1 Pita 1:2 - ZE'ELEGO PAALEGA

² Sɛba ti Yinɛ en de Sɔ la daa pun te'ele looe ba, maahum ba, gee duuhe ba la a Fa'a Sia la, ti ba nana Yezu Kiresta, gee ti a miihi ba la Yezu ziim la. Zu'uhegɔ la suma'ahum zo'e zo'e dɛna ya dinɛ.

Farefare Ninkaré

² La de la tɩ Sɔ Nawẽnnɛ n looge ya wʋ ẽŋa n dẽŋɛ looge a yɛm se'em na, tɩ a Sɩa welge ya to'ore, tɩ Azezi-krisi zɩɩm peege ya tɩ ya ãna sõŋa, sakra a nõorɛ. Nawẽnnɛ wʋn ẽŋɛ ya yel-sõnnɛ, dee bɔ ya sũ-mã'asʋm zozo'e.

1 Pita 1:2 ပူးပေါင်းရင်းမြစ်များ

Amatie 24:22

Yinɛ han ka ŋmaaɛ dabeha aŋa la girego bahɛ, nɛra ka bu n wan nyɛ faarɛ. Gee sɛba ti Yinɛ looe la zuo, a wan ŋmaaɛ dabeha aŋa girega girega.

Amatie 24:24

Se'ere en sɔi la, Kiresta pumparenduma la nɔtɔgehe pumparenduma wan wa'am na tuna daalehum kãra, nyalema ti ba pã'ahɛ nɛreba zo'e zo'e ti ba bɔregɛ. La han wan ta'am iŋɛ ni, ba wan lagum pã'ahɛ sɛba ti Yinɛ mɛŋa looe la.

Amatie 24:31

Tintanɛ wan ta peebe paŋa paŋa, ti a yi' a suŋereba tum ba ti ba doohe tiŋa wa luga anaahi la za'a lagehɛ sɛba ti a pun looe, ze'ele lugerɛ deyima ta paaɛ lugerɛ deyima.

Amarkɩ 13:20

Daana la han ka ŋmaaɛ ni dabeha aŋa girega, nɛrebeeleho ka boi n wan vo'e. Gee nɛresunduma la zuo, sɛba ti a mɛŋa looe la zuo, ti a ŋmaaɛ dabeha aŋa girega.

Amarkɩ 13:22

Se'ere en sɔi la, Kiresta pumpã'aheduma la nɔtɔgehe pumparenduma wan ta wa'am na tuna pa'ahegɔ kirehi ti ba bahɛ ti nɛreba bɔregɛ. La han wan ta'am ni iŋɛ ni, ba wan pã'ahɛ ni sɛba ti Yinɛ pun looe la.

Amarkɩ 13:27

A nyaa wan tum a suŋereba ti ba doohe timpaberɛ wa zuo luga anaahi la za'a lagehɛ nɛresɛba woo ti a lugehe ba la, ze'ele timpaberɛ wa tɛka beene ta paaɛ zuo ha.

Aluki 18:7

Gee Yinɛ en tugum kan bo' sɛba ti a mɛŋa looe la en kaahi bɔ'ɔra en bulika la yu'uŋɔ la? A wan yuue mɛ gee suŋɛ ba yoi?

Tõoma 15:18

nɛreba bɔkera yele ana yuuma yuuma ha la.’

Tõoma 2:23

Buraa kana wa daa lu ya nu'uhen doohe la Yinɛ mɛŋa n pun maahum a mina de se'em la, ti ya daa kpa' en gee ku en, doohe la yan dikɛ en bu sɛba n ka mi' kiha la ti ba ku en la.

Tõoma 20:32

Gee nananawa, mam dikɛ ya ita la Yinɛ nu'uhen la a zu'uhegɔ yelehum la puan. Yelehum sebo n wan ta'am mɛ ya ze'ele, gee bo' ya tɔtɛ la sɛba n pee ba mɛhi la.

