1 Pita 2:21 - ZE'ELEGO PAALEGA

²¹ Ŋwana zuo ti Yinɛ yi' ya la, beni zuo, Kiresta namehɛ mɛ bo' yamam ti ya biha bala niira a nama la.

Farefare Ninkaré

²¹ La de la bɛla ĩyã tɩ Nawẽnnɛ wi ya. Krisi mẽ daan nãmsɛ yãma ĩyã mɛ, basɛ mãmsgɔ tɩ ya dɔla a nabara ɩta wʋ ẽŋa n ẽŋɛ se'em na.

1 Pita 2:21 ပူးပေါင်းရင်းမြစ်များ

Amatie 10:38

Se'em wuu n ka sakɛ dikɛ a pumpuuredɔɔ zi dɔla mam ka nari ma.

Amatie 11:29

Dikɛ ya mam yɔka la yɔgɛ ya mɛhi, gee zamehɛ mam zi'an, Se'ere en sɔi la, mam dela nɛre ma'ma', gee sigehe n mɛŋa n suure puan. Ya wan nyɛ vo'ohego bo' ya sɛɛhi.

Amatie 16:24

Ti Yezu yele a zahereba la yeti, “Se'em woo en boti a dɔla mam, a daana zagehɛ a mɛŋa gee dikɛ a pumpuuredɔɔ zi dɔla mam.

Aluki 24:26

La dagi la de sore ti Kiresta la namehɛ yele ana woo puan gee nyaa kɛ̃ a suŋa la puan?”

Azã 13:15

Mam iŋɛ biŋe ya mɛ, ti ya me ita wuu mam n iŋɛ se'em la.

Azã 16:33

N yeti ya dina wa, ti ya tara suma'ahum mam puan. Han dɛna timpaberɛ wa zuo, ya wan nyɛ mɛlehegɔ. Gee da bahɛ ya ti dabeem tara ya, gee mam pun nyaŋɛ timpaberɛ wa mɛ.”

Tõoma 14:22

Ba doohe malum kpe'em zahereba la gee kpemehe ba ti ba bɔna ba sakerɛ la puan, yɛta ba yeti, “Tu wan doohe la namehegɔ zo'e zo'e puan gee kɛ̃ Yinɛ sɔ'ɔlum la puan.”

Tõoma 17:3

ti a pa'ala ba, gee niira bɔ'ɔra ba ti la de la Kiresta la namehɛ gee ihege kum puan. Gee nyaa yele ba yeti, “Yezu kana wa, se'em ti mam muula bɔ'ɔra ya wa en de Kiresta la.”

Tõoma 9:16

Mam mɛŋa wan pa'alɛ en, en de a namehɛ namehɛ kãra sɛ'a mam yu'urɛ wa muulegɔ zuo.”

Aromduma 8:29

Se'ere en sɔi la, sɛba ti a pun mina la, a pun maahum ba ze'ele mɛ, ti ba tara a dayua la naanɛ, ti a dayua la ta'am dɛna zuodaana suurɔ kekeko puan.

1 Korẽntɩ 11:1

Tɔgehi ya mam, wuu mam tɔgehɛ Kiresta se'em la.

Efɛɛzɩ 5:2

gee vɔni ya la nɔŋerɛ wuu Kiresta n nɔŋɛ tɔ se'em, dikɛ a mɛŋa bo' tu se'em, lebege nyuuŋo suŋɔ kaabegɔ bo'olum ti ba kaabɛ bo' Yinɛ la.

Filipi 2:5

Bahɛ ya ti putɛ'se'ere en boi Kiresta Yezu puan la, bɔna yamam me puan.

1 Tesaloniki 3:3

ti ya se'em da miina mɛlehegɔ kuna wa zuo. Yelemɛŋerɛ, ya mɛhi mi' ti tumam n lu' tu suya ti tu paaɛ zi'an n bala.

1 Tesaloniki 4:2

Se'ere en sɔi la, ya mi' pa'alegɔ seko ti tu dikɛ bo' ya doohe Daana Yezu puan la.

2 Timoti 3:12

Yelemɛŋerɛ, sɛba woo en boti ba vɔna Yinɛ zoolum vom Kiresta Yezu puan, wan nyɛ mɛlehegɔ.

Hiburuduma 2:10

La daa dela ma'a, ti Yinɛ se'em en sɔi, la se'em puan ti sɛla woo bɔna la, en boti a tari nɛreba zo'e zo'e wa'am suŋa puan na la zuo, a bahɛ ti se'em en de ba faarɛ nɛŋa daana la bi'ihɛ a mɛŋa kahegɛ namehegɔ puan.

1 Pita 1:20

Yinɛ yuum pun maahum en mɛ gee ti timpaberɛ wa baŋɛ pi'ilum, gee ta niiɛ en ba'ahegɔ saŋa wa puan, yamam zuo.

1 Pita 2:24

Eŋa mɛŋa en zi' tu be'em a iŋa puan pumpuuredɔɔ la zuo. Be'em la en ki tumam puan la, tu nyaa wan vɔna tuuntɔɔ vom. A pɔgeleŋɔ la puan, ti ya nyɛ tibegɔ.

1 Pita 3:18

Kiresta me wa namehɛ mɛ buyina, tumam za'a be'em zuo. Tuntɔɔ daana en namehɛ bo' sɛba en dagi tuuntɔɔ duma, ti a tari ya na bo' Yinɛ. Ba ku en mɛ ingɔŋɔ wa puan, gee ba vo'e en mɛ Sia puan,

1 Pita 3:9

Da dikɛ be'em yɔ be'em, bii kɛhega yɔ kɛhega. Gee lan de se'em dela, lɛbehera sum. Ŋwana zuo ti Yinɛ yi' ya, ti ya wa'am na to'e sum la.

1 Pita 4:1

Lan de ti Kiresta namehɛ mɛ ingɔŋɔ wa puan la, me bobe ya mɛhi la zaba lɔgerɔ, la putɛ' dinɛ mɛa. (Bala fum se'em woo en boi Kiresta puan nyɛ namehegɔ fum ingɔŋɔ wa puan, la dela fum nyaŋɛ be'em paŋa).

1 Pita 4:13

Gee nyɛɛni ya, la yan lagum tuta Kiresta namehegɔ la, bala ti ya me wan ta vɔɔla la nyɛɛma, a han ta niiɛ na la a suŋa la.

1 Zã 2:6

Se'em woo en yeti, “Mam boi a puan.” Dela a ita itegɔ wuu eŋa en iti se'em la.

1 Zã 3:16

Tu mi' nɔŋerɛ la dina wa puan ti, a dikɛ la a vom biŋe bo' tumam, ti tumam me dɛna la tu dikɛ tu vom biŋe bo' tu taaba.

Lilegere 12:11

Gee ba nyaŋɛ en mɛ la Pebila la ziim la, la ba nuurɛ yetɔgum, se'ere en sɔi la, ba daa ka fabele ba vom yele, la kum nɛŋan me.