1 Pita 1:25 - ZE'ELEGO PAALEGA

²⁵ gee Daana yelehum la kɔ'ɔm bɔna mɛ wuuha wuuha.” Yelehum buna wa dela faarɛ yelehum sebo ti ba muulɛ bo' ya la.

Farefare Ninkaré

²⁵ La Nawẽnnɛ yetɔga boe la wakatɛ n ka ba'asrɩ.» Yetɔg-ẽŋa n de kõ-yẽlga la tɩ ba mõolɛ bɔ ya la.

1 Pita 1:25 ပူးပေါင်းရင်းမြစ်များ

Amatie 5:18

Mam yeti ya la yelemɛŋerɛ wa, ti han dagena ti saazuo la timpaberɛ n tole, gulehɛgɔ pika yɛla la puan kan makɛ saalum, han dagena a za'a wa'am na tum mɛ.

Aluki 16:17

La ka tɔi ti saazuo la tiŋa wa mɛlum, gee la kpe'em mɛ ti gulehegɔ pika pa'alegɔ wa puan saalum.

Azã 1:1

Pi'ileŋo puan na la, ti se'em en de Yelehum la pun bɔna mɛ. Yelehum wa boi mɛ la Yinɛ, gee ti Yelehum wa dɛna Yinɛ.

Azã 1:14

Ti se'em ti ba yi'ira Yelehum wa, ta lebege asaala, bɔna la tɔ, ti tu nyɛ a suŋa, sunsɛka en pa'ali ti a dela Sɔ dayɔba'arɛ, pirɛ la zu'uhegɔ, la yelemɛŋerɛ.

1 Korẽntɩ 2:2

Beni zuo, mam daa iŋɛ n puti'irɛ ti n ka boti n baŋɛ se'ere ya puan, han dagena Yezu Kiresta, la ban en kpa' en la ma'a.

Efɛɛzɩ 2:17

Bala, a wa'am na muulɛ la suma'ahum bo' yamam sɛba n daa zaaɛ zaaɛ ha la, gee bo' yamam sɛba n lɛm la.

Efɛɛzɩ 3:8

Gee la mam n pun pɔ'ɛ nɛresunduma la za'a puan la, Yinɛ dikɛ la zu'uhegɔ kuna bo' mam, ti n tari Kiresta tarega la n ka tari makerɛ la faarɛ yelesuma la na bo' sɛba n dagi Yuuduma la,

Taitusi 1:3

Sansɛka en nari la puan, ti a niiɛ a yelehum la doohe muulegɔ puan, muulegɔ seko en dikɛ bo' mam, doohe Yinɛ en de tu faara la nuuren.

Hiburuduma 6:5

Bama sɛba en tabelɛ nyɛ sum sebo en boi Yinɛ yelehum puan la, gee me mina Yinɛ paŋa n wan ta ana se'em saŋa en kini na,

1 Pita 1:12

La yuum niiɛ pa'alɛ ba yeti, ba ka tuni bɔ'ɔra la ba mɛhi, gee tumam, doohe yelesɛ'a en nyaa muulɛ bo' ya nananawa, doohe sɛba en tari faarɛ yelehum wa na bo' ya la, doohe Fa'a Sia la ti Yinɛ tum en saazuo ha bahɛ na la.Yele sɛ'a ti suŋereba mu'ɛ nini ti ba nyɛ la.

1 Pita 1:23

Ba dɔgɛ ya la dɔgum paalum, dagena la biiliho sebo en pu'uri, gee biiliho sebo en ka pu'uri, ba malum dɔgɛ ya doohe la Yinɛ yelehum vua la en ka malum ba'aha la puan.

1 Pita 2:2

Wuu yan de bilɛɛhi la, kɔ'ɔm leebere ya mɛ la Sia puan bi'ihum sumɔ la, bala ti bu wan bahɛ ti ya zɔ'ɔra ya faarɛ la puan,

2 Pita 1:19

Bala, tumam en tari purega yelehum la yelemɛŋerɛ. La wan ana ya suŋa, ya han kpeŋe ya mɛhi kɛleha yelehum wa en de butolela niira lika puan wa, gura ti beere ta yilegɛ, ti bulika belum ŋma'arɛ niira ya suya puan.

1 Zã 1:1

Tumam muuli la se'em en daa pun bɔna pi'ileŋen ha yele, se'em yele ti tumam wum, se'em ti tumam nyɛ la tu nini, se'em ti tu bihɛ, gee gurɛ en la tu nu'uhi. Yelemɛŋerɛ, eŋa en de vom yelehum la.

1 Zã 1:3

Le yɛ'ɛha tumam muuli la sɛla ti tu nyɛ gee wum bɔ'ɔra ya, ti yamam me bɔna la tɔ kankaŋi, gee yelemɛŋerɛ, tu boi mɛ la Yinɛ en de Sɔ la, la a Dayua Yezu Kiresta la kankaŋi.

Lilegere 14:6

Ti mam nyɛ ti suŋera ayima ɛgeri sagbama wa zuo, tara faarɛ yelehum la en ka tari ba'ahegɔ la, ti a muulɛ bo' sɛba en vɔi timpaberɛ wa zuo, tiŋa woo, buuri woo, la tugum woo, la nɛreba woo.