1 Pita 5:14 - ZE'ELEGO PAALEGA

¹⁴ Pu'uhi ya taaba la suurɔ kɔkerɛ. Suma'ahum bɔna la ya woo en boi Kiresta puan la.

Farefare Ninkaré

¹⁴ Pʋ'ʋsɛ-ya taaba la nõŋlʋm. Sũ-mã'asʋm wʋn bɔna la yãma sɛba wuu n lagɩm na Krisi dɛna ayɩla la.

1 Pita 5:14 ပူးပေါင်းရင်းမြစ်များ

Amatie 5:47

Yamam han pu'uha ya suurɔ ma'a, yamam iti la beni gana nɛra woo en iti se'em la? Sɛba en ka zoti Yinɛ me pun ka ita la bala mɛa?

Azã 14:27

Suma'ahum ti mam dikɛ baha ya. Mam mɛŋa suma'ahum ti mam dikɛ bɔ'ɔra ya. Mam ka bo'ori n suma'ahum wa wuu timpaberɛ zuo nɛreba n bo'ori ba suma'ahum se'em la. Da bahɛ ya ti ya suya daana, gee me da bahɛ ya ti dabeem tara ya.

Azã 16:33

N yeti ya dina wa, ti ya tara suma'ahum mam puan. Han dɛna timpaberɛ wa zuo, ya wan nyɛ mɛlehegɔ. Gee da bahɛ ya ti dabeem tara ya, gee mam pun nyaŋɛ timpaberɛ wa mɛ.”

Azã 20:19

Dabeha ayopɔi pɔhega daarɛ zaanuurɛ, ti Yezu zahereba la lagehɛ bɔna yire deyima puan, gee yu' yire la nayahi za'a, dabeem n tari ba Yuuduma la zuo. Ba ta yeti ba bihɛ ti Yezu kɛ̃ na zɛ'a la ba, pu'uhɛ ba yeti, “Suma'ahum bɔna la ya.”

Azã 20:26

Ti la le paaɛ dabeha ayopɔi, ti Yezu zahereba la le lagehɛ yire la puan, ti Tɔmasi bɔna bini. Ti ba yu' yire la kulehi la za'a. La ban yu' kulehi, Yezu wa'am me na, zɛ'a la ba, gee yele ba yeti, “Suma'ahum bɔna la ya.”

Aromduma 1:7

Mam Pɔɔl n gulehɛ bɔ'ɔra la yamam sɛba woo ti Yinɛ nɔŋɛ ya, ti ya bɔna Arome tiŋa puan, ti Yinɛ yi' ya ti ya dɛna nɛresunduma la. Zu'uhegɔ dɛna ya dinɛ, ti suma'ahum en ze'eti Yinɛ en de tu Sɔ, la Daana Yezu Kiresta zi'an la dɛna ya dinɛ.

Aromduma 16:16

Pu'uhɛ ya taaba gee kɔkera taaba la pupeelum. Kiresta lageŋɔ la woo pu'uhi ya na.

Aromduma 8:1

Bala zuo, nananawa, sageŋɔ ka boi sɛba en boi Kiresta Yezu puan la zuo.

1 Korẽntɩ 1:30

Yinɛ en de ya vom nyɛgerɛ, Kiresta Yezu puan, se'em en de tu yɛm, ze'ele Yinɛ zi'an na, dɛna tuuntɔɔ la, se'em en sokere la, la ayɔto'e daana la,

1 Korẽntɩ 16:20

Suurɔ la za'a pu'uhi ya na. Pu'uheri ya taaba la yelemɛŋerɛ kɔkerɛ.

2 Korẽntɩ 13:12

Pu'uhɛ ya taaba la tuulum suma'ahum kɔkerɛ.

2 Korẽntɩ 5:17

Bala, se'em han bɔna Kiresta puan, a dela naanɛpaalega, sɛla woo n de kɛka tole ya, bihɛ, sɛla woo nyaa lebege la paalega.

Efɛɛzɩ 6:23

Suma'ahum bɔna la lageŋɔ la nɛreba za'a, la nɔŋerɛ n dole la sakerɛ, ze'ele tu Sɔ Yinɛ, la tu Daana Yezu Kiresta zi'an bɔna la ya.

1 Tesaloniki 5:26

Pu'uheri ya suurɔ woo la tuulum kɔkerɛ.

1 Pita 1:2

Sɛba ti Yinɛ en de Sɔ la daa pun te'ele looe ba, maahum ba, gee duuhe ba la a Fa'a Sia la, ti ba nana Yezu Kiresta, gee ti a miihi ba la Yezu ziim la. Zu'uhegɔ la suma'ahum zo'e zo'e dɛna ya dinɛ.

3 Zã 1:14

gee n iŋɛ la n puti'irɛ ti n kan yuue gee nyɛ hɔ, ti tu nyɛta taaba gee sɔhɛ.