1 Korẽntɩ 8:1 - ZE'ELEGO PAALEGA

¹ Nananawa, disɛka ti ba dikɛ kaabɛ bo' baga sɔhega la. Tu mi' ti, “Tu za'a tari mi'ilum mɛ.” Mi'ilum bo'ori la pa'alɛ mɛŋa gee nɔŋerɛ en mɛti.

Farefare Ninkaré

¹ La sãn dɛna bõn-sɛba tɩ ba dɩkɛ kãabɛ bɔ baga la nẽnnɔ yelle, tɩ mi tɩ tɩ wuu tarɩ bãŋrɛ mɛ, wʋ yãma n yele se'em na. La bãŋrɛ botɩ nẽra zẽkra la a mẽŋa. La nõŋlʋm sõŋrɩ nẽrba mɛ.

1 Korẽntɩ 8:1 ပူးပေါင်းရင်းမြစ်များ

Tõoma 15:10

Bala zuo la, ŋwani ti ya makera Yinɛ bihera, doohe la yan le dikera yɔgehega yɔgera a zahereba wa, yɔgelehi, yɔgehega sɛka ti tumam yaabeduma bii tumam mɛhi kan ta'am zi wa?

Tõoma 15:29

Ya da dita sɛla woo n dikɛ kaabɛ bo' bagerɛ, ya da dita ziim, bii sɛla ti ba kigɛ ku gee yehe ya mɛhi yaluntuuma puan. Ya han dɔla ŋwana, la ba'ahɛ mɛ, Yinɛ suŋɛ ya.”

Tõoma 21:25

Gee han dɛna sɛba n dagi Yuuduma gee lebege sakereba la, tumam tum gɔŋɔ bo' ba ha yeti, ba da dita sɛla ti n kaabɛ bo' bagerɛ, ba da dita ziim, la ba da dita sɛla ti ba kɛge ku, gee yehe ba mɛhi yaluntuuma puan.”

Aromduma 11:25

Ŋwana ti ya kan ta'am yɛta ti, yamam ba' mina mɛ, n suurɔ. N boti ya bɔkɛ yele se'ere en sugɛ wa mɛ, ti Sukãberɛ en lu Izirale buuri la basɛba zuo, gura ti sɛba en dagi Yuda buuri la kãlɛ en de se'em wan nyɛ faarɛ la ta kɛ̃ na ba'ahɛ suŋa suŋa.

Aromduma 12:16

Boni ya la suma'ahum la taaba, da pa'ala ya mɛhi, gee boni ya la naheduma, da ti'iha ti ya wikɛ gana yan de sɛba.

Aromduma 14:10

Ŋwani ti fum gakera fum suuɔ? Bii ŋwani ti fum zɛɛna fum suuɔ? Tu za'a wan ze'ele Yinɛ gakerɛ kuka la nɛŋan mɛ.

Aromduma 14:14

Mam mi', gee ti Daana Yezu me bahɛ ti n baŋɛ ti, sɛla ka boi dɛna galeŋɔ lɔkɔ ku mɛŋa, gee ku de galeŋɔ lɔkɔ bɔ'ɔra la se'em daana en ti'ihɛ ti ku dela galeŋɔ lɔkɔ la.

Aromduma 14:19

Bala, bahɛ ya ti tu dole ya la ninmu'urɛ yele sɛ'a en bo'ori tu suma'ahum, gee mɛta tɔ.

Aromduma 14:22

Sakerɛ se'ere ti fum tara la, tara dɛ fum ma'a, fum la Yinɛ tiŋasuka. Sum boi mɛ la sɛba en ka nyɛ se'ere zuo ti ba wan gakɛ ba mɛhi doohe bamam en bihɛ ti sɛla dagi be'em.

Aromduma 14:3

Sɛba en diti sɛla woo la, da biha sɛba en ka diti bala la yoo, ti sɛba en ka diti la me da gakera sɛba en diti sɛla woo la, se'ere en sɔi la, Yinɛ to'ore ba woo mɛ.

Aromduma 15:14

Mam mɛŋa nam ya mɛ n suurɔ, ti ya mɛhi pirɛ mɛ la itesuŋɔ, pirɛ la mi'ilum za'a, wan ta'am ka'am taaba.

1 Korẽntɩ 1:5

beni zuo, sadɔɔ seko woo puan, ya pirɛ mɛ a puan, la tugum, la mi'ilum woo,

1 Korẽntɩ 10:15

Mam mi' ti mam tɔgeri bɔ'ɔra la yɛm duma. Gakɛ ya bo' ya mɛhi mam en yeti ya sɛla wa.

