1 Pita 1:7 - ZE'ELEGO PAALEGA

⁷ ti ya yelemɛŋerɛ sakerɛ la en tari tibehum gana salema, sakerɛ wa en tari tibehum gana salema wa, en pun tana Sagena la, gee ba wan kelum magehɛ bu la bugum bihɛ, bala mɛa ti ba wan magehɛ ya sakerɛ la bihɛ, gee de wan tara pɛka la suŋa, la na'ahegɔ, Yezu Kiresta han ta niiɛ na.

Farefare Ninkaré

⁷ Nãmsgɔ la de la sɛla n makrɩ bɩsra ya bɔ sɩra la n ãn se'em. Sãlma de la sɛla n sã'anɩ, la ba ẽn dɩkɛ ẽ makɛ la bugum bɩsɛ ẽn ãn se'em. La yãma bɔ sɩra la tarɩ yõorɔ mɛ zozo'e gãnna sãlma. Bɛla tɩ la makra ya bɔ sɩra la bɩsra, tɩ ya sãn ze'ele kãŋkãŋɛ, ya wʋn yẽ pẽka, la nã'asgɔ Azezi-krisi lemŋo daarɛ.

1 Pita 1:7 ပူးပေါင်းရင်းမြစ်များ

Amatie 19:28

Ti Yezu yele ba yeti, “N yeti ya la Yelemɛŋerɛ wa ti, sɛla woo paalega saŋa la han ta paaɛ, ti Asaala Dayua la zi'ire a suŋa na'am kuka la zuo ba'ahɛ, yamam sɛba en doohe mam la me wan zi'a na'am kugehi pia la tuyi' me bihera Izirale buuri pia la ba yi' la.

Amatie 25:21

Ti a Daana la yele en yeti, “Fum fara fara, fum dela da'aberɛ suŋa tari yelemɛŋerɛ.” Fum tari yelemɛŋerɛ lɔgerɔ fii wa puan la, n nyaa wan dikɛ lɔgerɔ kekeko iŋɛ fum nu'uhen. Lagum pa'ahɛ fum daana nyɛɛma la puan.

Amatie 25:23

Ti a daana la yele en yeti, ‘Fum fara fara, fum dela da'aberɛ suŋa, tara yelemɛŋerɛ. Fum n tari yelemɛŋerɛ yɛla fii wa puan la, n nyaa wan dikɛ lɔgerɔ kekeko iŋɛ fum nu'uhen. Lagum pa'ahɛ fum daana nyɛɛma wa puan.’

Aluki 12:33

Bala, koohe ya lɔgerɔ za'a dikɛ ligeri la bo' tarenduma. Maahum ya ligeri tapɔtɔ seto n ka aaheni bo' ya mɛhi, dikɛ ya ligeri biŋe saazuo ha, ze'sɛka ti nageyiga ka pɔra bini, bii mɔka wan paaɛ sagum.

Aluki 17:30

La ta yeti la ana la bala Asaala Dayua la niirɛ daarɛ la.

Azã 12:26

Se'em n wan dɛna mam yameŋa dela, a dɔla mam. Mam n boi zi'an la, n yameŋa la me wan bɔna la bilam. Se'em woo n de mam yameŋa tuna bɔ'ɔra mam la, Sɔ la wan zɛkɛ en.

Azã 5:44

Ya yeti ya iŋɛ la wani nam mam. Ya han tɔ'ɔha taaba na'ahegɔ, gee ka ɛɛra la ninmu'urɛ, na'ahegɔ seko n ze'eti se'em ma'a n de Yinɛ la zi'an na la?

Tõoma 8:20

Gee Pita yele en yeti, “Fum la fum ligeri la bahɛ yoo, la fum ti'ihɛ ti fum wan ta'am da' Yinɛ bo'olum wa la ligeri la.

Aromduma 2:10

Gee suŋa la na'ahegɔ, la suma'ahum wan bɔna bo' se'em woo en tuni sum la, pɔhera Yuuduma, gee nyaa paara Girikiduma me.

Aromduma 2:29

Gee yelemɛŋerɛ se'em n de Yuda buuri paaɛ paaɛ dela puan ha. Ŋmaa yelemɛŋerɛ dela suure puan. La dela Sia puan, dagi inganɛ. Nɛre-ina taaba ka to'ore pɛka nɛreba zi'an, gee Yinɛ mɛŋa zi'an.

Aromduma 2:7

Sɛba en ŋmibe tuna sum la, se'ere en sɔi la, ba nini mu'ɛ mɛ ɛɛra suŋa, na'ahegɔ, la sɛla en ka pu'uri. Yinɛ wan bo' ba vom kamba'ahɛ.

Aromduma 8:19

Timpaberɛ wa za'a ani la kɛli, gee gura Yinɛ kɔma wa niirɛ na.

1 Korẽntɩ 3:13

mɛta woo tuunɛ wan ta niiɛ na, se'ere en sɔi la, dabeherɛ la daarɛ wan niiɛ dɛ na, beni zuo, bugum en wan ta bahɛ ti de niiɛ na, bugum la wan magehɛ tuunse'ere taaba ti nɛra woo tum la bihɛ.

