1 Pita 5:9 - ZE'ELEGO PAALEGA

⁹ Da bo' ya en sore, sɛ ya ze'ele kankaŋɛ ya sakerɛ la puan, se'ere en sɔi la, ya mi' ti ya suurɔ en boi timpaberɛ wa zuo za'a, me dole la namehegɔ kuna mɛa puan tɔla.

Farefare Ninkaré

⁹ Bɔ-ya Azezi-krisi sɩra ze'ele kãŋkãŋɛ, dee sɩ'ɩsɛ Asũtãana, la ya bãŋɛ tɩ ya sɔbiisi n boe dũnia zẽ'a woo mẽ nãmsrɩ la nãmsgɔ bãma mẽŋa buuri.

1 Pita 5:9 ပူးပေါင်းရင်းမြစ်များ

Aluki 22:32

Gee mam pu'uhɛ bo' fum mɛ ti fum sakerɛ da koŋe. Gee fum, fum han ta ŋmɛregɛ lebe na, kpemehe fum suurɔ wa.”

Azã 16:33

N yeti ya dina wa, ti ya tara suma'ahum mam puan. Han dɛna timpaberɛ wa zuo, ya wan nyɛ mɛlehegɔ. Gee da bahɛ ya ti dabeem tara ya, gee mam pun nyaŋɛ timpaberɛ wa mɛ.”

Tõoma 14:22

Ba doohe malum kpe'em zahereba la gee kpemehe ba ti ba bɔna ba sakerɛ la puan, yɛta ba yeti, “Tu wan doohe la namehegɔ zo'e zo'e puan gee kɛ̃ Yinɛ sɔ'ɔlum la puan.”

1 Korẽntɩ 10:13

Makerɛ ka boi paaɛ ya gee ka tabelɛ paaɛ nɛrese'em. Yinɛ dela yelemɛŋerɛ daana, a kan bahɛ ti makerɛ paaɛ ya gaŋɛ ya paŋa tɛka. Gee makerɛ la puan, a wan pa'alɛ ya sore ti ya ŋmibe de puan.

Efɛɛzɩ 4:27

me da bo' Sagena la yɔ'ɔ fum puan.

Efɛɛzɩ 6:16

Lɔge tuna wa za'a la, dikɛ ya sakerɛ ti la dɛna zaba tɛ'ɛlega, ti ya wan ta'am kiihera yabega pɛɛma la woo ti be'emdaana la tɛɛra la.

Kolɔsɩ 2:5

La mam en ka boi la ya ingɔŋɔ puan bilam la, gee n boi la ya sia puan, gee nyɛɛna, bɔta ti n nyɛ yan ze' se'em kankaŋi la ya sakerɛ Kiresta puan.

1 Tesaloniki 3:3

ti ya se'em da miina mɛlehegɔ kuna wa zuo. Yelemɛŋerɛ, ya mɛhi mi' ti tumam n lu' tu suya ti tu paaɛ zi'an n bala.

1 Timoti 6:12

Zabɛ sakerɛ zabesunɛ la, gurɛ vom kamba'ahɛ la, se'ere zuo ti ba yi' fum la, la se'ere ti fum purɛ yelemɛŋerɛ purega la nɛreba zo'e zo'e nɛŋan la.

2 Timoti 3:12

Yelemɛŋerɛ, sɛba woo en boti ba vɔna Yinɛ zoolum vom Kiresta Yezu puan, wan nyɛ mɛlehegɔ.

2 Timoti 4:7

Mam zabɛ la zabesunɛ, mam ba'ahɛ n zua la, mam gurɛ en sakerɛ la mɛ.

Hiburuduma 11:33

sɛba en yuum ze'ele sakerɛ puan nyaŋɛ tinkãra, gakɛ la yelemɛŋerɛ, ze'ele to'e sɛla ti Yinɛ biŋe nuurɛ la, mum gbigema nɔya,

Hiburuduma 12:8

Ya han ka to'e tube-dɔlegerɛ se'ere ti kɔma woo tɔ'ɔha la, ya dela kɔm-yooro, gee dagi Yinɛ kɔma.

Yemesi 4:7

Sigehe ya mɛhi ŋwana zuo, bo' Yinɛ. Da bo' ya kulekpa'bɛ'a la sore, gee a wan ɛkɛ gee bahɛ ya.

1 Pita 1:6

Dina puan ti ya nyɛɛna, la han pun dɛna ti nananawa, saŋa fii wa, ya namehɛ kãra yima yima doohe mageha yima yamam puan

1 Pita 2:21

Ŋwana zuo ti Yinɛ yi' ya la, beni zuo, Kiresta namehɛ mɛ bo' yamam ti ya biha bala niira a nama la.

1 Pita 3:14

Gee ya han pun nameha yan iti sɛla en de ma'a zuo, sum boi mɛ la ya. Da zoti ya ba, gee me da bahɛ ti la daana ya,

1 Pita 4:13

Gee nyɛɛni ya, la yan lagum tuta Kiresta namehegɔ la, bala ti ya me wan ta vɔɔla la nyɛɛma, a han ta niiɛ na la a suŋa la.

Lilegere 1:9

Mam Yɔn, ya suuɔ, se'em la yamam en lagum bɔna Yezu puan, lagum nyɛ namehegɔ, a sɔ'ɔlum la, la a sugeri ŋmibega la, n wa bɔna la tiŋa en boi ko'om tiŋasuka ti ba yi'ira ka Patimose, mam muuli Yinɛ yelehum la, la mam en de Yezu aze'nyɛ daana la zuo.

Lilegere 6:11

Ti ba bo' ba za'a fupɛɛlega fupɛɛlega, gee yele ba yeti, ba lebe ta gã'arɛ fii wa, gura ti kãlɛ se'ere ti ba yeti ba kɔrum ba tuntuneba tadaanduma la, la ba suurɔ la ti ba yeti ba ku ba nananawa la paaɛ.

Lilegere 7:14

Ti mam yele en yeti, “Naa, fum en de se'em en mi'.” Ti a nyaa yele mam yeti, “Bana dela sɛba en ze'ele namehegɔ kãtɛ puan yehe na. Ba pee ba futo mɛ, ti tu pelege kirikiri Pebila la ziim la puan.