1 Pita 2:9 - ZE'ELEGO PAALEGA

⁹ Gee yamam dela buuri se'ere ti Yinɛ looe, ya dela malemaduma nabiihi, dɛna tuulum timpaberɛ, Yinɛ mɛŋa nɛreba, ti ya muulɛ tuunkãra sɛ'a en de se'em daana en yi' ya lika puan yehe niihum kãtɛ puan na la dinɛ.

Farefare Ninkaré

⁹ La sãn dɛna yãma, yãma de la buuri tɩ Nawẽnnɛ looge, ya de la ẽŋa n de naba la kãabgɔ kẽma, dee ken dɛna a nẽrba n welge to'ore tara pʋpeelem. A wi ya la lika pʋam, tarɩ yese a peelem n ãn sõŋa zozo'e pʋam, tɩ ya botɩ nẽrba bãŋɛ a tõon-kãra la.

1 Pita 2:9 ပူးပေါင်းရင်းမြစ်များ

Amatie 4:16

nɛresɛba n daa zi' lika puan la nyaa nyɛ la niifum kãtɛ, Yamam sɛba nama en daa boi yɔɔen la, niifum nyaa niiɛ bo' ya.”

Amatie 5:16

Bala mɛa, bahɛ ya ti ya niifum la niira nɛreba nɛŋan, ti ba nyɛ ya tuunsuma la, la ba dikɛ pɛka bo' ya Sɔ en boi saazuo ha la.

Aluki 1:79

Bo wan niiɛ bo' sɛba en zi' lika puan, la sɛba en boi Kum nyɔ̃pɔ̃hega puan. Bo wan niiɛ gu'ura tu nama suma'ahum sore la zuo.”

Azã 17:19

Bama zuo ti mam pee n mɛŋa, ti bamam me nyɛ peere yelemɛŋerɛ puan.

Tõoma 20:28

Biheri ya, ya mɛhi suŋa, gee me biha piihi la ti Fa'a Sia la dikɛ ya ti ya biha la. Ya biha Yinɛ lageŋɔ la ti a dikɛ a mɛŋa Dayua ziim to'e ku la.

Tõoma 26:18

ti fum pikɛ ba nini ti ba ta'am ŋmɛregɛ lika la puan lebe niihum la puan na, ba yehe Sagena la bobere la puan wa'am Yinɛ ze'a na, la ba to'e ba be'em sugeri, gee me lagum pa'ahɛ sɛba n pee ba mɛhi doohe ban tari sakerɛ bo' mam se'em la.’

Tõoma 26:28

Ti naba Agiripa yele Pɔɔl yeti, “Fum kɔ'ɔm zigera mɛ ti mam lebege Yezu zahera kalam?”

Aromduma 9:24

ta' la tumam sɛba ti a yi tu, dagi la Yuu buuri puan ma'a, gee sɛba en dagi Yuu buuri la me la?

1 Korẽntɩ 3:17

Ya se'em han sagum Yinɛ yire wa, Yinɛ me wan sagum a daana. Se'ere en sɔi la, Yinɛ yire la dela fa'a, ti yamam en dɛna Yinɛ yire la.

Efɛɛzɩ 1:14

Yele dina en de daalehum, pa'alɛ ti tu tari tɔtɛ en yɔ to'e tu ti tu dɛna Yinɛ mɛŋa nɛreba la dɛna pɛka bo' a suŋa la.

Efɛɛzɩ 1:6

ti pɛka paaɛ a suŋa zu'uhegɔ la ti a ka'ɛ saarum tu zuo na yoo a dayɔba'arɛ la puan la.

Efɛɛzɩ 3:21

Eŋa ti lageŋɔ la pɛgera, doohe Kiresta Yezu, la buuri woo, wuuha wuuha. Taari.

Filipi 3:14

N tiregeri mɛ ti n di mi'a, la n to'e yɔɔrɛ la en de saazuo yi'a wa yɔɔrɛ, ti Yinɛ yi' mam doohe Kiresta Yezu puan la.

Kolɔsɩ 1:13

Yinɛ faaɛ tu mɛ yehe lika paŋa puan bahɛ, gee tee dikɛ tu ki'ihɛ a Dayɔba'arɛ sɔ'ɔlum la puan,

2 Timoti 1:9

se'em en faaɛ tɔ, gee yi' tu tuulum yi'a, dagi la tu tuuma zuo, gee eŋa mɛŋa en boti se'em, la a zu'uhegɔ zuo. Zu'uhegɔ kuna wa dikɛ bo' tu doohe la Kiresta Yezu puan, diimen diimen ha,

Taitusi 2:14

Eŋa en kaabɛ a mɛŋa bo' tu, ti a yɔ to'e tu tuure woo puan, gee pee tu bo' a mɛŋa, ti tu dɛna a mɛŋa nɛreba, sɛba en mu'ɛ nini tuna tuunsunɛ.

1 Pita 1:2

Sɛba ti Yinɛ en de Sɔ la daa pun te'ele looe ba, maahum ba, gee duuhe ba la a Fa'a Sia la, ti ba nana Yezu Kiresta, gee ti a miihi ba la Yezu ziim la. Zu'uhegɔ la suma'ahum zo'e zo'e dɛna ya dinɛ.

1 Pita 2:5

Wuu yan de vom kuga en dikɛ ya mɛhi mɛ Sia yire, deni ya tuulum malema duma, kaabera sia puan kaabegɔ en tigɛ Yinɛ nini doohe Yezu Kiresta puan.

1 Pita 4:11

Fum se'em en tɔgeri, dela a tɔgera wuu Yinɛ mɛŋa en tɔgeri la. Fum se'em en tuni bɔ'ɔra, dela a tuna la pansɛka za'a ti Yinɛ bo' en la, bala ti Yinɛ wan nyɛ na'ahegɔ sɛla woo puan, doohe Yezu Kiresta puan. Eŋa en sɔi na'ahegɔ la paŋa, wuuha wuuha. Taari.

Lilegere 1:6

gee iŋɛ tɔ ti tu dɛna sɔ'ɔlum, gee dɛna malema duma, tuna bɔ'ɔra a Yinɛ la Sɔ la, eŋa ti na'ahegɔ la kpe'eŋo dɛna a dinɛ wuuha wuuha. Taari.

Lilegere 20:6

Sum, la tuntɔɔnɛ dela sɛba en ta lagum vo'e yia vo'ore la dinɛ. Bana ti kum buyi' la ka le tana la. Gee ba wan dɛna malema duma bo' Yinɛ, la a Kiresta la, gee dɛna kiinduma la en, yuuma tuhere la puan.

Lilegere 5:10

Fum iŋɛ ba ti ba dɛna la malema duma buuri sɔ'ɔlum, tuna bɔ'ɔra Yinɛ,” ba wan sɔna timpaberɛ wa zuo biha.