Aromduma 1:5

Se'em puan ti tumam to'e zu'uhegɔ, la tuntuneba yɔ'ɔ, ti tu bahɛ ti timpaberɛ wa nɛreba za'a me nam, gee tara sakerɛ a yu'urɛ la puan.

Aromduma 1:7

Mam Pɔɔl n gulehɛ bɔ'ɔra la yamam sɛba woo ti Yinɛ nɔŋɛ ya, ti ya bɔna Arome tiŋa puan, ti Yinɛ yi' ya ti ya dɛna nɛresunduma la. Zu'uhegɔ dɛna ya dinɛ, ti suma'ahum en ze'eti Yinɛ en de tu Sɔ, la Daana Yezu Kiresta zi'an la dɛna ya dinɛ.

Aromduma 11:2

Yinɛ ka zagehɛ a nɛreba sɛba ti a pun mina ba na la. Ya ka mi' Yinɛ gɔŋɔ la en tɔgɛ Elia yele se'em, en yuum ŋmɛ'ɛri nupu'ɔ Yinɛ nɛŋan Izirale yele se'em la?

Aromduma 11:28

Han dɛna la yelehum la, ba dela Yinɛ dinduma yamam zuo. Gee han dɛna loohego, bamam ti Yinɛ nɔŋɛ, ba yaabeduma zuo.

Aromduma 15:16

ti n dɛna Kiresta Yezu tuntuna bo' sɛba en dagi Yuda buuri la, malema daana tuuma Yinɛ faarɛ yelehum wa puan, ti sɛba en dagi Yuda buuri wa la, Yinɛ to'e ba kaabegɔ, ti Fa'a Sia la pee ba.

Aromduma 16:19

Ya naŋa la en yehe zi'an woo se'em la, en bahɛ ti mam nyɛɛna ya zuo, n boti ya tara la yɛm, sɛla en ani suŋa puan, gee yehe ya mɛhi sɛla en de be'em puan.

Aromduma 16:26

gee nananawa, de nyaa niiɛ na, doohe nɔtɔgeheba en gulehɛ se'em la, de niiɛ bo' sɛba woo en dagi Yuda buuri la, Yinɛ en boi wuuha wa n bo' a nuurɛ se'em, ti a bahɛ ti nɛra woo nam gee sakɛ la.

Aromduma 8:13

Ya han vɔna inganɛ la en boti se'em la, ya wan ki. Gee ya han vɔna Fa'a Sia la puan, ku inganɛ tuuma la, ya wan vɔna.

Aromduma 8:33

Ani n wan ta'am tari se'ere na dɔgelɛ sɛba ti Yinɛ looe la zuo? La dela Yinɛ mɛŋa en bo' tu buurɔ.

1 Korẽntɩ 1:30

Yinɛ en de ya vom nyɛgerɛ, Kiresta Yezu puan, se'em en de tu yɛm, ze'ele Yinɛ zi'an na, dɛna tuuntɔɔ la, se'em en sokere la, la ayɔto'e daana la,

1 Korẽntɩ 6:11

Gee bala ti ya sɛba daa ana. Gee ba pee ya mɛ, ba sukɛ ya mɛ, ba bo' ya la buurɔ tu Daana Yezu Kiresta yu'urɛ la, la tu Yinɛ Sia la puan.

2 Korẽntɩ 10:5

Tu sageni nɔkpɛ'ɛma mɛ la pirega lɔgeseko woo n zaberɛ la Yinɛ mi'ilum la, gee nyɔgera putɛ'sɛ'a woo n boi ti ba nana Kiresta.

2 Korẽntɩ 13:14

Tu Daana Yezu Kiresta zu'uhegɔ, Yinɛ nɔŋelum, Fa'a Sia suunuurɛ bɔna la ya za'a.

Kolɔsɩ 3:12

Wuu Yinɛ en looe ya la, ti ya dɛna tuulum nɛreba ti a nɔŋɛ la, bagɛ mɛhi la ya nɛreba giile, itesuŋɔ, sigehe mɛa, ma'ma', la sudi'ihego

2 Tesaloniki 2:13

Gee tumam dela tu bɔ'ɔra Yinɛ fara saŋa woo ya zuo, n suurɔ ti Daana la nɔŋɛ wa, se'ere en sɔi la, Yinɛ en looe ya ti ya dɛna wala diina faarɛ puan, doohe Fa'a Sia la en pee ya la, la yan nam yelemɛŋerɛ la.

