1 Tesaloniki 5:6 - ZE'ELEGO PAALEGA

⁶ Bala, da bahɛ ya ti tu gihere ya wuu basɛba n iti se'em la, gee bahɛ ya ti tu piga, gee tara tu mɛhi suŋa.

Farefare Ninkaré

⁶ Bɛla, tɩ da gĩsra-ya wʋ nẽrba basɛba la, tɩ nẽegɛ-ya mãasʋm tara tɩ mẽŋa sõŋa.

1 Tesaloniki 5:6 ပူးပေါင်းရင်းမြစ်များ

Amatie 13:25

Gee yu'uŋɔ ti nɛrawoo ta giha la, ti dindaana kiŋɛ ta lobege mɔyileŋo pa'ahɛ ki la puan gee kiŋɛ.

Amatie 24:42

Bala zuo da gihere ya, se'ere en sɔi la, ya ka mi' daan se'ere ti ya Daana la lɛbera na.

Amatie 25:13

Bala la, Da giha ya, se'ere en sɔi la, ya ka mi' dabeherɛ la bii saŋa la.

Amatie 25:5

Pɔgedita la en ta yuura la, ba za'a zɔgeri mɛ ta gihi.

Amatie 26:38

Ti a yele ba yeti, “Mam suure n ba' sagum ti la ana wuu n yeti n ki mɛ la kum. Boi ni ya ka'lam, da biha ya.”

Amarkɩ 13:37

Mam yeti ya se'ere wa bala mɛa ti n yɛta bɔ'ɔra nɛra woo, Biheri ya.”

Aluki 12:37

Sum wan bɔna la da'aba se'ehi ti ba kpɛ'ɛma paaɛ na nyɛ ba ti ba kɔ'ɔm maahum mɛ zɛ'a. Yelemɛŋerɛ ti n yɛta ya wa, ti kpɛ'ɛma la wan lu' a sɛganɛ, gee bahɛ ti a da'aba la tee zi'a, dɛla taaba ti a wa'am na tuta ba ti ba dita.

Aluki 12:39

“Gee mini ya dina wa, ti yidaana han mina gogo kaareŋa sɛka puan ti nageyiga wan wa'am a yire na, a kan bahɛ ti a kɔ' kɛ̃ a yire la puan.

Aluki 21:36

Bala, maahum ya ya mɛhi saŋa woo, Pu'uheri ya ti ya wan tara paŋa nyaŋɛ piiɛ yele ana wa woo n wan iŋɛ la, gee ta'am ze'ele Asaala Dayua la nɛŋan.”

Aluki 22:46

Ti a yele ba yeti, “Ŋwani ti ya giha? Ihege ya la ya pu'uhɛ ti pã'ahebe'o saŋa la da nyaŋɛ ya.”

Tõoma 20:31

Bala zuo la, ani ya wire, gee tɛra ti yuuma atã ti mam ka go'e n tɔgera bɔ'ɔra ya yu'uŋɔ la wuntɛɛŋa, ka'ana ya ayima ayima la ninmu'urɛ la nintam.

1 Korẽntɩ 15:34

Sigehe ya mɛhi, gee nyɛ putɛ'sunɛ, la ya da le tum be'em. Se'ere en sɔi la, nɛreba basɛba ka mi' Yinɛ. N yeti dɛna wa ti la dɛna la vi bo' ya.

1 Korẽntɩ 16:13

Biheri ya suŋa, ze' ya kankaŋi ya sakerɛ la puan, kpemehe ya ya mɛhi, gee kpe'em.

Efɛɛzɩ 2:3

Tu za'a yuum nan vɔi mɛ la ba, dɔla tu inganɛ kɔrɛ, la tu mɛhi puti'ira. Tu yuum dela nɛresɛba ti Yinɛ sunsunyiim dɔla tɔ, wuu kɔma woo en ani se'em la.

Efɛɛzɩ 5:14

Se'ere en sɔi la, sɛla woo n ka sugɛ dela niihum n niiɛ bahɛ la zuo. Bala ti la gulehɛ yeti, “Gɔgihera wa, ihege! Ihege kum la puan, ti Kiresta niiɛ bahɛ fum zuo.”

Efɛɛzɩ 6:18

Bala pu'uheri ya Sia la puan saŋa woo, ya pu'uhegɔ la ya suhega woo puan. Ti ba'ahegɔ puan, da ga' ya gihera gee sɔheri ya saŋa woo bɔ'ɔra nɛresunduma la za'a.

