1 Tesaloniki 2:4 - ZE'ELEGO PAALEGA

⁴ gee wuu Yinɛ en bihɛ nam tɔ ti a dikɛ faarɛ yelehum wa iŋɛ tu nu'uhen se'em la, bala ti tumam ka tɔgera ti tu pee saaleba suya, gee tu pee Yinɛ suure, se'em en makere tu suya bihɛ la.

Farefare Ninkaré

⁴ La de la Nawẽnnɛ n bɩsɛ tɩ tõma masɛ tɩ a dɩkɛ a kõ-yẽlga la ẽŋɛ tõma nu'usum. Bɛla, tõma ka mõolɩ tɩ la ẽŋɛ nẽrsaalba sũure yẽlʋm, tõma mõolɩ tɩ la ẽŋɛ la Nawẽnnɛ n vẽesrɩ mina tɩ pʋtẽ'erɛ n ãn se'em na sũure yẽlʋm.

1 Tesaloniki 2:4 ပူးပေါင်းရင်းမြစ်များ

Aluki 12:42

Ti Daana la yeti, “Ani n nyaa de yameŋa n tari yɛm, gee mina tuuma, ti ka kpɛ'ɛma dikɛ Da'aba la woo iŋɛ a nu'uhen, ti a bɔ'ɔra ba dia ligeri de saŋa?

Aluki 16:11

Fum han ka tara yelemɛŋerɛ ŋmɛlema lɔgerɔ puan, ani en wan sakɛ dikɛ yelemɛŋerɛ lɔgerɔ iŋɛ fum nu'uhen?

Azã 21:17

Ti Yezu le yele en butã puan yeti, “Simɔn,Yɔn dayua wa, fum nɔŋɛ mam?” Ti Pita suure sagum, se'ere zuo, Yezu n yele en butã puan yeti, “Fum nɔŋɛ mam?” Ti a yele Yezu yeti, “N Daana, fum mi' sɛla woo, fum mi' ti n nɔŋɛ hɔ.” Ti Yezu yele en yeti, “Bihera n piihi wa.

Aromduma 8:27

Ti Yinɛ en biheri suure puan la, mi' sɛla en boi Fa'a Sia la puti'iren mɛ, se'ere en sɔi la, Fa'a Sia la sooe ŋmɛ'ɛra la nupu'ɔ bɔ'ɔra nɛresunduma la, dɔla Yinɛ sumboolum.

1 Korẽntɩ 7:25

Nananawa, pɔgesakaha la me yele en ŋwana, Daana la ka bo' mam nuurɛ, gee mam bo'ori ya la n mɛŋa puti'irɛ, wuu se'em ti Daana la zɔ' n nimbu'ɔ ti n dɛna se'em ti ya wan nam la.

1 Korẽntɩ 9:17

Beni zuo, mam han tuna dina wa la n mɛŋa suboolum, mam tari yɔɔrɛ mɛ, gee la han dagena mam mɛŋa suboolum, ba ye dikɛ tuunɛ la bo' mam mɛ ti n tum ti ba yɔ mam.

2 Korẽntɩ 2:17

Se'ere en sɔi la, tumam ka bureni Yinɛ yelehum la, wuu sɛba zo'e zo'e en iti se'em la. Gee Kiresta puan, tumam tɔgeri mɛ yelemɛŋerɛ, wuu nɛreba ti Yinɛ tum tɔ, gee ti tu me zɛ'a a nɛŋan saŋa woo la.

2 Korẽntɩ 4:2

Tumam zagehɛ nyanɛ tuunsɛ'a ti se'em sugera la mɛ. Tumam zagehɛ mɛ ti tu kan tuna pã'ahegɔ tuuma bii tu burum Yinɛ yelehum la. Gee tumam kɔ'ɔm tɔgera la yelehum la yelemɛŋerɛ, nɛrawoo nɛŋan la Yinɛ nɛŋan.