1 Korẽntɩ 4:5

Bala, da gakɛ ya gee ti saŋa la nyaa paaɛ, gee ti Kiresta nyaa wa'am na, eŋa se'em daana en wan bahɛ ti sɛlawoo en sugɛ lika puan nananawa niiɛ peelumen, gee lilege suure puan yɛla la. Bilam ti nɛrawoo nyaa wan to'e a pɛka Yinɛ zi'an.

Yemesi 1:12

Sum boi mɛ la se'em en ŋmiberi makerɛ puan. Ena daana nyaŋɛ magehegɔ la mɛ, wan to'e vom muŋa la, ti Daana la biŋe nuurɛ ti a bo' sɛba en nɔŋɛ en la.

1 Pita 1:13

Ŋwana zuo, maahum ya puti'ira ti ya tum. Tana ya mɛhi tara. Bahɛ ya ti ya puti'ira za'a bɔna zu'uhegɔ seko ti Yezu Kiresta wan tari na bo' ya, a han ta niiɛ na la puan.

1 Pita 1:5

Yamam sɛba ti Yinɛ paŋa gu'ura ya doohe ya sakerɛ puan la, ya faarɛ la wan niiɛ ba'ahegɔ saŋa la na.

1 Pita 2:4

Wa'am ya a zi'an na, eŋa en de vom ɛ̃berɛ kugere la, la saaleba en pun zagehɛ en la, gee eŋa ti Yinɛ looe, ti a dɛna tuulum lɔkɔ Yinɛ nɛŋan.

1 Pita 2:7

Ti fum se'em woo en nam, a dela tuulum lɔkɔ bo' fum, gee sɛba en ka nam la, “Ɛ̃berɛ kuge se'ere ti mɛteba zagehɛ la, dinɛ en de kuge sunɛ, tara ɛ̃berɛ la,”

1 Pita 4:12

N sunɔŋerɛ duma wa, da bahɛ ya ti la iŋɛ ya pakerɛ, la namehɛ tuulɛ wa en boi ya puan ti bu makɛ ya bihɛ wa, ti la ana wuu yele saanɛ bo' ya.

1 Pita 4:13

Gee nyɛɛni ya, la yan lagum tuta Kiresta namehegɔ la, bala ti ya me wan ta vɔɔla la nyɛɛma, a han ta niiɛ na la a suŋa la.

1 Pita 5:1

Nananawa, mam mɛŋa en de kiima, gee dɛna aze'nyɛ daana bo' Kiresta namehegɔ la, gee me dɛna se'em en wan ta nyɛ tɔtɛ suŋa la en wan ta niiɛ na la puan. Mam kpemehe kiinduma en boi ya puan la

2 Pita 1:1

Mam Simɔn Pita, en de yameŋa, dɛna Yezu Kiresta tuntuna la, en gulehɛ bɔ'ɔra sɛba en doohe Yinɛ la Faara Yezu Kiresta tuntɔɔnɛ la puan to'e sakerɛ en de tuulum lɔkɔ wuu tumam dinɛ la.

2 Pita 1:4

Bala ti a doohe yele ana wa puan, bo' tu a tuulum nɔbiŋe kãra la, ti bamam puan, ya wan ta'am piiɛ ŋmɛlema sɛ'a en boi timpaberɛ wa zuo, kunkoma'ahum zuo la, gee tugum lagum tara a sia puan naanɛ la.

2 Pita 3:14

Bala, n sunɔŋerɛ duma wa, yan guri yele ana wa la, zigɛ ya mɛ ti ya nyɛ en la suma'ahum, ti dɛkɔ ka lama ya, bii tuure,

Azudi 1:24

Nananawa, se'em Daana en wan ta'am tara ya ti ya kan lu la, gee me iŋɛ ya ti ya zɛ'a filam ti dɛkɔ ka lama ya ya Daana la suŋa la nɛŋan, la nyɛɛma.

Lilegere 1:7

Bihɛ ya! Eŋa en bala bɔna sagbama puan kina na la. Niho woo wan nyɛ en pun ta ta' sɛba en daa lu' en la. Eŋa en kinɛ na la zuo, buuri woo en boi timpaberɛ wa zuo wan kele. Lan yeti la ana se'em en bala. Taari.

Lilegere 2:10

Da zoti ya dabeem la yan boi bini ti ya namehɛ namehegɔ seko wa. Mini ya suŋa ti bumbe'o la maahum mɛ ti a bahɛ ti ba pagɛ ya sɛba paka deto puan, ti la dɛna makerɛ bo' ya, dabeha pia ti ba wan dikɛ pɔgelum ya. Gee tari ya sakerɛ ta paaɛ kum, gee ti n bo' ya vom muŋa la.

Lilegere 3:10

Yamam en tari mam yelehum la en de sugeri, la ŋmibega la zuo, n wan gu' ya makerɛ se'ere en ye'ehe timpaberɛ wa zuo na ti de makɛ tiŋa wa zuo nɛreba za'a la puan.

Lilegere 3:18

Bala zuo, mam ka'ani ya mɛ ti, ya wa'am na da' salema sɛ'a ti bugum bi'ihɛ a paaɛ la mam zi'an, la ya dɛna buntateba. Da' ya futo pɛɛla mam zi'an bagɛ pi' ya nyanɛ la, ti nɛreba da nyɛta ya beele la, gee da' tisumɔ mam zi'an tigɛ ya nini, la ya nyɛta suŋa.