1 Korẽntɩ 8:6 - ZE'ELEGO PAALEGA

⁶ Gee han dɛna tumam, Yinɛ dela ayima, Sɔ la, se'em zi'an ti sɛla woo ze'ele na la, la se'em zuo ti tu za'a vɔna la, Daana ayima, en de Yezu Kiresta la, se'em puan ti sɛla woo ze'ele na, la se'em zuo ti tu vɔna la.

Farefare Ninkaré

⁶ La tõma mi tɩ Nawẽnnɛ ayɩla n boe dɛna tɩ Sɔ n nãam sɛla woo, la ẽŋa ĩyã tɩ tɩ vɔa. La tõma ken mina tɩ Zuudãana ayɩla mã'a n boe, a de la Azezi-krisi, la doose la ẽŋa tɩ sɛla woo bɔna, la ken doose la ẽŋa tɩ tɩ tara vɔm.

1 Korẽntɩ 8:6 ပူးပေါင်းရင်းမြစ်များ

Amatie 11:27

Mam Sɔ dikɛ sɛla woo iŋɛ la mam nu'uhen. Nɛra ka mi' dayua la, han dagena Sɔ la. Nɛra me ka mi' Sɔ la, han dagena dayua la, la se'em ti dayua la bɔta ti a lilege Sɔ la pa'alɛ en.

Amatie 28:18

Ti Yezu paaɛ ba na, yele ba yeti, “Paŋa za'a en boi saazuo ha, la timpaberɛ wa zuo dikɛ bo' la mam.

Azã 1:10

A pun bɔna timpaberɛ wa zuo mɛ na, ti timpaberɛ wa naam doohe la eŋa puan. Gee la bala za'a, timpaberɛ wa zuo nɛreba ka mi' en.

Azã 1:3

Sɛla woo en boi wa, naam doohe la eŋa puan. Han dagi eŋa puan, zugɔ la ayima me ka boi sɛla woo en boi wa puan, wan boni.

Azã 10:30

Sɔ la, la mam dela buyina.”

Azã 13:13

Ya yi'iri mam la Pa'ala la Daana, Ya ka tuue, se'ere en sɔi la, mam n de se'em n bala.

Azã 14:20

De daarɛ la, ya wan baŋɛ ti mam boi mɛ la n Sɔ la, ti yamam bɔna la mam, ti mam me bɔna la ya.

Azã 17:3

Ŋwana n de vomkanba'ahɛ la, ti saaleba baŋɛ fum, fum se'em n de yelemɛŋerɛ Yinɛ wa ma'a, gee me baŋɛ Yezu Kiresta, se'em ti fum tum na la.

Azã 20:17

Ti Yezu yele en yeti, “Da nan gi' mam, se'ere n sɔi la n nan ka zom sɔ la zi'an. Gee kiŋɛ ta yele n suurɔ la yeti, ‘N yeti n kiŋɛ la n sɔ la n de ya sɔ la, la mam Yinɛ la n de ya Yinɛ la zi'an.’ ”

Tõoma 17:28

Se'ere n sɔi la, ‘Eŋa zuo ti tu vɔna, gee kina gee dɛna nɛreba wa,’ wuu ya mɛŋa mageha guleheba en yele se'em yeti, ‘Se'ere n sɔi la, tumam me dela a kɔma la.’

Tõoma 2:36

Bala zuo la, Izirale yire za'a, mina ya suŋa ti Yinɛ n iŋɛ en ti a dɛna Daana la Kiresta. Yezu sɛka ti ya kpa' la.

Tõoma 5:31

Yinɛ zɛkɛ en mɛ ta zi'ire a zuɔ nu'o ti a dɛna Nɛŋa Daana, la Faara, ti a bo' Izirale suteere la yelebe'ero sugeri.

Aromduma 11:36

Se'ere en sɔi la, eŋa puan, la eŋa zi'an ti sɛla woo zɛ'ɛta na, gee dɛna a dinɛ. Eŋa ti na'ahegɔ dɛna a dina saŋa woo. Taari.

1 Korẽntɩ 1:2

en gulehɛ bɔ'ɔra Yinɛ Lageŋɔ la en boi Korinti tiŋa, la sɛba ti ba soke ba, Yezu Kiresta puan, gee yi ba ti ba dɛna nɛresunduma, ta pa'ahɛ la sɛba woo en boi ze'sɛka woo yi'ira Yezu Kiresta yu'urɛ la, ti a dɛna bamam la tumam Daana la.

1 Korẽntɩ 12:3

Bala zuo, n boti ya bɔkɛ mɛ ti, nɛra ka boi tɔgera Yinɛ Sia la paŋa puan tabelɛ, “Puta baha Yezu zuo.” Bii nɛra ta'am yeti “Yezu en de Daana,” han dagena Fa'a Sia la paŋa puan.

1 Korẽntɩ 6:13

“Dia dela puurɛ dinɛ, ti puurɛ me dɛna dia dinɛ,” gee Yinɛ wan sagum ba za'a. Inganɛ la ka boi la yaluntuuma zuo, gee de boi bo' la Daana la, ti Daana la me bɔna bo' inganɛ la.

1 Korẽntɩ 8:4

Bala, han dɛna disɛka en dikɛ kaabɛ baga sɔhega la, tu mi' ti “Bagerɛ ka boi tiŋa wa zuo dɛna bunvua,” ti yinɛ ka bɔna han dagena “Yinɛ deyina wa ma'a.”

Efɛɛzɩ 1:3

Sum dɛna Yinɛ, se'em en de tu Daana Yezu Kiresta Sɔ la dinɛ. Se'em en bo' tu sum Kiresta puan, Sia puan sum sebo woo en boi tinsuŋan ha la,

Efɛɛzɩ 3:14

Ŋwana zuo, mam kpa' la duma Sɔ la nɛŋan,

Kolɔsɩ 1:6

n wa'am ya zi'an na la. Woo bumɔ en wani wala gee zɔ'ɔra se'em tiŋa wa zuo za'a se'em la, bala mɛa ti bu wuna wala ya puan, pɔhɛ daan se'ere daarɛ ti ya wum, gee bɔkɛ Yinɛ zu'uhegɔ la.

1 Pita 1:21

Doohe eŋa puan ti ya wa'am na nam Yinɛ, se'em en ihege en a kum puan la, gee bo' en na'ahegɔ, ti ya sakerɛ, la ya beere puti'irɛ la bɔna Yinɛ zi'an.

Lilegere 1:18

Mam de se'em en vɔi la. Mam yuum ki mɛ, gee bihɛ, n vɔi mɛ wuuha wuuha. Mam en tari kum, la ki'intiŋa kparehega la.