2 Korẽntɩ 5:11

Bala, tumam n mi' tu zɔta Daana la vuurɛ n de sɛla la, tu tiregerɛ mɛ ti tu bahɛ ti basɛba me baŋɛ en. Gee han dɛna tumam mɛhi, Yinɛ mi' tumam mɛ suŋa suŋa, n me tari puti'irɛ ti yamam me mi' tu suŋa suŋa ya suya puan.

2 Korẽntɩ 5:16

Yehe nananawa yɛ'ɛha ha, tu ka le bɛha nɛra inganɛ puan, la tumam n pun tabelɛ mina Kiresta inganɛ puan la, tu ka le malum mina n en sadɔkuŋɔ puan.

Galatɩ 1:10

Nananawa, mam nyaa eere la saaleba sakɛ bo' mam yoi? Bii n eere la Yinɛ sakɛ bo' mam? Bii n tugum nyaa zigera ti n pee la saaleba puya? Mam han kelum dole ni la n pɛɛra saaleba puya, mam kan deni Kiresta yameŋa.

Galatɩ 2:7

Gee la daa dagi bala, nɛheduma wa en nyɛ ti Yinɛ en dikɛ faarɛ yelehum wa bo' ti n muulɛ sɛba en ka ŋma la, wuu Pita ti Yinɛ dikɛ faarɛ yelehum wa bo' en ti a muulɛ bo' sɛba en ŋma la,

Efɛɛzɩ 3:8

Gee la mam n pun pɔ'ɛ nɛresunduma la za'a puan la, Yinɛ dikɛ la zu'uhegɔ kuna bo' mam, ti n tari Kiresta tarega la n ka tari makerɛ la faarɛ yelesuma la na bo' sɛba n dagi Yuuduma la,

Efɛɛzɩ 6:6

Da iti ya ŋwana ba nɛŋan ma'a ti ya yeen pee ba suure, gee ya dela Kiresta yamehi, tuna Yinɛ sumboolum la ya suya za'a za'a.

Kolɔsɩ 3:22

Da'aba, nane ya sɛba en sɔi ya tiŋa zuo wa la sɛla woo puan, dagi la ban boi ya nɛŋan la ma'a, ti ya ita ti ba puurɛ, gee ita ya bala la ya suure za'a, la Daana la zoolum.

1 Timoti 6:20

Timoti, gura sɛla en dikɛ iŋɛ fum puan la suŋa. Zagehɛ yetɔge yooro, la zaba nɔkpɛ'ɛma, la sɛla ti ba parum yi'ira mi'ilum la.

2 Timoti 1:14

Tara tuulum yelesɛ'a en dikɛ iŋɛ fum puan la suŋa, doohe la Fa'a Sia la en boi tu puan la.

2 Timoti 2:2

la sɛla ti fum wum mam zi'an nɛreba zo'e zo'e nɛŋan la. Dikɛ bo' yelemɛŋerɛ duma sɛba en wan ta'am pa'alɛ basɛba me.

Taitusi 1:3

Sansɛka en nari la puan, ti a niiɛ a yelehum la doohe muulegɔ puan, muulegɔ seko en dikɛ bo' mam, doohe Yinɛ en de tu faara la nuuren.

Hiburuduma 4:13

A nɛŋan, sɛla ka boi sugɛ, gee sɛla woo ze' la beele, gã'a kpaii, se'em daana ti tu wan ta yele en tu yɛla za'a la ninin.

1 Pita 4:11

Fum se'em en tɔgeri, dela a tɔgera wuu Yinɛ mɛŋa en tɔgeri la. Fum se'em en tuni bɔ'ɔra, dela a tuna la pansɛka za'a ti Yinɛ bo' en la, bala ti Yinɛ wan nyɛ na'ahegɔ sɛla woo puan, doohe Yezu Kiresta puan. Eŋa en sɔi na'ahegɔ la paŋa, wuuha wuuha. Taari.

Lilegere 2:23

N wan damɛ a kɔma, ku ba, ti mam lageŋɔ la woo baŋɛ, ti mam en de se'em en mi' puti'ira la suya puan, gee wan bo' nɛra woo a tuuma yɔɔrɛ en nari se'em.