la puan, ti a bahɛ ti tu dɛna tuulum nɛreba, ka tara dɛkɔ bii geere a nɛŋan,

Kolɔsɩ 4:17

Gee me yele Akipus yeti, “Bihɛ suŋa la fum ba'ahɛ tuunse'ere ti fum to'e Daana zi'an la.”

1 Tesaloniki 3:13

A wan kpemehe ya suya la Yinɛ tuulum vom puan, ti ya ka tara tuure tu Yinɛ, la tu Sɔ la nɛŋan, tu Daana Yezu, la a nɛresunduma la kinɛ puan na.

1 Tesaloniki 5:23

Suma'ahum Yinɛ la mɛŋa wan sukɛ ya za'a za'a. Ya sia za'a, la ya puti'irɛ za'a, la ya iŋa za'a, la ya inma'ahum za'a, maahum ya biŋe gura tu Daana Yezu Kiresta kinɛ na.

2 Tesaloniki 2:1

Gee han dɛna tu Daana Yezu Kiresta kinɛ na la, la tumam n wan ta lagehɛ taaba bɔna la en la, tu beleni ya mɛ, tu suurɔ,

2 Tesaloniki 2:8

Bala ma'a ti se'em daana en ka kihi yele wa nyaa wan niiɛ a mɛŋa na, se'em ti Daana Yezu wan sagum en la a nuurɛ sabeeo, diihe en vi doohe a lɛbega la puan na.

1 Timoti 6:20

Timoti, gura sɛla en dikɛ iŋɛ fum puan la suŋa. Zagehɛ yetɔge yooro, la zaba nɔkpɛ'ɛma, la sɛla ti ba parum yi'ira mi'ilum la.

2 Timoti 4:1

Yinɛ, la Kiresta Yezu nɛŋan, se'em en wan gakɛ vɔpa la ki'induma la, la a lɛbega na, la a sɔ'ɔlum la zuo, n kageri fum mɛ la ninmu'urɛ.

Taitusi 2:13

tumam n guri beere putɛ'sunɛ wa, la Yinɛ kãtɛ wa, la tu Faara Yezu Kiresta niirɛ na la na'ahegɔ la.

Hiburuduma 9:14

Ŋwani ti Kiresta ziim la kan tum gaŋɛ bala zo'e zo'e se'em en doohe Sia sɛka en ka tari ba'ahegɔ la puan, kaabɛ a mɛŋa fa'a kaabegɔ bo' Yinɛ la. Ziim buna wan sirum pee tu puti'ira yehe kum tuuma puan, tari tu lebe ti tu na'aha Yinɛ Vɔa wa!

Hiburuduma 9:28

bala mɛa ti Kiresta, en kaabɛ a mɛŋa buyina bo' nɛreba zo'e zo'e be'em la ba'ahɛ, a wan le niiɛ na buyi' puan na, dagi a le zabɛ la be'em, gee a faaɛ sɛba en ani kɛli gura en la.

1 Pita 1:19

gee Kiresta tuulum ziim en ani wuu kaabegɔ pebila en ka bɛ̃' bii tara dɛkɔ se'em la.

1 Pita 1:7

ti ya yelemɛŋerɛ sakerɛ la en tari tibehum gana salema, sakerɛ wa en tari tibehum gana salema wa, en pun tana Sagena la, gee ba wan kelum magehɛ bu la bugum bihɛ, bala mɛa ti ba wan magehɛ ya sakerɛ la bihɛ, gee de wan tara pɛka la suŋa, la na'ahegɔ, Yezu Kiresta han ta niiɛ na.

2 Pita 2:21

La ani ni suŋa bo' ba, ti ba pun da baŋɛ ni tuuntɔɔ sore la, nyana ban baŋɛ dɛ gee biri ba poore bahɛ fa'a ze'elego la ti ba yuum dikɛ bo' ba la.

2 Pita 3:14

Bala, n sunɔŋerɛ duma wa, yan guri yele ana wa la, zigɛ ya mɛ ti ya nyɛ en la suma'ahum, ti dɛkɔ ka lama ya, bii tuure,

2 Pita 3:2

ti ya tɛra yelehum la en tɔgɛ bo' ya yuuman yuuman ha doohe tuulum nɔtɔgeheba la puan la, la nɔsɛ'a ti tu Daana, la tu Faara la tɔgɛ doohe a tuntuneba puan la.

1 Zã 3:2

N sunɔŋerɛ duma wa, tu dela Yinɛ kɔma nananawa. Tumam n wan ta ana se'em nan ka niiɛ. Tumam n mi' sɛla dela dina wa, Kiresta han ta niiɛ na, tu wan ana wuu en la, tu wan nyɛ en wuu en ani se'em la.

Azudi 1:24

Nananawa, se'em Daana en wan ta'am tara ya ti ya kan lu la, gee me iŋɛ ya ti ya zɛ'a filam ti dɛkɔ ka lama ya ya Daana la suŋa la nɛŋan, la nyɛɛma.

Lilegere 1:7

Bihɛ ya! Eŋa en bala bɔna sagbama puan kina na la. Niho woo wan nyɛ en pun ta ta' sɛba en daa lu' en la. Eŋa en kinɛ na la zuo, buuri woo en boi timpaberɛ wa zuo wan kele. Lan yeti la ana se'em en bala. Taari.