1 Timoti 6:13 - ZE'ELEGO PAALEGA

¹³ Yinɛ nɛŋan, se'em en bo'ori sɛla woo vom la, la Kiresta Yezu, se'em en yuum tɔgɛ dinɛ n de se'em Pɔntiyɔsi Palete nɛŋan, gee purɛ yelemɛŋerɛ purega la nɛŋan, ti n bɔ'ɔra hɔ nuurɛ wa,

Farefare Ninkaré

¹³ Mam yetɩ fo Nawẽnnɛ n bɔ'ɔrɩ sɛla woo vɔm nẽŋam, la Azezi-krisi n daan tɔgɛ sɩra kaseto Apõnsɩ-pilatɩ nẽŋam na,

1 Timoti 6:13 ပူးပေါင်းရင်းမြစ်များ

Amatie 27:11

Ti Yezu zɛ'a timbihega nɛŋadaana la nɛŋan, ti a sɔkera en yeti, “Fum en de Yuuduma naba la?” Ti Yezu lerege en yeti, “Fum yele la bala wa.”

Amatie 27:2

Ti ba ba' en, tari en kiŋɛ ta bo' timbihega nɛŋadaana Palete.

Azã 14:6

Ti Yezu yele en yeti, “Mam n de sore la, la yelemɛŋerɛ la, la nyɔvore la. Se'em kan ta'am paaɛ Sɔ la zi'an, han dagena a doohe la mam puan.

Azã 19:11

Ti Yezu lerege en yeti, “Fum kan ta'am iŋɛ mam sɛla, han dagena saazuo ha n bo' fum sore. Bala, se'em daana n dikɛ mam iŋɛ fum nu'uhen la, tum la be'em kãtɛ.”

Azã 5:21

La dela asira ti, wuu Sɔ la n ihigere kum bɔ'ɔra ba vom se'em la, bala mɛa ti Dayua la me bɔ'ɔra nɛreba vom en boti se'em.

Azã 5:26

Wuu sɔ la mɛŋa n tari vom a puan se'em la, bala mɛa ti a bo' Dayua la me sore ti a tara vom a puan,

Tõoma 17:25

Bii nɛreba tuna bɔ'ɔra en wuu a boti la sɛla, se'ere n sɔi la, eŋa en bo'ori saala woo vom, la sɛla woo vo'ohum.

2 Korẽntɩ 9:13

Doohe la tumam en makɛ ya bihɛ la tuun-dina wa taaba la, ya bo' Yinɛ yu'urɛ pɛka mɛ la yan nam gee sakɛ bo' Yezu faarɛ yelehum la se'em la, la ya pupeelum tɔrega la ti ya tɔrɛ la ba, la basɛba me se'em la.

Galatɩ 3:26

Se'ere en sɔi la, Yezu Kiresta puan, ya za'a dela Yinɛ kɔma doohe sakerɛ puan.

1 Timoti 1:12

Mam puurɛ pee mɛ la Kiresta Yezu tu Daana, se'em en bo' mam paŋa, beni zuo, a bihɛ nyɛ ti n nari mɛ, ti a looe mam ti n tuna bɔ'ɔra en,

1 Timoti 1:15

Yetɔge buna wa dela yelemɛŋerɛ, dɛna tu to'e bu nu'uhi siyi, ti Kiresta Yezu wa'am tiŋa wa zuo na ti a faaɛ la be'em duma, sɛba ti mam be'em gana ba za'a.

1 Timoti 2:5

Se'ere en sɔi la, Yinɛ dela deyina, nupu'ŋmɛ'ɛra me dela ayima, Yinɛ la saaleba tiŋasuka Ena daana la Kiresta Yezu, se'em en wa'am na dɛna asaala a mɛŋa la,

1 Timoti 5:21

Yinɛ nɛŋan, la Kiresta Yezu nɛŋan, la suŋereba sɛba ti ba looe la nɛŋan, n ka'ani fum mɛ la ninmu'urɛ ti fum to'e yele ana wa za'a, da kɛ̃'ɛ̃ra se'em, ti lugehego da bɔna bini.

1 Timoti 6:12

Zabɛ sakerɛ zabesunɛ la, gurɛ vom kamba'ahɛ la, se'ere zuo ti ba yi' fum la, la se'ere ti fum purɛ yelemɛŋerɛ purega la nɛreba zo'e zo'e nɛŋan la.

Lilegere 1:5

la Yezu Kiresta en de yelemɛŋerɛ aze'nyɛ daana la, dɛna ki'induma bikiima la, dɛna timpaberɛ wa zuo naduma naba la. Eŋa se'em en nɔŋɛ tɔ, gee faaɛ tɔ tu be'em puan bahɛ, la a mɛŋa ziim la,

Lilegere 21:6

Ti a nyaa yele mam yeti, “La tum ya. Mam en de Alifa, la Omega, Pi'ileŋo, la Ba'ahegɔ. Sɛba ti ko'nyuuro tara ba, n wan bo' ba ko'om ti la dɛna bo'olum, ze'ele vom ko'om kulaa la puan na.

Lilegere 22:1

Ti suŋera wa pa'alɛ mam kulaa sɛka en tari vom ko'om la, ti ka nyagera, ana yilaam, ze'ele Yinɛ, la Pebila la na'am kuka kãtɛ la puan zɔta na,

Lilegere 3:14

“Suŋera se'em en boi Laodisiya tiŋa lageŋɔ la puan la ti n guleha bɔ'ɔra. Yetɔgebuna ze'ele la se'em en de “Amɛn” la zi'an na. Sakerɛ la yelemɛŋerɛ aze'nyɛ Daana la, se'em en de Yinɛ naaŋɔ la za'a pi'ileŋo daana la zi'an na.