Filipi 4:5

Bahɛ ya ti ya sigehe n mɛŋa la niiɛ bo' nɛra woo. Daana la pɔri na.

Kolɔsɩ 4:2

Boni ya pu'uhegɔ puan saŋa woo gurɛ yan pu'uheri se'ere zuo la ya suya puan suŋa suŋa la fara bu'a.

1 Tesaloniki 4:13

Gee tu ka boti ya bɔna aliko n suurɔ, doohe sɛba en ki la yele, ti ya suya da ba' sagum wuu sɛba en ka tara beere puti'irɛ la.

1 Tesaloniki 5:10

se'em en ki bo' tu, ti tu pige woo, tu gihi woo, tu ta'am vɔna la en.

1 Tesaloniki 5:8

Gee tumam en de beyiine kɔma la, bahɛ ya ti tu tara tu mɛhi suŋa, gee yɛ sakerɛ la nɔŋerɛ ti la dɛna tu nyu'ɔ tɛ'ɛlega, Gee han dɛna tu zuo wanɛ, tu vuge faarɛ en de tu beere puti'irɛ la.

1 Timoti 2:15

Gee la bala za'a, a wan nyɛ faarɛ doohe kɔma dɔgum puan, ba han kelum bɔna sakerɛ, nɔŋerɛ, tuuntɔɔ vom, la narehum.

1 Timoti 2:9

Bala mɛa ti pɔgehi la me dɛna ba yɛɛra lɔgerɔ seto en nari, makɛ ba suŋa, dɛna futo en ani suŋa. Dagi zuto pã'aŋɔ nyalema nyalema, bii salema lɔgerɔ, bii peranini, bii futo da'a en ba' kpe'em, gee sɛla en tari tibehum gani bala dela,

1 Timoti 3:11

Pɔgehi me dela ba tara ninmu'urɛ, ba da Sagena nɛreba yu'ura gee ba ana ma'ma', ba dɛna yelemɛŋerɛ nɛreba sɛla woo puan.

1 Timoti 3:2

Bala, Yinɛ Lageŋɔ nɛŋa daana dela a zɔɛ tuurɛ, a dɛna pɔge yiŋa daana, a ana ma'ma', a tara puti'irɛ, a tara zuo, a tɔ'ɔha nɛreba, a tana pa'ala,

2 Timoti 4:5

La han dɛna fum, saŋa woo ta'na fum mɛŋa tara suŋa, ŋmibera namehegɔ puan, tuna ayehemuulɛ daana tuuma, tum fum tuunɛ ba'ahɛ suŋa suŋa.

Taitusi 2:12

pa'ala tɔ ti tu bahɛ be'em woo, la tiŋa wa zuo nyɛlum yooro, la saŋa kana wa, tu vɔna vom sebo en de fum tana n mɛŋa tara, tuntɔɔnɛ la Yinɛ zoolum,

Taitusi 2:6

Bala mɛa, pa'alɛ bura paalehi la ti ba nyɔkera ba mɛhi.

1 Pita 1:13

Ŋwana zuo, maahum ya puti'ira ti ya tum. Tana ya mɛhi tara. Bahɛ ya ti ya puti'ira za'a bɔna zu'uhegɔ seko ti Yezu Kiresta wan tari na bo' ya, a han ta niiɛ na la puan.

1 Pita 4:7

Sɛla woo ba'ahegɔ pɔri mɛ. Bala, mu'ɛ ya nini, gee ta'na ya mɛhi tara suŋa, ya pu'uhegɔ zuo.

1 Pita 5:8

Tana ya mɛhi tara, gee me maahum. Gee ya dindaana la en de Sagena la kɔ'ɔm mu'ɛ la nini nyaara wuu gbigenɛ la, ɛɛra nɛra ti a obe.

Lilegere 16:15

(“Bihɛ ya, n ye' me na wuu nageyiga la! Sum wan bɔna la fum se'em en maahum, yɛ fum lɔgerɔ ka ɛɛra beele ta diihe fum mɛŋa nyanɛ.”)

Lilegere 3:2

Niiɛ ya, la ya kpemehe sɛla en gee, gee me yɛ'a kum la. Se'ere en sɔi la, mam ka nyɛ ya tuuma la ti a tigɛ Yinɛ ninin.