1 Tesaloniki 4:3 - ZE'ELEGO PAALEGA

³ Ŋwana en de Yinɛ sumboolum, ti ya sukɛ ya mɛhi. Ya ayima ayima yehe ya mɛhi yaluntuuma puan.

Farefare Ninkaré

³ Nawẽnnɛ n boorɩ tɩ ya ãna se'em n wãna: Welge-ya to'ore dɛna pʋpeelem dõma, dee yõkɛ ya mẽŋa da tõnna yalsɩ tõoma.

1 Tesaloniki 4:3 ပူးပေါင်းရင်းမြစ်များ

Amatie 12:50

Se'ere en sɔi la, se'em woo en tuni mam sɔ n boi saazuo ha sumboolum, nɛre eŋa en de mam suuɔ, mam taya, la mam ma.”

Amatie 15:19

Se'ere en sɔi la, suure la puan ti be'em ti'ihegɔ, nɛrekua, kabohi, yaluntuuma, nageyigum, aze' nyɛ daana pumparema, nɛreba tua zɛ'ɛta na.

Amatie 5:32

Gee mam yeti ya yeti, se'em woo en bahɛ a pɔga han dagena ka tum la kabohi; a bahɛ ti pɔge kaŋa galum mɛ; ti se'em woo en di pɔka ti ba bahɛ ka tum la kabohi la pɔge kana.

Amatie 7:21

“Dagi se'em woo en yeen yi'ira mam ‘N Daana, N Daana,’ n wan kɛ̃ saazuo sɔ'ɔlum la puan, gee se'em n tuni mam Sɔ n boi saazuo ha la sumboolum.

Amarkɩ 3:35

Se'em woo n tuni Yinɛ sumboolum la, eŋa daana en de mam suuɔ, la mam ma.

Azã 4:34

Ti Yezu lerege ba yeti, “Mam dia dela n tuna se'em n tum mam na la sumboolum, la n ba'ahɛ a tuunɛ la.”

Azã 7:17

Se'em woo n maahum ti a tum Yinɛ sumboolum, wan baŋɛ nyaa pa'alegɔ kuna wa ze'ele la Yinɛ zi'an na bii, mam tɔgeri la n mɛŋa puti'irɛ.

Tõoma 15:20

Gee tu tugum gulehɛ bo' ba yeti, ba yehe ba mɛhi baga dia puan, la yaluntuuma, la sɛla woo ti ba kigɛ ku, la ba da dita ziim.

Tõoma 15:29

Ya da dita sɛla woo n dikɛ kaabɛ bo' bagerɛ, ya da dita ziim, bii sɛla ti ba kigɛ ku gee yehe ya mɛhi yaluntuuma puan. Ya han dɔla ŋwana, la ba'ahɛ mɛ, Yinɛ suŋɛ ya.”

Tõoma 20:32

Gee nananawa, mam dikɛ ya ita la Yinɛ nu'uhen la a zu'uhegɔ yelehum la puan. Yelehum sebo n wan ta'am mɛ ya ze'ele, gee bo' ya tɔtɛ la sɛba n pee ba mɛhi la.

Tõoma 26:18

ti fum pikɛ ba nini ti ba ta'am ŋmɛregɛ lika la puan lebe niihum la puan na, ba yehe Sagena la bobere la puan wa'am Yinɛ ze'a na, la ba to'e ba be'em sugeri, gee me lagum pa'ahɛ sɛba n pee ba mɛhi doohe ban tari sakerɛ bo' mam se'em la.’

Aromduma 1:29

Ba kɔ'ɔm pirɛ mɛ la tuunfi'iha yima yima, be'em, fãa, ti'iha be'em bɔ'ɔra nɛreba. Pirɛ la nintɛrega, kua, zaba, pã'ahegɔ, sɔtuuma, ba dela yelebibehi duma,

Aromduma 12:2

Da dikɛ ya mɛhi naaɛ la tiŋa wa zuo yɛla, gee tugum malum sɛ ya mɛhi, ya puti'ira teere puan, la ya viihɛ baŋɛ sɛla en de Yinɛ sumboolum, la sɛla en ani suŋa, nara gee ba'ahɛ za'a.

Aromduma 6:22

Gee nananawa ti ba nyaa faaɛ ya be'em puan bahɛ fai, gee ti ya dɛna Yinɛ da'aberɛ wa, sum sebo ti ya nyɛ dela sakerɛ. Ti de ba'ahegɔ dɛna la vom kamba'ahɛ.

1 Korẽntɩ 1:30

Yinɛ en de ya vom nyɛgerɛ, Kiresta Yezu puan, se'em en de tu yɛm, ze'ele Yinɛ zi'an na, dɛna tuuntɔɔ la, se'em en sokere la, la ayɔto'e daana la,

1 Korẽntɩ 7:2

Gee yaluntuuma la zuo, buraa woo di a suure pɔga, ti pɔka woo me ele ka suure sira.

2 Korẽntɩ 12:21

Dabeem n tari mam ti, n han le wa'am na, mam Yinɛ wa wan bahɛ ti nimbu'ɔ nyɔkɛ mam, ti n kele nintama'aha bo' sɛba zo'e zo'e en daa tum be'em gee ka tee ba dɛgerɔ, ba yaalegɔ la ba nyanɛ tuuma la ti ba ni pun tuna la puan la.

Galatɩ 5:19

Ingɔŋɔ tuuma la ka sugɛ. Ba dela, yaalegɔ, dɛgerɔ, inganɛ kɔrɛ,

Efɛɛzɩ 5:17

Bala, da deni ya geto gee tugum bɔkeri ya Daana la sumboolum n de se'em.

