1 Tesaloniki 3:8 - ZE'ELEGO PAALEGA

⁸ Se'ere en sɔi la, tumam wan vɔna, ya han kelum sɛ zɛ'a kankaŋi Daana la puan.

Farefare Ninkaré

⁸ Lɛɛlɛ wã, tõma le vɔa la sũ-yẽlga, yãma n ze kãŋkãŋɛ Zuudãana doosgo la pʋam na.

1 Tesaloniki 3:8 ပူးပေါင်းရင်းမြစ်များ

Azã 15:4

Boi ya la mam, ti mam me bɔna la ya. Wuu yile n kan ta'am wam wala de ma'a se'em, han dagena de naaɛ mɛ la ta'aŋa la, bala mɛa ti yamam me kan ta'am wam, han dagena ya naaɛ mɛ la mam.

Azã 15:7

Ya han bɔna la mam, ti n yelehum la bɔna la ya, soke ya yan boti sɛla, gee la wan tum bo' ya.

Azã 8:31

Ti Yezu yele Yuuduma sɛba n nam bo' en la yeti, “Ya han gurɛ la mam yelehum wa, ya sirum dela mam zahereba.

Tõoma 11:23

Banabase n wa'am na paaɛ nyɛ Yinɛ zu'uhegɔ la n sige nɛreba la zuo se'em la, a puurɛ n pee, ti a kpemehe ba za'a yeti, ba bɔna ba sakerɛ la puan la Daana la, la ba kaabɛ ba mɛhi bo' en saŋa woo;

1 Korẽntɩ 15:58

Bala, n sunɔŋerɛ duma wa, ze' ya kankaŋi, da bikeri ya, kɔ'ɔm boni ya Daana la tuuma puan saŋa woo malum pa'ahera, se'ere en sɔi la, ya mi' ti Daana la puan ya tuunkãra la kan bahɛ yoo.

1 Korẽntɩ 16:13

Biheri ya suŋa, ze' ya kankaŋi ya sakerɛ la puan, kpemehe ya ya mɛhi, gee kpe'em.

Galatɩ 5:1

Han dɛna fai, Kiresta en faaɛ tu bahɛ fai. Ze' ya kankaŋi bala zuo la, gee da le dikɛ ya mɛhi bo' da'aberɛ yɔgehega la.

Efɛɛzɩ 3:17

ti Kiresta bɔna ya suya puan, sakerɛ zuo, wuu yan ba' nyɛga gee tara nɔŋerɛ puan se'em la.

Filipi 1:21

Se'ere en sɔi la, han dɛna mam wa, mam vom dela n tuna bɔ'ɔra Kiresta, ti n kum dɛna n nyuurɔ.

Filipi 1:27

Yamam yeen vɔna ya vom, sadɔɔ seko en naaɛ la Kiresta faarɛ yelehum la, ti n han nyaŋɛ wa'am na bihɛ ya, bii n han pun ka bɔna la ya gee wum ya yele, n wan mina ti ya ze' la kankaŋɛ, Sia kayima puan, naaɛ taaba la putɛ'yinɛ, zigera la taaba ti ya tara sakerɛ faarɛ yelehum la puan.

Filipi 4:1

Dinɛ zuo, n suŋɛ duma ti n nɔŋɛ, gee bɔta ti n nyɛ ya paaɛ paaɛ wa, mam nyɛɛma la mam na'am muŋa wa. Ze' ya kankaŋi Daana la puan, sadɔɔ kuna puan, n sunɔŋerɛ wa.

Kolɔsɩ 1:23

wuu ya han kelum gu'ura ya mɛhi suŋa, zɛ'a kankaŋi ya sakerɛ la puan, ka vuregera ya beere puti'irɛ se'ere ti faarɛ yelesuma la biŋe nuurɛ ti ya wum la, se'ere en muulɛ bo' bunvua en boi tiŋa wa zuo wa. Mam Pɔɔl dela se'em ti ba looe bo' faari yelesuma wa.

1 Tesaloniki 3:7

Ŋwana zuo, n suurɔ, tumam susageŋɔ, la tu mɛlehegɔ wa puan za'a, tumam ihe kpeŋe mɛ yamam zuo, doohe la ya sakerɛ la.

Hiburuduma 10:23

Bahɛ ya ti tu gurɛ suŋa suŋa tu beere puti'irɛ sakerɛ yelehum la gee da miina, se'ere en sɔi la se'em daana en biŋe nuurɛ la dela yelemɛŋerɛ daana.

Hiburuduma 3:14

Se'ere en sɔi la, tumam nyaa dela taaba la Kiresta, tu han gurɛ tu yia sakerɛ la kankaŋi ta paaɛ ba'ahegɔ.

Hiburuduma 4:14

Lan de ti tu tari la malema kiima kãtɛ en kɛ̃ tinsuŋan la, dɛna Yezu, Yinɛ dayua la, bahɛ ya ti tu gurɛ tu sakerɛ yelehum la kankaŋi.

1 Pita 5:10

Ti ya han namehɛ yuue fii wa, Yinɛ en de zu'uhegɔ za'a daana la, se'em en yi' ya ti ya wa'am na bɔna sunsɛka en ka tari ba'ahegɔ Kiresta puan la, a mɛŋa wan lebehe ze'ele ya, te'ele ya, kpemehe ya, gee sɛ ya ze'ele kankaŋi.

2 Pita 3:17

Ŋwana zuo la, yamam n sunɔŋerɛ duma wa, mam en te'ele ka'am ya la zuo, bihɛ ya suŋa ti yalum duma wa tuure la da ve'e ya kiŋɛ ti ya da ta'am ze'ele ya mɛŋa.

Lilegere 3:11

N ye' la nananawa na. Gurɛ ya yan tari sɛla la kankaŋi, ti se'em da ta faaɛ ya muŋa la.

Lilegere 3:3

Bala, tɛri ya yan to'e sɛla, la yan wum sɛla la, la ya tara di kankaŋi, gee tee. Ya han ka ihege, n wan wa'am na wuu nageyiga la, ti ya me kan mina sansɛka ti n yɛ'a ya zi'an na.