1 Pita 1:13 - ZE'ELEGO PAALEGA

¹³ Ŋwana zuo, maahum ya puti'ira ti ya tum. Tana ya mɛhi tara. Bahɛ ya ti ya puti'ira za'a bɔna zu'uhegɔ seko ti Yezu Kiresta wan tari na bo' ya, a han ta niiɛ na la puan.

Farefare Ninkaré

¹³ Bɛla ĩyã, yõkɛ ya tagsgɔ tara ya mẽŋa sõŋa, dee gu'ura la ya sũure wuu yel-sõnnɛ na tɩ ya tarɩ pʋtẽ'erɛ gu'ura tɩ Nawẽnnɛ yetɩ a ẽŋɛ bɔ ya Azezi-krisi lemŋo wakatɛ la.

1 Pita 1:13 ပူးပေါင်းရင်းမြစ်များ

Amatie 20:4

ti a yele ba yeti, ‘Yamam me kiŋɛ n tiihi wala va'am la puan ta tum, n wan yɔ ya la nari se'em.’ Ti ba kiŋɛ.

Aluki 12:35

“Bobe ya kankaŋi maahum tuuma. Bahɛ ti ya butolehi dita suŋa.

Aluki 17:30

La ta yeti la ana la bala Asaala Dayua la niirɛ daarɛ la.

Aluki 17:8

Fum tugum kan yele en yeti, ‘Maahum n yu'uŋɔ dia na, yɛ fum duka lɔgerɔ, la fum maahum n yu'uŋɔ dia na ze'ele mam ti n di gee nyu ba'ahɛ, ti fum me nyaa wa'am na di gee nyu?’

Aromduma 13:13

Bahɛ ya ti tu vɔni ya na'ahegɔ vom, wuu tumam n de niihum kɔma la, gee dagi tu dɛna sɛba en dole dita dikãreyooro la de'em yooro, bugera, tuna dɛgerɔ tuuma, la yetɔgeyooro, dagi zaba la nintɛrega yɛla.

Aromduma 8:19

Timpaberɛ wa za'a ani la kɛli, gee gura Yinɛ kɔma wa niirɛ na.

1 Korẽntɩ 1:7

bahɛ ti ya ka koŋe zu'uhegɔ bo'olum sebo ya puan, yan guri tu Daana Yezu Kiresta niirɛ na wa.

1 Korẽntɩ 13:13

Gee nananawa, sɛla en pakɛ dela, sakerɛ, beere puti'irɛ la nɔŋerɛ. Bana n wan bɔna wuuha, gee sɛla en gana za'a dela nɔŋerɛ.

Efɛɛzɩ 6:14

Bala zuo, sɛ ya ze'ele kankaŋɛ. Gee bahɛ ti yelemɛŋerɛ ana wuu sɛganɛ la lu' ya sɛɛhi la, gee me bahɛ ti tuntɔɔnɛ dɛna ya nyu'ɔ tɛ'ɛlega.

Kolɔsɩ 3:4

Kiresta en de ya vom la han ta niiɛ na, yamam me wan lagum niiɛ la en, la na'ahegɔ.

2 Tesaloniki 1:7

gee bo' sɛba ti ba pɔgelum la me fai, ta ta' la tumam me, Daana Yezu han ta ze'ele saazuo niiɛ na, la a suŋereba bumpahi la.

2 Timoti 4:5

La han dɛna fum, saŋa woo ta'na fum mɛŋa tara suŋa, ŋmibera namehegɔ puan, tuna ayehemuulɛ daana tuuma, tum fum tuunɛ ba'ahɛ suŋa suŋa.

2 Timoti 4:8

Nananawa yɛ'a ha, sɛla en dikɛ biŋe gura mam dela, tuuntɔɔ vom muŋa, sɛka ti Daana la en de tuuntɔɔ gakera la, wan dikɛ bo' mam de daarɛ, gee dagi mam ma'a, gee sɛba woo en me guri Yezu lɛbega na la.

Hiburuduma 10:35

Bala zuo, da bahɛ ya puti'irɛ dinɛ taaba, de tari la yɔɔrɛ kãtɛ kina na.

Hiburuduma 3:6

Gee Kiresta en de se'em la, yuum tari la sakerɛ la Yinɛ lageŋɔ la, dɛna dayua, ti tumam dɛna yire la, tu han gurɛ tu inkpeŋere wa la tu nyu'ɔ ŋma'a sɛka en de tu beere puti'irɛ zuo wa kankaŋi.

Hiburuduma 6:19

Tu tari la putɛ'dina, ti de ana wuu ɛberɛ kãtɛ, la tiŋasuka nyuuŋa la bo' tumam sɛɛhi. Beere puti'irɛ se'ere en kɛ̃ saraa la puan ha, tama la en lu yula la pooren ha la,

Hiburuduma 9:28

bala mɛa ti Kiresta, en kaabɛ a mɛŋa buyina bo' nɛreba zo'e zo'e be'em la ba'ahɛ, a wan le niiɛ na buyi' puan na, dagi a le zabɛ la be'em, gee a faaɛ sɛba en ani kɛli gura en la.

1 Pita 1:10

Han dɛna faarɛ dina wa yele, nɔtɔgeheba sɛba en yuum purɛ zu'uhegɔ la en wan dɛna ya dinɛ la, ma'ɛ ba mɛhi mɛ, viihɛ, gee ɛ bu paaɛ paaɛ,

1 Pita 3:15

gee ya suya puan, tugum malum gurɛ ya Kiresta ti a dɛna daana. Saŋa woo, maahum ya ti ya tɔgɛ po'e ya mɛhi, se'em en soke ya ti ya pa'alɛ en ya beere puti'irɛ wa, lerege ya en bããlam la Yinɛ zoolum.

1 Pita 4:7

Sɛla woo ba'ahegɔ pɔri mɛ. Bala, mu'ɛ ya nini, gee ta'na ya mɛhi tara suŋa, ya pu'uhegɔ zuo.

1 Pita 5:12

Doohe Silevanuse, se'em ti mam nyɛ ti a dela suuɔ en de sakerɛ daana, ti mam gulehɛ gɔŋɔ girega wa, ti n kpemehe ya, gee pa'alɛ ti Yinɛ zu'uhegɔ yelemɛŋerɛ en ŋwana. Sɛ ya ze'ele kankaŋi de puan.

1 Pita 5:8

Tana ya mɛhi tara, gee me maahum. Gee ya dindaana la en de Sagena la kɔ'ɔm mu'ɛ la nini nyaara wuu gbigenɛ la, ɛɛra nɛra ti a obe.

1 Zã 3:3

Se'em woo en tari putɛ'dina Yezu Kiresta puan, peere la a mɛŋa wuu eŋa Kiresta en de fa'a se'em la.