Efɛɛzɩ 6:6

Da iti ya ŋwana ba nɛŋan ma'a ti ya yeen pee ba suure, gee ya dela Kiresta yamehi, tuna Yinɛ sumboolum la ya suya za'a za'a.

Kolɔsɩ 1:9

Dina wa zuo, daan se'ere daarɛ ti tu wum dɛna wa la, tu ka go'e tu pu'uha bɔ'ɔra ya, gee suhera ti ya pirɛ la Yinɛ suboolum mi'ilum, la Sia puan yɛm woo, la bɔkerɛ woo,

Kolɔsɩ 3:5

Bala zuo, ku ya sɛla woo en boi ya puan dɛna tiŋa dinɛ zuo bunɔ wuu, yaluntuuma, dɛgerɔ tuuma, kunkoma'ahum, be'em kɔrehi, la nyika (en de baga kaabegɔ la).

Kolɔsɩ 4:12

Epafaras, en de ya ayima la, dɛna Kiresta [Yezu] da'aberɛ pu'uhi ya na. A mɛɛrɛ saŋa woo pu'uhegɔ puan ya zuo, ti ya wan ze'ele bi'ɛ suŋa, gee ka bu'ura ya suure puan la Yinɛ sumboolum en de se'em.

1 Tesaloniki 4:2

Se'ere en sɔi la, ya mi' pa'alegɔ seko ti tu dikɛ bo' ya doohe Daana Yezu puan la.

1 Tesaloniki 4:4

Ti ya ayima ayima mina yan wan ta'am tara ya ihe tuulum tarega, la na'ahegɔ tarega.

1 Tesaloniki 5:18

bo'ori ya Yinɛ fara yelese'ere woo puan. Se'ere en sɔi la, Yinɛ sumboolum n bala bo' ya Yezu Kiresta puan.

1 Tesaloniki 5:23

Suma'ahum Yinɛ la mɛŋa wan sukɛ ya za'a za'a. Ya sia za'a, la ya puti'irɛ za'a, la ya iŋa za'a, la ya inma'ahum za'a, maahum ya biŋe gura tu Daana Yezu Kiresta kinɛ na.

2 Tesaloniki 2:13

Gee tumam dela tu bɔ'ɔra Yinɛ fara saŋa woo ya zuo, n suurɔ ti Daana la nɔŋɛ wa, se'ere en sɔi la, Yinɛ en looe ya ti ya dɛna wala diina faarɛ puan, doohe Fa'a Sia la en pee ya la, la yan nam yelemɛŋerɛ la.

Taitusi 2:14

Eŋa en kaabɛ a mɛŋa bo' tu, ti a yɔ to'e tu tuure woo puan, gee pee tu bo' a mɛŋa, ti tu dɛna a mɛŋa nɛreba, sɛba en mu'ɛ nini tuna tuunsunɛ.

Hiburuduma 10:36

Bala zuo, ya boti la ŋmibega, ti ya han ta tum Yinɛ sumboolum la ba'ahɛ, ya wan to'e nɔbiŋere la.

Hiburuduma 12:16

Bihɛ ya mɛhi suŋa suŋa ti ya se'em da ana wuu Esɔ, se'em en ka ta' a mɛŋa, ka zɔta Yinɛ la, se'em en yuum koohe a kinɔ dia buyina ma'a zuo la.

Hiburuduma 13:21

wan bahɛ ti ya bi'ɛ tunsunɛ woo puan, ti ya ta'am tum a sumboolum, doohe la en boi tu puan tuna la tɔ, tuunsɛ'a en tigeri a nini Yezu puan, se'em ti suŋa dɛna a dinɛ saŋa woo. Taari.

Hiburuduma 13:4

Bahɛ ya ti pɔgedire la sire-ele tara na'ahegɔ ya za'a zi'an, ti pɔgedire la sire-ele suŋɔ la da galum, se'ere en sɔi la, Yinɛ wan gakɛ yaluntuuma duma, la kabohi duma mɛ.

1 Pita 1:2

Sɛba ti Yinɛ en de Sɔ la daa pun te'ele looe ba, maahum ba, gee duuhe ba la a Fa'a Sia la, ti ba nana Yezu Kiresta, gee ti a miihi ba la Yezu ziim la. Zu'uhegɔ la suma'ahum zo'e zo'e dɛna ya dinɛ.

1 Pita 4:2

Bala yan vɔi vom dabeha sɛ'a en gee timpaberɛ wa zuo wa, da voni ya bu la asaala kunkɔma'ahum, gee Yinɛ suboolum vom.

1 Zã 2:17

Tiŋa wa zuo la ka kɔrehi la ye' tɔla mɛ, gee sɛba en tuni Yinɛ suboolum wan bɔna wuuha.

Lilegere 21:8

Gee han dɛna dabɛɛbehi la, la sɛba en ka sakɛ la, sɛba ti ba galum ba la, la nɛrekuureba la, yaluntuuma duma la, sɔ̃niniduma, bage kaabereba, la pumparenduma la za'a, ba bɔŋa zi'an ta bɔna la bugum mɔgerɛ la ti tahi taaɛ bugum dita la puan. Yi'i kum la en bala.”

Lilegere 22:15

Yiŋa la ha, baahi, sɔ̃niniduma, yaluntuuma duma, nɛrekuureba, la bage kaabereba, la sɛba woo en nɔŋɛ gee tuna pumpɔreŋɔ tuuma en boi bilam.