1 Pita 5:4 - ZE'ELEGO PAALEGA

⁴ Ti dunkiin naba la han ta niiɛ na, ya wan di suŋa muŋa sɛka en ka pelegere la.

Farefare Ninkaré

⁴ Tɩ dũnsĩin-kɛ'ɛma la sãn wa puke, ya wʋn to'oge yɔɔrɔ n ka sã'anɩ n tarɩ pẽka.

1 Pita 5:4 ပူးပေါင်းရင်းမြစ်များ

Azã 10:11

“Mam dela dunkiinsuŋa la. Dunkiinsuŋɔ la dikeri la a vom biŋera bɔ'ɔra a piihi.

1 Korẽntɩ 9:25

Zɔteba kpemehere ba mɛhi la ba tana ba mɛhi tara sɛla woo puan. Ba iti dina wa ti ba to'e la muŋa sɛka en ta' Sagena, gee tumam dela muŋa sɛka en ka ta' sageni.

2 Timoti 4:8

Nananawa yɛ'a ha, sɛla en dikɛ biŋe gura mam dela, tuuntɔɔ vom muŋa, sɛka ti Daana la en de tuuntɔɔ gakera la, wan dikɛ bo' mam de daarɛ, gee dagi mam ma'a, gee sɛba woo en me guri Yezu lɛbega na la.

Hiburuduma 13:20

Nananawa, Yinɛ se'em en de suma'ahum daana la, se'em daana en tari a piihi dunkiin kãtɛ wa ze'ele kum puan lebe na la, tu Daana Yezu Kiresta doohe a ziim la nɔpu'ulegɔ la en ka tari ba'ahegɔ la puan,

Yemesi 1:12

Sum boi mɛ la se'em en ŋmiberi makerɛ puan. Ena daana nyaŋɛ magehegɔ la mɛ, wan to'e vom muŋa la, ti Daana la biŋe nuurɛ ti a bo' sɛba en nɔŋɛ en la.

1 Pita 1:4

A yi ya mɛ ti ya to'e lɔgerɔ seto en ka sageni, ka galum, ka kuregera, en maahum biŋe saazuo ha gura ya.

1 Pita 2:25

Se'ere en sɔi la, ya daa bɔregɛ mɛ wuu piihi la, gee nananawa, ya ŋmɛregɛ lebe la dunkiina sɛka en guri ya sɛɛhi la zi'an na.

1 Pita 5:2

yeti, ya gura Yinɛ piihi la en boi ya nu'uhen la suŋa, dagena pɛregerɛ puan gee la susunɛ, wuu Yinɛ en wan boti ni ti ya ita se'em la, dagi kunkonyiim puan gee ya kɔ'ɔm mu'ɛ la nini la tuuma la.

1 Zã 3:2

N sunɔŋerɛ duma wa, tu dela Yinɛ kɔma nananawa. Tumam n wan ta ana se'em nan ka niiɛ. Tumam n mi' sɛla dela dina wa, Kiresta han ta niiɛ na, tu wan ana wuu en la, tu wan nyɛ en wuu en ani se'em la.

Lilegere 1:7

Bihɛ ya! Eŋa en bala bɔna sagbama puan kina na la. Niho woo wan nyɛ en pun ta ta' sɛba en daa lu' en la. Eŋa en kinɛ na la zuo, buuri woo en boi timpaberɛ wa zuo wan kele. Lan yeti la ana se'em en bala. Taari.

Lilegere 2:10

Da zoti ya dabeem la yan boi bini ti ya namehɛ namehegɔ seko wa. Mini ya suŋa ti bumbe'o la maahum mɛ ti a bahɛ ti ba pagɛ ya sɛba paka deto puan, ti la dɛna makerɛ bo' ya, dabeha pia ti ba wan dikɛ pɔgelum ya. Gee tari ya sakerɛ ta paaɛ kum, gee ti n bo' ya vom muŋa la.

Lilegere 3:11

N ye' la nananawa na. Gurɛ ya yan tari sɛla la kankaŋi, ti se'em da ta faaɛ ya muŋa la.