1 Pita 3:4 - ZE'ELEGO PAALEGA

⁴ gee tugum bahɛ ya ti ya nunɔm la bɔna ya puan, ya ana ma'ma, gee tara bããlam sia vom la en de sunsɛka en ka tari ba'ahegɔ, tara tuulum kãtɛ Yinɛ nɛŋan la.

Farefare Ninkaré

⁴ Basɛ-ya tɩ ya sõŋa la dɛna sũure pʋam sõŋa n de sũ-bʋgsʋm la sũ-mã'asʋm. Sõŋa ẽna n ka sã'anɩ dee tara yõorɔ zozo'e Nawẽnnɛ nifum.

1 Pita 3:4 ပူးပေါင်းရင်းမြစ်များ

Amatie 11:29

Dikɛ ya mam yɔka la yɔgɛ ya mɛhi, gee zamehɛ mam zi'an, Se'ere en sɔi la, mam dela nɛre ma'ma', gee sigehe n mɛŋa n suure puan. Ya wan nyɛ vo'ohego bo' ya sɛɛhi.

Amatie 21:5

“Yele ya Zaayɔn poyua wa yeti, Bihɛ ya, ya naba la en bala yɛ'a ya zi'an na la, a sigehe la a mɛa, ba' boŋa, a ba' la bombilepaalega.”

Amatie 23:26

Farasii fɔɔhi wa. Pee ya wanɛ la puan yia bala ti yiŋa la me wan ana filam.

Amatie 5:5

“Sum boi mɛ la sɛba en sigehe ba mɛhi, bamam n wan nyɛ tiŋa wa nyuurɔ.

Aluki 11:40

Geto wa, dagi se'em en maalɛ yiŋa la n maalɛ puan la?

Aluki 16:15

Ti Yezu yele ba yeti, “Ya dela nɛreba en bo'ori ya mɛhi buurɔ nɛreba nɛŋan, gee Yinɛ mi' ya suya puan en ani se'em mɛ. Sɛla en de tuulum lɔkɔ nɛreba nɛŋan, fi'ɛ mɛ Yinɛ nɛŋan.

Aromduma 1:23

nyaa tugum tee dikɛ na'ahegɔ seko en de Yinɛ vua wa na'ahegɔ la bo' naanɛ sɛ'a en ŋwani la asaala en kiiri, bii niihe, bii duhi en tari nama anaahi, bii bunvuula.

Aromduma 2:29

Gee yelemɛŋerɛ se'em n de Yuda buuri paaɛ paaɛ dela puan ha. Ŋmaa yelemɛŋerɛ dela suure puan. La dela Sia puan, dagi inganɛ. Nɛre-ina taaba ka to'ore pɛka nɛreba zi'an, gee Yinɛ mɛŋa zi'an.

Aromduma 6:6

Tu mi' ti ba daa kpa' tu naanɛ kɛka la mɛ la Kiresta, ti tu be'em naanɛ la sagum, ti tu da le dɛna da'aba bo' be'em.

Aromduma 7:22

Mam nyɛ ti mam boti Yinɛ ze'elego la mɛ zo'e zo'e n puan puan ha,

2 Korẽntɩ 10:1

Mam mɛŋa Pɔɔl, mam beleni ya mɛ doohe la Kiresta ma'ma' la a uhega la puan, mam se'em n ni sigehe n mɛŋa n han ni zɛ'a ya nɛŋan, gee kpe'em bo' ya n han ni zaaɛ la ya.

2 Korẽntɩ 4:16

Bala la, ti ka kɔ'ɛ suure, la tu inganɛ wa n namehɛ ta ana wuu ka pu'uri me wa, tu puan naanɛ la lebegere la paalega beere yilegeri woo.

Galatɩ 5:23

zulaam, la nyɔkɛ n mɛŋa. Ze'elego ka boi gana yele ana.

Efɛɛzɩ 4:2

Voni ya ya vom za'a la sirege n mɛŋa, zulaam, gee ŋmibera la taaba nɔŋerɛ puan.

Kolɔsɩ 3:12

Wuu Yinɛ en looe ya la, ti ya dɛna tuulum nɛreba ti a nɔŋɛ la, bagɛ mɛhi la ya nɛreba giile, itesuŋɔ, sigehe mɛa, ma'ma', la sudi'ihego

Kolɔsɩ 3:3

se'ere en sɔi la, ya ki mɛ, ti ya vom la sugɛ la Kiresta puan, Yinɛ puan.

1 Tesaloniki 4:11

Ya kpeŋe ya mɛhi bɔna bããlam, biha ya mɛhi yɛla, gee sakɛ ya tuna la ya mɛhi nu'uhi wuu tumam en pa'alɛ ya se'em la,

2 Tesaloniki 3:12

Nananawa, nɛre bana taaba wa, tu bo'ori ya nuurɛ, gee ka'ana ya Daana Yezu Kiresta puan, ti nɛra woo tum ti a nu'o paaɛ a nuuren .

1 Timoti 2:2

Pu'uhi ya bɔ'ɔra naduma, la sɛba woo en boi kpe'em kãra puan. Bala ti tu wan bɔna bããlam la suma'ahum, la Yinɛ zoolum, la tibehum.

2 Timoti 2:25

A pa'ali sɛba en ka sakeri bɔ'ɔra en la, la sigehe mɛŋa. Ani en mi,Yinɛ ta'am bahɛ ti ba tee gee baŋɛ yelemɛŋerɛ la,

Taitusi 3:2

ba da tɔgera be'em bɔ'ɔra nɛra, ba bahɛ nɔkpɛ'ɛma, ba ana ma'ma, gee tara nɔsunɛ la nɛrawoo.

Yemesi 1:21

Dinɛ zuo, yehe ya mɛhi yaalegɔ woo puan, la tuunfi'iha kãra puan, gee sigehe ya mɛhi to'e yelehum la en burɛ ya puan tara paŋa wan ta'am faaɛ ya sɛɛhi bahɛ la.

1 Pita 1:23

Ba dɔgɛ ya la dɔgum paalum, dagena la biiliho sebo en pu'uri, gee biiliho sebo en ka pu'uri, ba malum dɔgɛ ya doohe la Yinɛ yelehum vua la en ka malum ba'aha la puan.

1 Pita 3:15

gee ya suya puan, tugum malum gurɛ ya Kiresta ti a dɛna daana. Saŋa woo, maahum ya ti ya tɔgɛ po'e ya mɛhi, se'em en soke ya ti ya pa'alɛ en ya beere puti'irɛ wa, lerege ya en bããlam la Yinɛ zoolum.