2 Timoti 2:10

Bala zuo, mam ŋmiberi mɛ sɛla woo puan, sɛba ti ba looe la zuo, ti ba me nyɛ faarɛ se'ere en boi Kiresta Yezu puan, la na'ahegɔ seko en ka tari ba'ahegɔ la.

Taitusi 1:1

Mam Pɔɔl en de Yinɛ da'aberɛ, gee dɛna Yezu Kiresta tuntuna, sɛba ti Yinɛ looe la sakerɛ la zuo, la yelemɛŋerɛ mi'ilum sebo en dole Yinɛ zoolum la,

Hiburuduma 10:22

bahɛ ya ti tu vurege du' la yelemɛŋerɛ suure, tari puti'irɛ n pirɛ la sakerɛ, ti tu suya miihi ti ba duuhe a be'em puti'irɛ, ti tu ihe pee la tuulum ko'om.

Hiburuduma 11:28

Sakerɛ zuo ti a doohe azɔɛtole malema la, la ziim miihego, ti Sagena la en dole kuura bikiinduma la da ta'am kalum Izirale bikiima.

Hiburuduma 12:24

Ya wa'am la Yezu en de nupu'ŋmɛ'ɛra nɔpu'ule paalega la puan la zi'an na, la ziim sebo en dikɛ miihi, gee tɔgera yelesuma gana Abɛl ziim la zi'an na.

Hiburuduma 5:9

Ti en doohe ŋwana woo puan tole la, a nyaa bi'ɛ kahegɛ mɛ, a nyaa dela se'em puan ti vomkan ba'ahɛ faarɛ bɔna bo' sɛba woo en nane en la.

1 Pita 1:14

Wuu yan de kɔma en nane la, da naaɛ ya la kunkoma'ahum sebo taaba ti ya yuum pun tara, yan yuum nan ka mi' la.

1 Pita 1:19

gee Kiresta tuulum ziim en ani wuu kaabegɔ pebila en ka bɛ̃' bii tara dɛkɔ se'em la.

1 Pita 1:20

Yinɛ yuum pun maahum en mɛ gee ti timpaberɛ wa baŋɛ pi'ilum, gee ta niiɛ en ba'ahegɔ saŋa wa puan, yamam zuo.

1 Pita 1:22

Nananawa ti ya pee ya sɛɛhi doohe yan nam yelemɛŋerɛ la, nyaa tara yelemɛŋerɛ nɔŋerɛ la, nɔŋɛ ya taaba paaɛ paaɛ ya suya puan ha.

1 Pita 2:9

Gee yamam dela buuri se'ere ti Yinɛ looe, ya dela malemaduma nabiihi, dɛna tuulum timpaberɛ, Yinɛ mɛŋa nɛreba, ti ya muulɛ tuunkãra sɛ'a en de se'em daana en yi' ya lika puan yehe niihum kãtɛ puan na la dinɛ.

2 Pita 1:2

Zu'uhegɔ la suma'ahum en pirɛ paaɛ dɛna ya dinɛ doohe yan mi' Yinɛ, la tu Daana Yezu Kiresta se'em la.

2 Zã 1:1

Kiima la en gulehɛ bɔ'ɔra pɔgesɛka ti Yinɛ looe la, la ka kɔma, ti mam nɔŋɛ ba yelemɛŋerɛ la puan. Dagi mam ma'a, la sɛba woo en me mi' yelemɛŋerɛ la.

2 Zã 1:13

Fum suuɔ kɔma sɛba ti Yinɛ looe la pu'uhi fum na.

Azudi 1:2

Nimbɔ'zɔrɛ, la suma'ahum, la nɔŋerɛ en ka tari makerɛ dɛna ya dinɛ.