1 Korẽntɩ 9:10 - ZE'ELEGO PAALEGA

¹⁰ Gee Yinɛ ka tɔgeri ŋwana za'a la tumam zuo, yelemɛŋerɛ, ba gulehɛ dina wa la tumam zuo? Se'ere en sɔi la, se'em han kɔɔra, a kɔɔri gee tara la beere puti'irɛ, ti se'em me han tɔɔra ki, a tɔɔri gee tara la puti'irɛ ti a wan to'e a tɔtɛ.

Farefare Ninkaré

¹⁰ Ayɛɩ, la de la tõma yelle tɩ la gʋlsɛ bɛla. Bɛla nẽr-sɛka n kɔɔrɩ tarɩ pʋtẽ'erɛ tɩ a wʋn yẽ mɛ, tɩ sɛka n wẽ'erɩ bõnkɔɔla mẽ tarɩ pʋtẽ'erɛ tɩ a wʋn yẽ, dẽnɩ tɩ ba wuu yẽ ba pʋrɛ.

1 Korẽntɩ 9:10 ပူးပေါင်းရင်းမြစ်များ

Amatie 24:22

Yinɛ han ka ŋmaaɛ dabeha aŋa la girego bahɛ, nɛra ka bu n wan nyɛ faarɛ. Gee sɛba ti Yinɛ looe la zuo, a wan ŋmaaɛ dabeha aŋa girega girega.

Aromduma 15:4

Sɛla woo ti ba gulehɛ diimen diimen ha la, gulehɛ ti la pa'alɛ la tumam, ti sɛ' ze'elego, la kpemehego doohe gulehegɔ la puan, tu wan tara beere puti'irɛ.

1 Korẽntɩ 3:9

Tumam dela Yinɛ yamehi, tuna la taaba; Yamam en de Yinɛ va'am, dɛna Yinɛ yire.

2 Korẽntɩ 4:15

Yelemɛŋerɛ, sɛla woo dela yamam zuo, ti zu'uhegɔ la, n pa'aherɛ se'em la paaɛ nɛreba zo'e zo'e, ti pɛka malum zo'e pa'ahɛ ti Yinɛ yu'urɛ nyɛ pɛka.

2 Timoti 2:6

Kaara se'em n kɔ la, eŋa en de a to'e a tɔtɛ va'am dia la puan yia.