1 Tesaloniki 3:5 - ZE'ELEGO PAALEGA

⁵ Yele dina wa zuo, mam daa kan le ta'am ŋmibe la zuo, ti n tum na, ti n baŋɛ ya sakerɛ la en ze' se'em. Mam zoti la dabeem ti daan se'ere mageha la magehɛ ya bihɛ mɛ, ti tu namehegɔ tuuma la bahɛ yoo.

Farefare Ninkaré

⁵ Bɛla tɩ mam ka tãna wʋn zĩ'ire, tɩ mam tõm Atimõtɩ tɩ a wa'am wa bãŋɛ yãma n ãn se'em Azezi sore doosgo la pʋam, mam zotɩ mɛ tɩ Asũtãana wʋn pã'asɛ ya tɩ tɩ tõoma la lebge zãŋa.

1 Tesaloniki 3:5 ပူးပေါင်းရင်းမြစ်များ

Amatie 4:3

Ti pumpã'afum daana la wa'am a zi'an na yele en yeti, “Fum han dɛna la Yinɛ bia, bo' kuga wa nuurɛ ti ba lebege boroboro.”

Tõoma 15:36

Dabeha n iŋɛ fii wa la, ti Pɔɔl yele Banabase yeti, “Wa'ana ti tu lebe doohe bihɛ sakereba sɛba woo ti tu doohe tihi la woo puan pa'alɛ gee muulɛ Daana la yelehum bo' ba la, la tu bihɛ ban ani se'em.”

1 Korẽntɩ 7:5

Da zagehere ya taaba, han dagena ti ya ku la nuurɛ la taaba saŋa ka yima puan, ti ya kaabɛ ya mɛhi bo' pu'uhegɔ. Gee bala han tole, ya lebe naaɛ taaba, ti Sagena la da makɛ ya bihɛ, yan ka ta' ya mɛhi tara la zuo.

2 Korẽntɩ 2:11

Tu iti dina wa ti Sagena la n da nyaŋɛ tɔ. Se'ere en sɔi la, tu ka bu'uri a nyaleŋɔ la.

2 Korẽntɩ 6:1

Wuu tumam n lagum tuna la en la, ti beleni ya mɛ ti ya da to'e Yinɛ zu'uhegɔ la yoo.

Galatɩ 2:2

Mam kiŋɛ la dela n nyɛ la lilegere. Ti mam paaɛ dikɛ sɛla woo biŋe ba nɛŋan (la dela mam la nɛheduma sɛba ti ba loohe la ma'a) doohe faarɛ yelehum la ti mam muula bɔ'ɔra sɛba en ka pa'ahɛ Yuuduma puan la, ti n baŋɛ ti mam tuni sɛla la, gee pun tum sɛla la, kan bahɛ yoo.

Galatɩ 4:11

Dabeem en tari mam, ti mam tum sɛla bo' ya la wan bahɛ yoo.

Efɛɛzɩ 4:14

Tu da le dɛna kɔma le yɛ'ɛha, kaara kina nɛŋa la pooren, ti pa'alegɔ en ani wuu sabeeo ziira ya ɛɛra zi'an woo, pa'ali seko n de nɛreba mɛhi nigeŋɔ la nyaleŋɔ la pã'ahegɔ pã'ahegɔ la.

Filipi 2:16

La dela yamam en tari vom yelehum wa kankaŋi la zuo, ti n wan ta ta'am ŋmɛ' nyu'ɔ Kiresta lɛbega daarɛ na, ti n daa ka zɔ bahɛ yoo bii n tum bahɛ yoo.

Filipi 2:19

Mam tari puti'irɛ Daana Yezu zi'an ti n tum Timoti ya zi'an kalam na, la n nyɛɛm doohe mam wan wum yelesuma sɛ'a ya zi'an la.

1 Tesaloniki 2:1

Yamam mɛhi mi', n suurɔ, ti tu kinɛ ya zi'an na la, ka bahɛ yoo,

1 Tesaloniki 3:6

Gee Timoti nan kɔ'ɔm ze'ele la ya zi'an wa'am tu zi'an na wa. A tari la yelesuma na bo' tu doohe ya sakerɛ, la ya nɔŋerɛ en ani se'em. A me yele tu ti ya kɔ'ɔm tɛra tu yele mɛ suŋa suŋa, gee mu'ɛ bɔta ti ya nyɛ tɔ, wuu tumam en kɔ'ɔm bɔta ti tu nyɛ ya se'em la.