1 Tesaloniki 2:12 - ZE'ELEGO PAALEGA

¹² ka'ana, gee kpɛmeha ya, gee me bɛlena ya ti ya vɔna vom sebo taaba n nari bɔ'ɔra Yinɛ, se'em en yi' ya ki'ihɛ a mɛŋa sɔ'ɔlum, la a suŋa puan la.

Farefare Ninkaré

¹² Tõma keŋe ya sũure mɛ, bɔ ya bʋraanɛ, pa'alɛ ya yetɩ ya dɔla so-sɛka n masɛ Nawẽnnɛ yɛm, ẽŋa n wi ya tɩ ya kẽ a so'olʋm pʋam po dita na'am.

1 Tesaloniki 2:12 ပူးပေါင်းရင်းမြစ်များ

Aromduma 8:28

Tu mi ti sɛla woo tuni naara taaba tara la sum bɔ'ɔra la sɛba en nɔŋɛ Yinɛ, sɛba ti Yinɛ yi' doohe a puti'iren la.

Aromduma 8:30

Sɛba ti a maahum ba ze'ele la, bamam ti a yi', ti sɛba ti a yi' la, a bo' ba la buurɔ, ti sɛba ti a bo' ba buurɔ la, bamam ti a pirɛ ba la suŋa.

1 Korẽntɩ 1:9

Yinɛ dela yelemɛŋerɛ daana. Eŋa puan ti ba yi' ya ti ya tara Lageŋɔ la a Dayua Yezu Kiresta en de tu Daana la.

2 Korẽntɩ 4:6

Se'ere en sɔi la, la dela Yinse'ere n daa yeti, “Bahɛ ti niihum ze'ele lika puan niiɛ na la,” Yinɛ dinɛ mɛa n niiɛ tumam suya puan, ti a bo' tu a mi'ilum niihum la, n de Yinɛ suŋa niira Yezu Kiresta nɛŋa puan la.

Galatɩ 5:16

Mam yeti ya yeti, voni ya Sia la n boti se'em la, gee sore da bɔna la fii me ti ya tigehɛ ya ingɔŋɔ kɔrɛ la.

Efɛɛzɩ 4:1

Dinɛ zuo, mam en boi paka deen Daana la tuuma zuo beleni ya mɛ, ti ya vɔna vom sebo en nari la yi'sɛka ti ba yi' ya kɛ̃' ka puan la.

Efɛɛzɩ 5:2

gee vɔni ya la nɔŋerɛ wuu Kiresta n nɔŋɛ tɔ se'em, dikɛ a mɛŋa bo' tu se'em, lebege nyuuŋo suŋɔ kaabegɔ bo'olum ti ba kaabɛ bo' Yinɛ la.

Efɛɛzɩ 5:8

Se'ere en sɔi la, ya daa nan boi la lika puan, gee nananawa Daana la puan, ya dela la niihum. Bala Vɔni ya wuu kɔmsɛba n boi niihum puan la.

Filipi 1:27

Yamam yeen vɔna ya vom, sadɔɔ seko en naaɛ la Kiresta faarɛ yelehum la, ti n han nyaŋɛ wa'am na bihɛ ya, bii n han pun ka bɔna la ya gee wum ya yele, n wan mina ti ya ze' la kankaŋɛ, Sia kayima puan, naaɛ taaba la putɛ'yinɛ, zigera la taaba ti ya tara sakerɛ faarɛ yelehum la puan.

Kolɔsɩ 1:10

ti ya vɔna vom sebo en nari bɔ'ɔra Daana la, ti ya vom za'a tigɛ a nini wuu yan wan wuna wala tuunsunɛ woo puan se'em la, la yan zo'ore Yinɛ mi'ilum puan se'em la.

Kolɔsɩ 2:6

Wuu yan to'e Kiresta Yezu en de Daana la, kelum vɔni ya ya vom la a puan,

1 Tesaloniki 4:1

Ba'ahegɔ puan, n suurɔ, tu yeti ya mɛ gee ka'ana ya Daana Yezu puan ti, wuu yan zamehɛ tu zi'an, yan wan vɔna se'em tigɛ Yinɛ nini la, (wuu yelemɛŋerɛ, yan pun ita se'em wa la), malum iŋɛ ya bala paaɛ paaɛ.

1 Tesaloniki 4:12

la ya ta'am tara ya mɛhi suŋa, ita sum bɔ'ɔra yiŋa duma, gee da dikɛ ya mɛhi delum se'em.

1 Tesaloniki 5:24

Se'em en yi' ya la dela sakerɛ daana, a wan iŋɛ ŋwana wa.

2 Tesaloniki 1:10

De daarɛ la, a han ta wa'am na ti a Niiɛ a suŋa la, a suŋa la wan niiɛ a nɛresunduma la puan, ti sɛba woo en nam zɛ'a yɛli a suŋa la zuo, se'ere en sɔi la, ya nam tumam aze'nyɛ muulegɔ la mɛ.

2 Timoti 1:9

se'em en faaɛ tɔ, gee yi' tu tuulum yi'a, dagi la tu tuuma zuo, gee eŋa mɛŋa en boti se'em, la a zu'uhegɔ zuo. Zu'uhegɔ kuna wa dikɛ bo' tu doohe la Kiresta Yezu puan, diimen diimen ha,

1 Pita 2:9

Gee yamam dela buuri se'ere ti Yinɛ looe, ya dela malemaduma nabiihi, dɛna tuulum timpaberɛ, Yinɛ mɛŋa nɛreba, ti ya muulɛ tuunkãra sɛ'a en de se'em daana en yi' ya lika puan yehe niihum kãtɛ puan na la dinɛ.

1 Pita 3:9

Da dikɛ be'em yɔ be'em, bii kɛhega yɔ kɛhega. Gee lan de se'em dela, lɛbehera sum. Ŋwana zuo ti Yinɛ yi' ya, ti ya wa'am na to'e sum la.

1 Pita 5:10

Ti ya han namehɛ yuue fii wa, Yinɛ en de zu'uhegɔ za'a daana la, se'em en yi' ya ti ya wa'am na bɔna sunsɛka en ka tari ba'ahegɔ Kiresta puan la, a mɛŋa wan lebehe ze'ele ya, te'ele ya, kpemehe ya, gee sɛ ya ze'ele kankaŋi.

2 Pita 1:3

Yinɛ sia puan paŋa la bo' tu sɛla woo ti tu bɔta, ti tu ta'am vɔna gee tara Yinɛ zoolum doohe tumam mi' se'em daana en yi' tu a mɛŋa suŋa, la a itesuŋɔ puan la.

1 Zã 2:6

Se'em woo en yeti, “Mam boi a puan.” Dela a ita itegɔ wuu eŋa en iti se'em la.

3 Zã 1:6

Ba yele fum nɔŋerɛ la yele mɛ lageŋɔ la nɛŋan. Fum wan iŋɛ suŋa, fum han wan iŋɛ ba suŋa ti ba tole, wuu Yinɛ en boti de se'em la.