1 Pita 4:16 - ZE'ELEGO PAALEGA

¹⁶ Gee la bala za'a, ya se'em han nyɛ namehegɔ yan de Kiresta kɔma la zuo, da bihɛ ya ti la dɛna vi' bɔ'ɔra ya, gee pɛgeri ya Yinɛ, la yan tari yu'urɛ dina wa la zuo.

Farefare Ninkaré

¹⁶ La nẽra sãn nãmsra ẽŋa n de Krisi nẽra ĩyã, a da zɔta yãnnɛ. A nã'asra Nawẽnnɛ, ban wi'iri ẽ Krisi nẽra la ĩyã.

1 Pita 4:16 ပူးပေါင်းရင်းမြစ်များ

Tõoma 11:26

En nyɛ Sɔɔl la, a tari en wa'am la Antiyoke na. Ba boi bini la bala yuum mune, lagena la Lageŋɔ la, pa'alɛ nɛrekuuŋɔ. Antiyoke puan ti nɛreba pɔhɛ yi' Yezu zahereba la yu'urɛ ti “Kiresta kɔma.”

Tõoma 26:28

Ti naba Agiripa yele Pɔɔl yeti, “Fum kɔ'ɔm zigera mɛ ti mam lebege Yezu zahera kalam?”

Tõoma 28:22

Gee tumam wan bɔta ti tu wum la fum mɛŋa zi'an, fum ti'ihɛ se'em doohe sadɔkuna wa ti tu mina ti zi'an woo ba zɛregera ku me wa.”

Tõoma 5:41

Ban baheri kiinduma la zi'an la, ba puurɛ pee mɛ ti bamam me ti ba diihe ba vi Yezu yu'urɛ la zuo.

Filipi 1:20

La dela sɛla ti mam kɔ'ɔm ana kɛli, gee me tari puti'irɛ, ti vi kan di mam sadɔɔ seko woo puan, gee doohe mam en muuli la sukpe'ene wa zuo, Kiresta yu'urɛ wan nyɛ pɛka nananawa, wuu la ni pun ani se'em mam iŋa wa puan la, mam vom bii n kum la.

Filipi 1:29

Yinɛ ka doohe a zu'uhegɔ la puan bo' tu la yɔ'ɔ ti tu nam la Kiresta ma'a, gee tu nameheri a zuo me,

2 Timoti 1:12

dina wa zuo ti mam nameha wuu mam en namehɛ se'em wa. Gee vi ka tari mam, se'ere en sɔi la, mam mi' se'em ti mam delum en la mɛ, N me mi' suŋa suŋa ti a wan ta'am gura mam ta paaɛ de daarɛ, la sɛla ti a dikɛ iŋɛ mam puan la.

Yemesi 2:7

Dagi bamam en tuuri yu'sunɛ se'ere en dikɛ sigɛ ya la?

1 Pita 2:12

Tara ya mɛhi suŋa sɛba en dagi Yuuduma la zi'an, bala ti ban pun dikɛ ya yi' be'em duma la, ba wan nyɛ ya tunsuma la, gee pɛgera Yinɛ, a han ta wa'am na ti a gakɛ.

1 Pita 4:11

Fum se'em en tɔgeri, dela a tɔgera wuu Yinɛ mɛŋa en tɔgeri la. Fum se'em en tuni bɔ'ɔra, dela a tuna la pansɛka za'a ti Yinɛ bo' en la, bala ti Yinɛ wan nyɛ na'ahegɔ sɛla woo puan, doohe Yezu Kiresta puan. Eŋa en sɔi na'ahegɔ la paŋa, wuuha wuuha. Taari.

1 Pita 4:14

Ba han tuura ya Kiresta yu'urɛ zuo, sum en dole ya, beni zuo, sia sɛka en de suŋa la, dɛna Yinɛ Sia la, en boi la ya.

1 Pita 4:19

Bala, bahɛ ya ti sɛba en nameheri dɔla Yinɛ sumboolum la, dikɛ ba mɛhi bo' Naana la en de sakerɛ daana la, gee kelum ita ba sum la.