1 Korẽntɩ 10:28

Gee nɛra la han yele fum ti, “Ba dikɛ dia wa kaabɛ la bagerɛ,” da di dikaŋa, se'em daana en yele fum la zuo, la puti'irɛ la en wan ita se'em la zuo.

1 Korẽntɩ 14:20

N suurɔ, da deni ya kɔma ya ti'ihegɔ puan, gee tugum deni ya kɔmbilɛɛhi be'em tuuma puan, gee ti'ihegɔ puan deni ya bunkureba.

1 Korẽntɩ 15:34

Sigehe ya mɛhi, gee nyɛ putɛ'sunɛ, la ya da le tum be'em. Se'ere en sɔi la, nɛreba basɛba ka mi' Yinɛ. N yeti dɛna wa ti la dɛna la vi bo' ya.

1 Korẽntɩ 4:10

Bala! Tumam nyaa dela geto Kiresta zuo, gee ti yamam dɛna yɛm duma Kiresta puan. Tumam tari la tɔregɔ, gee yamam dɛna paheduma. Yamam dela zuto duma, gee tumam dɛna fagehum duma.

1 Korẽntɩ 4:18

Gee ya sɛba en ti'iheri ti mam kan le wa'am ya zi'an na la, lebege la nɛrewureba.

1 Korẽntɩ 4:6

Mam bahɛ ti Apolos la mam mɛŋa dɔla yele ana mɛ yamam sum zuo, n suurɔ wa, ti ya zamehɛ tumam puan, la ya se'em da vɔna zɔɛ sɛla en gulehɛ la. Ŋwana ti ya se'em kan ukera a mɛŋa la eŋa en boti se'em gana se'em la zuo.

1 Korẽntɩ 5:2

Gee ti ya tugum ukera. La dagi ni la ya tugum kɛla, gee ti se'em en tum tuun-dina wa la, ya fooe ni en ya puan bahɛ?

1 Korẽntɩ 5:6

Ya pa'ali mɛŋa la ka tari vuurɛ, yamam ka mi' ti dabelɛ fii wa en ni bahɛ ti zom la za'a ihegera?

1 Korẽntɩ 8:2

Se'em han ti'ihɛ ti eŋa mi' sɛla, nan kelum ka tara mi'ilum sebo en de a tara.

1 Korẽntɩ 8:4

Bala, han dɛna disɛka en dikɛ kaabɛ baga sɔhega la, tu mi' ti “Bagerɛ ka boi tiŋa wa zuo dɛna bunvua,” ti yinɛ ka bɔna han dagena “Yinɛ deyina wa ma'a.”

1 Korẽntɩ 8:7

Dagi nɛra woo en tari mi'ilum buna wa, gee yelemɛŋerɛ nɛreba basɛba boi mɛ ti ba suya ba' lu' la baga, tara tara la zina, ba kelum ti'iha dia ti ba di ti ba dikɛ ka kaabɛ bo' la baga, ti ba puti'ira la en ka kpe'em la nyaa galum ba.

Efɛɛzɩ 4:16

Eŋa puan ti iŋa la za'a nyɔkɛ taaba suŋa suŋa dɛna inyiŋa doohe la giile woo n tuni de tuunɛ suŋa se'em bahɛ ti inganɛ la zɔ'ɔra doohe la dinɛ n mɛti de mɛŋa nɔŋerɛ puan la.

Kolɔsɩ 2:18

Da bahɛ ti nɛra sigehe fum, doohe eŋa en boti se'em doohe sigehe n mɛŋa yooro, suŋereba pu'uhegɔ, zaaheŋɔ yɛla, banaduma ukeri mɛ la asaala puti'irɛ la pa'alɛ mɛŋa,

Lilegere 2:14

Gee mam tari la yele dina la ya. Ya tari basɛba ya puan ti ba dɔla Balaam pa'alegɔ la mɛ, se'em en daa pa'alɛ Balake ti a dikɛ sɛla en piti beŋe Izirale buuri la ti ba dita baga dia gee tuna yaluntuuma la.

Lilegere 2:20

Gee mam tari la dina la ya. Ya to'e Yezebɛle mɛ, pɔgesɛka en yi'iri ka mɛŋa nɔtɔgeha la, se'em pa'alegɔ en bahɛ ti mam yamehi bɔregɛ, tuna yaluntuuma, gee dita dia ti ba dikɛ kaabɛ baga la.